борис георгиевски – Kurir.mk

Стефковски: Жителите на Раштак немаат вода за пиење – на лагата и се кратки нозете, а ова е доказ дека Георгиевски лаже (ВИДЕО)

Тале Кристо — Sat, 09 Oct 2021 19:49:54 +0000

Жителите на Раштак немаат вода за пиење, Борис Георгиевски во телевизискиот дуел пред некој ден излажа дека Раштак има вода за пиење, а доказ за тоа е токму ова видео од вечерашната посета на ова населено место, објави на својата Фејсбук страница кандидатот за градоначалник на општина Гази Баба од редовите на ВМРО-ДПМНЕ Бобан Стефковски. -Вечерва бев кај тетка Славка која има 80 години и живее во Раштак. Тетка Славка ми кажа дека го гледала дуелот кој пред некој ден го имавме на Македонската телевизија со Борис Георгиевски на кој градоначалникот кажа дека Раштак има вода за пиење. Од видеото може да се види дека жителите на Раштак немаат вода за пиење. Нашиот народ кажал: на лагата и се кратки нозете. Народот можеш да го излажеш еднаш, а вториот пат следува казната од народот, пишува во својата објава Стефковски.

Пешевска со јавен апел до Георгиевски: Откажете се од намерата да ослоботите приватен инвеститор од плаќање на комунавли од 2 милиони евра!

Тале Кристо — Thu, 27 May 2021 09:00:28 +0000

Како Пратеник, а особено како граѓанин на Општина Гази Баба, загрижена сум за повторната намера на градоначалникот на Општина Гази Баба Борис Георгиевски, да со одлука на Совет ослободи приватен инвеститор од плаќање на комуналии во висина од над 2 милиони евра, вели во својот апел упатен до градоначалникот на Гази Баба пратеничката од редовите на ВМРО-ДПМНЕ Жаклина Пешевска. Во продолжение интегрално ви го пренесуваме апелот на Пешевска: ЈАВЕН АПЕЛ ДО ГРАДОНАЧАЛНИКОТ НА ОПШТИНА ГАЗИ БАБА БОРИС ГЕОРГИЕВСКИ ДА СЕ ОТКАЖЕ ОД НАМЕРАТА ДА ОСЛОБОДИ ПРИВАТЕН ИНВЕСТИТОР ОД ПЛАЌАЊЕ НА КОМУНАЛИИ ВО ВИСИНА ОД 2 МИЛИОНИ ЕВРА НА ШТЕТА НА ГРАЃАНИТЕ! Како Пратеник, а особено како граѓанин на Општина Гази Баба, загрижена сум за повторната намера на градоначалникот на Општина Гази Баба Борис Георгиевски, да со одлука на Совет ослободи приватен инвеститор од плаќање на комуналии во висина од над 2 милиони евра. Ваквата намера е скандалозна и штетна за граѓаните на Општина Гази Баба. Додека граѓаните на Раштак и Брњарци немаат вода за пиење, Гоце Делчев, Трубарево, Ергеле, Јурумлери, Идризово, Дрма, Црешево и други немаат фекална канализација, Крсте Мисирков нема ново школо, Инџиково, Трубарево и Керамидница немаат нови градинки, градоначалникот на Гази Баба како да живее во друг свет, предлага носење на ваква штетна одлука. Јавно апелирам до градоначалникот Борис Георгиевски да се откаже од намерата за носење на ваква одлука а Советниците во Советот на Општина Гази Баба, особено оние на кои на локалните избори во 2017та година и лично им дадов поддршка, да застанат на страната на народот и на општината и да не ја донесат ваквата предложена одлука! Граѓаните на Општина Гази Баба со право се загрижени!, вели Пешевска во апелот.

„Градоначалникот на Гази Баба, Борис Георгиевски ослободил инвеститор од плаќање комунали во висина од 2 милиони евра“

