борчо коцев – Kurir.mk

Општина Зрновци потпиша договор за изградба на каскади и помошни канали за наводнување

Тале Кристо — Fri, 10 Feb 2023 18:19:38 +0000

Денес го потпишавме договорот со фирма изведувач ДПТУ Стоименов - Кочани и Директорот на Центарот за развој на Источен плански регион за започнување на реализација на проект Изградба на помошни канали за наводнување и каскади во висина од 9 500 000 денари: -Виничка вада во должина од 1450 метри -Морошка вада во должина од 850 метри -Изградба на три каскади на река Зрновка. Со реализација на овој важен проект проблемите на земјоделците за наводнување со доволна количина и динамика на земјоделските површини ќе станат минато. Продолжуваме одговорно и посветено за доброто на сите граѓани на општина Зрновци!, објаво градоначалникот на општина Зрновци Борчо Коцев.

Коцев: Во 2023 година ќе реализираме многу проекти за подобрување на квалитетот на живот на нашите жители

Тале Кристо — Sun, 25 Dec 2022 10:26:41 +0000

Во 2023 година планираме да реализираме голем број на проекти со што значително ќе го подобриме квалитетот на живот на жителите на Општина Зрновци. Ова е главната поента од обраќањето на Борчо Коцев, градоначалник на Општина Зрновци на средба на градоначалниците од редовите на ВМРО-ДПМНЕ коалицијата која што се одржа во Кочани. Коцев направи краток осврт за големиот број на реализирани проекти во општината и покрај скромниот буџет. - Во 2022 година Општина Зрновци во делот на патната инфраструктура реализираше околу 2 километри патна инфраструктура, во вид на изградба на нови и реконструкција на постоечките улици, за што издвоивме 6.300.000 денари. Изградена е каптажа за постојано водоснабдување во село Мородис со што решивме проблем стар повеќе од две децении, а извршено е и чистење на браната Зафат во село Видовиште. Од аспект на водоводната мрежа, извршена е реконструкција на секундарната мрежа во Зрновци и дел во село Мородвис, а изготвени се и петнаесетина проекти и технички документации кои планираме да ги реализираме во 2023 година – кажа градоначалникот Коцев. За 2023 година се планираат повеќе проекти во сите области, каде дел ќе се финансираат од сопствените средства на општината, а дел преку разни фондови и апликации. - Веќе во февруари започнуваме со изградба на помошни канали за наводнување со изградба на три каскади по течението на река Зрновка. Станува збор за проект кој е во вредност од 9.500.000 денари и со него трајно ќе го решиме проблемот со наводнување на земјоделските површини во село Зрновци. Во месец јануари ќе распишеме јавни повици за изградба на резервоар за водоснабдување во село Зрновци, во висина од околу 2 милиони денари. Планираме и изградба на пречистителна станица во село Видовиште, бидејќи целосната канализација е инсталирана во речното корито на Видовишка река, а со овој проект ќе заштитите од 50 до 100 хектари земјоделски површини. Исто така ќе се гради резервоар за водоснабдување во село Мородвис, а ќе започнеме и со изградба на ново повеќенаменско спортско игралиште за што ќе издвоиме 6.500.000 денари. Планираме во 2023 година да изградиме патека од влезот во село Зрновци до излезот на село Мородвис, за што е подготвена техничка документација и ќе се одвојат околу 5.500.000 денари, а планираме и реконструкција и доизградба на основното училиште „Синиша Стоилов“ во вредност од 5 милиони денари, изградба на фитнес зона на отворено и друго. Регионалната средба беше организирана од страна на Комисијата за локална, Комисијата за инфраструктура, урбанизам и транспорт и Комисијата за финансии при ВМРО-ДПМНЕ.

Коцев: Општина Зрновци се менува, во патната инфраструктура се инвестираа 6 ипол милиони денари, а реконструиран е и културниот дом

Дарко Андоновски — Wed, 16 Nov 2022 13:06:45 +0000

Почитуван претседател проф. д-р. Христијан Мицкоски, Денес при посетата на нашиот претседател на општина Зрновци, извршивме увид во градежните активности кои што се одвиваат во село Видовиште и село Мородвис. Односно изградба и реконструкции на улици во село Видовиште во вкупна должина од 600 метри и во село Мородвис изградба на улица во должина од 100 метри, ова денеска преку изјава за медиумите го истакна, градоначалникот на општина Зрновци, Борчо Коцев.

