борење – Kurir.mk

Ахмад Могамедов донесе бронза за Македонија од ЕП во борење

Бошко Тасиќ — Tue, 18 Apr 2023 22:02:28 +0000

Македонија слави медал од Европското првенство во борење во Загреб. Иако сите очекувања беа врзани со имињата на Нуров и Вејсели, сепак бронза од Хрватска донесе Ахмад Магомедов. Во категоријата до 79 килограми слободен стил, Магомед извојува победа во борбата за бронзениот медал. Во последната борба вредна бронзен медал, Ахмад го победи Арман Авагјан од Ерменија. Магомедов славеше со 7-4, откако претходно во репасажот славеше над Шпанецот Рамос со 10-0.

Нуров и Вејсели загубија уште на стартот на ЕП, Магомедов се надева на репасаж

Бошко Тасиќ — Mon, 17 Apr 2023 14:52:35 +0000

Двајца од македонските борачи кои беа и наши адути во битката за медалите на Европското првенство во Загреб разочараа со порази уште во првите настапи во своите категории. Еден од најголемите адути за медал, Могамедгаџи Нуров, загуби уште во осминафиналето во категоријата до 97 килограми во дуелот со полскиот борач Збињев Барановски. Нуров беше поразен со 5:2. Брза елиминација доживеа и Фати Вејсели. Тој се појави на душекот во квалификациите во категоријата до 70 килограми каде налета на Полјакот Патрик Оленчин кој на крајот славеше на поени со 11:9. Добар почеток имаше Ахмад Магомедов кој го доби дуелот во осминафиналето во категоријата до 79 килограми против Словакот Станислав Новац со убедливи 8:0, но во четвртфиналето налета на грчкиoт борач Георгиос Кујумцидис и по голема борба Гркот на крајот однесе победа од 5:3 на поени. Ако Кујумцидис успее да слави во полуфиналето, тогаш Магомедов ќе добие шанса низ репасаж да се бори за бронзен медал.

Митров остана без медал на Светското првенство во борење во Белград, разочарувачки настап на Егоров

Бошко Тасиќ — Sat, 17 Sep 2022 18:04:35 +0000

Македонскиот борач Дејан Митров остана без медал на Светското првенство кое денеска стартуваше во Белград, Србија. Митров во категоријата до 79 килограми дојде до позиција да се бори за медал, но не успеа да го мине репасажот губејќи од Сапармирадов од Туркменистан. Претходно славеше против Унгарецот Вида со 3-2, а загуби од Буроу од САД со 12-1 во осминафиналето. Дејан Митров во категоријата до 57 килограми почна со победа во квалификациите, но во 1. коло загуби од Порториканецот Круз со 3-0. Фати Весели загуби во квалификациите во категоријата до 70 килограми од Рамазанов од Бугарија со 7-4.

Македонската репрезентација во борење се подготвува за ЕП во Унгарија

Ивона Петрова — Tue, 22 Mar 2022 13:33:05 +0000

Членовите на македонската боречка репрезентација во сениорска конкуренција од денеска во Кочани ги почнаа подготовките за претстојниот настап на Европското првенство, што ќе се одржи во Унгарија. На повикот на селекторот Бобан Данов се јавија сите репрезентативци во неколку тежински категории, кои кондициските и техничко-тактичкото вежби ги реализираат во салата на боречкиот клуб „Спартак“. – На Европско првенство во борење за сениори, што ќе се одржи од 28 март до 2 април во Будимпешта, нашата репрезентација ќе настапи со пет борачи. Довербата им ја дадов на Владимир Егоров во категорија до 57 кг, потоа на Бесир Алили до 61 кг, Фати Вејсели до 70 кг, Дејан Митров до 79 кг и на Магомедгаџи Нуров во категоријата до 97 кг. Конкуренцијата на првенството е силна, но со малку среќа и добра ждрепка очекуваме да се вратиме со медали. Исто така, нашата шанса ја гледам и во актуелната ситуација поради која нема да настапат Русија, Украина и Белорусија. Упатувам благодарност до БК „Спартак“ за можноста подготовките за првенството да ги спроведеме во Кочани, истакна селекторот Данов. Настапот на Европското првенство во Унгарија ќе биде прво учество на меѓународната сцена за нашата репрезентација во оваа година. Потоа за борачите ќе следат подготовки за учество на Медитеранските спортски игри во Алжир во текот на јуни и јули, како и за Светското првенство во борење што е закажано за септември, а домаќин ќе биде српскиот главен град Белград.

Двоен олимписки шампион обвинет за убиство

Бошко Тасиќ — Mon, 24 May 2021 06:54:51 +0000

Двојниот олимписки медалоносец во борење, Индиецот Сушил Кумар е уапсен под обвинение за убиство на свој колега, објави полицијата во Њу Делхи. Кумар (37) заедно со уште еден маж биле притворени поради убиство, но полицијата не објави детали за убиството, освен дека олимпиецот бил вмешан во тепачка која се случила на почетокот на месецов пред стадионот Чатрасал во Делхи. Во тепачката која се случила на 4 мај, три лица завршиле во болница, а еден од нив бил екс-јуниорски шампион во борење, кој на крајот им подлегнал на повредите. Кумар е еден од најпознатите индиски спортисти, кој на Летните Олимписки игри во Лондон во 2012 година го освои сребрениот медар, а четири години претходно на ЛОИ во Пекинг во 2008 година беше бронзен.