Тале Кристо — Mon, 12 Apr 2021 08:42:02 +0000

Кој му дал право на градоначалникот на Гази Баба Борис Георгиевски да ослободи, приватен инвеститор да не плати 2 милиони евра комунали?!, прашува пратеничката од редовите на ВМРО-ДПМНЕ Жаклина Пешевска. Како пратеник во Собранието на Република Македонија, но најнаред како граѓанин, жител на Општина Гази Баба, сериозно сум загрижена од последните случувања во Општина Гази Баба. Граѓаните на Гази Баба со право се загрижени, прашуваат но не добиваат одговор. Прашањата на граѓаните, се и мои прашања! Како е можно, во време на пандемија, кога покрај многуте инфраструктурни недостатоци за населените места, се потребни и финансиски средства за справување со пандемијата, градоначалникот на Општина Гази Баба бара од Советот на Општината, да ослободи приватен инвеститор од обврска за плаќање на комуналии во висина од 2 милиони евра. Кој му дал за право, на градоначалникот Георгиевски да предлага ваква одлука? Жителите на Раштак и Брњарци немаат вода за пиење, повеќе населени места немаат фекална канализација, нема нови училишта, нови градинки, нови детски катчиња.. и кога сето ова го нема, некој сака 2 милиони евра да не влезат во буџетот на Општината. Јавно апелирам, до градоначалникот на мојата општина Борче Георгиевски да се откаже од носењето на ваква одлука која е на штета на граѓаните, а вооедно апелирам и барам од советниците во Советот на Општина Гази Баба, особено од оние на кои на локалните избори во 2017тата година им ја дадов поддршката, да одлучат и да застанат на страната на граѓаните, гласајќи против ваква предложена одлука! Носењето на ваква одлука, ќе нанесе непоправливи последици врз буџетот на Општина Гази Баба!, пишува во својата објава Пешевска.

Младите во Гази Баба со пародија го одбележаа 1 април: ,,Свечено отворена ветената катна гаража во Маџари’’ (ФОТО)

Тале Кристо — Thu, 01 Apr 2021 11:37:56 +0000

Младите од УМС на ВМРО-ДПМНЕ - Гази Баба, „свечено ја отворија“ ветената катна гаража во населеното место Маџари 2. Имено, станува збор за пародија на младите од УМС на ВМРО-ДПМНЕ, а се однесува на ветувањата градоначалникот Борис Георгиевски кој што во предизборието за време на локалните избори ветуваше дека токму во ова населено место во општината Гази Баба ќе никне катна гаража. -Почитувани жители на општина Гази Баба, Од денес ќе можете да паркирате во новоотворената катна гаража во населеното место Маџари 2. Катната гаража е реализација на предизборното ветување на градоначалникот Борис Георгиевски. На отворањето на катната гаража присуствуваа и градоначалникот на Скопје, Петре Шилегов и премиерот Заев, кои симболично пресекоа и црвена лента. Априлилили, се надеваме дека не поверувавте на оваа шега бидејќи сте свесни за ангажманот и работата на господинот градоначалник, велат во својата објава од Умс Гази Баба.

Стефковски: Нема средства за капитални инвестиции, но затоа има за партиски вработувања во Гази Баба

Ивана Ефремовски — Thu, 18 Mar 2021 16:55:53 +0000

Повторно недомаќинско трошење на народните пари од страна на градоначалникот Борис Георгиевски, обвинува Бобан Стефковски, претседател на ВМРО ДПМНЕ ОК Гази Баба. „14 милиони денари за привремени вработувања во време на пандемија! Нема средства за капитални инвестиции, гасификација, водовод, фекални канализации, градинки, училишта, игралишта, катни гаражи и тн.., но затоа има за партиски вработувања. Ни тронка совест да се немало“ - истакнува тој.

Коцевски: Нема место во градинките во Гази Баба, градоначалникот вети а не изгради нови градинки и училишта

Магдалена Андонова — Mon, 21 Dec 2020 15:45:41 +0000

Со одлуката на владата на Република Македонија во екот на пандемијата и зголемениот број на заразени од КОВИД 19, истите тие да се вратат на работа се појавија грижите за родителите кои имаат деца под 5 годишна возраст. Имено, тие место безгрижно да одат на работа, не можат да згрижат своите деца затоа што се појавија огромни проблеми со капацитетите во градинките, изјави на денешната прес конференција, Зоран Коцевски од ВМРО-ДПМНЕ. - Инаку, градоначалникот Борис Георгиевски вети дека ќе ги среди овие проблеми и дека сите деца ќе бидат згрижени, меѓутоа неофицијално се поголем број на деца останаа дома да бидат згрижени, наместо тоа да биде во градинките. Таков проблем е со градинката „25 Мај“ во населбата Ченто, истакна тој. - Втората лага и ветување во предизборието на градоначалникот кој е во заминување Борис Георгиевски беше за основното училиште Крсте Мисирков. Имено, тој вети дека ќе има нов проект и нов објект, а од тоа нема ништо. И не само што нема нов објект како што можете да видите позади мене, туку нема ни нов проект. Затоа, градоначалникот во заминување Борис Георгиевски и СДСМ никогаш повеќе нема да дојдат на власт во општина Гази Баба. Никогаш повеќе СДСМ. Никогаш повеќе Борис Георгиевски. Имено, ќе дојдат нови луѓе кои што имаат капацитет за да ги решаваат проблемите на своите сограѓани во населбата Ченто и во општина Гази Баба, потенцира Коцевски.