-Оваа година како што ја започнавме така и ја завршуваме со многу енергија, многу труд, постигнавме одлични резултати за реализација на проектите кои што на самиот почеток ги превидовме заедно со Советот, стручната служба и локалните претпријатија во општина Зрновци. Во делот на патната инфраструктура Општина Зрновци инвестираше 6 ипол милиони денари. Во делот на комуналната и водоводната инфраструктура во постапка се изградба на два резервоари во село Видовиште и во село Зрновци во висина од 2 ипол милиони во Зрновци и во висина од милион и 700 илјади денари во село Видовиште. Изградена е каптажа во село Мородвис со кое што решивме дведецениски проблем и на еден начин домаќинствата имаат постојано водоснабдување во ова село. А, во делот на поддршка на културата реконструиран е културен дом во село Мородвис во висина од милион и 700 илјади денари, средства обезбедени од Бирото за развој и околу 700 илјади денари сопствен буџет од Општина Зрновци, вели Коцев.

Тој додава дека исчистени се повеќе депонии, потпишан договор за дислокација на постоечката депонија во Зрновци.

-Во делот на спортот изготвен е проект кој што ќе започнеме со реализација на пролет во висина од 6 ипол милиони денари во село Мородвис. Воедно, потпишани се договори и обезбедени средства за изградба на помошни канали за наводнување Морошка вада и Виничка вада, во должина од 1.400 метри Виничка вада, и 850 метри Морошка вада. Изградба на три каскади во течението на река Зрновка за наводнување на земјоделските површини со што трајно го решаваме проблемот на земјоделците и ја олеснуваме работата во нивните земјоделски површини. На еден начин општина Зрновци со најмал буџет, од сопствен буџет од 7 милиони денари ние успеавме оваа година да направиме инвестиции над 30 милиони денари, вели Коцев.

Коцев: Ветивме и реализиравме модерно и современо образование во општина Зрновци, го подобривме квалитетот на водата за пиење, го сменивме главниот цевковод, изградивме детски парк

Тале Кристо — Tue, 15 Feb 2022 12:49:24 +0000

Последните 100 дена, Општина Зрновци се движи по патот на просперитетот и успехот. Како градоначалник на општина Зрновци, подеднакво посветен за доброто на сите граѓани на општината, почнавме со решавање на тековни проблеми во надлежност на локалната самоуправа, креирање и реализирање на нови проекти. За идејата да стане реалност, за граѓаните на општина Зрновци ветивме и во првите 100 дена исполнивме многу значајни проекти, истакна Борчо Коцев градоначалник на Општина Зрновци на денешниот отчет на градоначалниците од источниот регион кој се одржа во Кочани. „Веднаш започнавме и денес се во завршна фаза изготвување на проектна документација за изградба на промена на дел од главниот цевковод за водоснабдување од фабриката за вода, во должина од 200 метри во село Зрновци. Капитажа за водоснабдување во село Моровец, филтер станица за фекална канализација во село Видовиште, зафат на Морошка река за наводнување на земјоделски површини, изградба на дополнителен резервоар на водоводна мрежа за водоснабдување на домаќинствата во Зрновци. Изградба на детски парк, изградба на потпорен ѕид за проширување на улица, изградба на пешачка патека од влезот на општината до општинската зграда. Ревидирање на проект, промена на секундарна водоводна мрежа во Зрновци, рече градоначалникот Коцев. Покрај горенаведените, додаде тој, во буџетот за 2022 година предвидовме и 400 илјади денари за изготвување на проектна техничка документација за капитални проекти. Додаде дека за 20 отсто ги намалија цените на комуналната услуга која опфаќа изнесување на отпад и смет, како и реорганизирање и модернизирање на комуналното јавно претпријатие „Водна кула“, за навремено и подинамично извршување на дејностите и набавена униформа и материјално технички средства за вработените. „Ги интензивиравме работните активности на градежно санациските работи на мост Капетан Синиша Стоилов во централното јадро на Општина Зрновци. Го уредивме училишниот двор на училиштето „Синиша Стоилов“ во Зрновци со бекатон плочки. Донесовме одлуки и правилници од страна на локалната самоуправа и советот на општината за користење на спортската сала за сите корисници на спортот. Санација и поправка на дефекти и делови во секундарната и приклучна водоводна мрежа во село Мородвис, по што ќе следи и нејзино зонирање заради регулирање на притисокот во истата и минимизирање на потенцијалните дефекти“, посочи Коцев. Додаде дека учениците и наставниот кадар во општина Зрновци заслужува квалитетно и модерно образование при што за време ан кампањата ветиле модерно образование и образовен процес за учениците и наставниот кадар и истото го оствариле. „Набавено и реализирано, десет смарт табли со препознавање на ракопис и геометриски фигури, 10 ЛЦД проектори, 27 таблети и седум дополнителни во набавка. Инвертер клими во сите училници и канцеларии. Комплетно реновирање на сите санитарни јазли. Учениците и наставниот кадар во општина Зрновци заслужуваат унапредување на воспитно образовниот процес и обезбедување најквалитетна настава“, рече градоначалникот Коцев. Коцев истакна дека преземаа низа активности за значително подобрување на квалитетот на водата за пиење, како отклонети дефекти на испусни вентили, прочистување на четири километарски доводен тунел до „Водна кула“ и прочистување на таложникот во истите.

Коцев: На местото каде што две децении имаше рушевина, ќе се изгради нов детски парк

Ристе Здравков — Mon, 27 Dec 2021 19:04:40 +0000

Денес започнуваме со отстранување на рушевината која што дваесетина години е грда слика во овој дел на Зрновци! На овој простор по целосно расчистување, се обврзуваме да изградиме нов детски парк со реквизити за игра за најмалите, рекреација за возрасните! Продолжуваме да ја градиме Општина Зрновци во урбано место за живеење, за доброто на сите граѓани, напиша на Фејсбук градоначалникот на општина Зрновци, Борчо Коцев.

Коцев: Создаваме нова иднина – Изградба на нов комплекс за младите и пет нови локални патишта се дел од проектите за поубаво Зрновци

Магдалена Андонова — Thu, 30 Sep 2021 18:01:25 +0000

Во минатите години покажавме и докажавме дека само сплотени, со многу труд и пожртвуваност, можеме да ја постигнеме целта, да од општина Зрновци изградиме прекрасно место за живеење, светла дестинација за туристите и посетителите, успешна македонска приказна, преку реализирање на огромен број проекти. Успехот не е случајност. Тој е напорна работа, пожртвуваност, истрајност, учење и многу љубов кон она што го работите и создавате за својата општина за своите сограѓани, а тоа го должиме на помладите и идни генерации“, истакна Борчо Коцев, кандидат за градоначалник на општина Зрновци денес на митингот. Коцев додаде дека програмата се состои од идеи, предлози, решенија и потреби на граѓаните од општина Зрновци. - Во четиригодишното работење, главен акцент ќе ставиме на економијата, зголемување на економската моќ на општина Зрновци, за подобар животен стандард на сите граѓани на општина Зрновци со донесување на правилна стратегија за локален економски развој, формирање на локален економски совет, привлекување на инвеститори и реализирање на економско исплатливи капитални проекти и инвестиции во трите населени места на општината, во Видовиште, во Мородвис и во Зрновци, нагласи Коцев. Коцев посочи дека се предвидува изградба на секундарна водоводна мрежа во село Зрновци со должина од 12 километри, изградба на зафат брана на Видовишка река во село Видовиште, изградба на зафат брана на Морошка река во село Мородвис, изградба на затворен пазар во село Зрновци. Коцев вети и изградба на нов комплекс за младите – нов детски парк со фитнес зона на отворено, алпинистички појас и стаза за ролери, се предвидува и речен туризам односно просторно уредување на река Зрновка кај место викано централа со речни базенти, елементи за рекреација. Коцев појасни дека во програмата се предводува дури и изградба на дом за стари лица во село Видовиште, изградба на прочистелна станица за отпадни води и фекална канализација во Зрновци и Видовиште. - Посветено ќе работиме во сферата на инфраструктурата, урбанизмот, земјоделието, културата, туризмот, спортот и комуналниот развој за здрава животна средина транспарентно во сите три населени места, во село Видовиште, Мородвис и Зрновци, рече Коцев. Коцев додаде дека ќе се изградат и асфалтираат и пет нови локални патишта и тоа: · Нов локален од место викано Дива топола до сврзување со постоечкиот локален пат Зрновци - Виница. · Нов локален пат Зрновци – Мородвис. · Нов локален пат Мородвис – локалитет - Манастир „Свети Симеон“. · Нов локален пат во село Видовиште од место викано Гумења до место викано Друм. · Нов локален пат од село Видовиште до манастир „Свети Спас“. - Ова е само дел од она што ќе го прочитате во програмата, а јас со тимот на советници во Советот на општина Зрновци, стручната служба вработена во локалната самоуправа и локалните институции максимално ќе се залагаме за нејзина целосна реализација, посочи Коцев.