Стефковски: Георгиевски има список на милозвучни желби, но за жал на лист хартија, граѓаните останаа измамени

Тале Кристо — Tue, 01 Dec 2020 16:41:11 +0000

Неодамна градоначалникот Борис Георгиевски објави дека три години посветено работел во интерес на сите граѓани во Општина Гази Баба и дека сериозно работел на решавање на секој проблем. Токму затоа во оваа прилика сакаме да се обратиме на граѓаните на урбаните заедници Маџари 2 и Крсте Мисирков, да воочиме што им вети градоначалникот, а што исполни во неговиот мандат, истакна на денешната прес-конференција Бобан Стевковски од ВМРО-ДПМНЕ. Овие урбани заедници се пример за соживот на граѓаните од различна националност, но заедно го понесуваат товарот на неспособноста на локалната самоуправа. Борис Георгиевски во 2017-тата година вети дека ќе изгради катна гаража во комплексот на поликлиника Ченто, при што самите можете да се уверите дека до денес за овој проект нема отпочнато никаква постапка. Жителите прашуваат зошто до сега не се изгради катната гаража која треба да го реши проблемот со паркирањето. Понатака во списокот на милозвучни желби на градоначалникот пишува дека ќе донел детален урбанистички план за пазарот кој е од големо значење на граѓаните од овие урбани заедници но и пошироко. И ова ветување е неисполнето. Детското село СОС е гордост на нашата општина и заслужува најдобри услови за функционирање. Напротив, просторот на влезот на улицата која води до ова село остана неуреден. Познато е дека Борис Георгиевски е приврзаник на политиката на бетонизација како што планира да го направи во Автокоманда, па разбираме зошто не сака да го уреди финскиот парк, да го обнови детското катче и да го уреди паркот во Ченто. Колку се ефикасни локалната и централната власт се гледа по тоа што заедно не можат да го стават во функција ниту домот за култура во оваа месна заедница. Господине градоначалник вие сте најголемиот проблем на граѓаните на општина Гази Баба кој за општо добро ќе биде решен на следните локални избори. Вие и вашата партија само декларативно се залагате за едно општество за сите, а во реалноста спроведувате една беда за сите. Не се кријте позади пароли за соживот кој долго време постои уште пред вие да дојдете на власт. Почитувани граѓани отворете ја програмата на градоначалникот и уверете се колку може да биде голема лагата од они кои што ги плаќаме со наши пари за да работат за наше добро, рече Стевковски.

Граѓаните од Гази Баба му посакаа ,,Добро утро” на градоначалникот Борис Георгиевски

Ивона Петрова — Wed, 14 Oct 2020 07:06:31 +0000

Неколку видови на цвеќиња беа посадени во ударните дупки за да се испрати порака дека улиците не се безбедни и дека некој мора да превземе нешто. Соочени со фактот дека градоначалникот Борис Георгиевски изгледа не ги гледа дупките низ улиците, граѓаните одлучија да му испратат порака на ваков начин. Тие му посакаа „Добро утро“ на Георгиевски со засадени цвеќиња во дупките на улиците. Граѓаните го потсетуваат Георгиевски дека треба сериозно да се фати за работа!

Откако го победи коронавирусот, градоначалникот на Гази Баба донираше крвна плазма

Ивана Ефремовски — Fri, 07 Aug 2020 08:58:35 +0000

Градоначалникот на општина Гази Баба, Борис Георгиевски на Институтот за трансфузиона медицина донираше крвна плазма. -Многу сум среќен затоа што успеав си го исполнав ветувањето кое си го дадов уште додека се лекував, дека штом оздравам и се создадат услови, ќе дарувам крв за да дадам шанса за успешно лекување, исто како што и јас ја добив таа можност, за што сум бескрајно благодарен. Откако се изборив со инфекцијата Ковид 19 и по низата испитувања и процедури, се востанови дека ги исполнувам условите за дарување на конвалесцентна плазма. Воопшто не се двоумев и веднаш се пријавив за донирање на плазма, рече градоначалникот Георгиевски. Тој упати и апел до сите лица кои се избориле со инфекцијата Ковид 19 да даруваат крв, за да им дадам шанса на оние кои допрва ќе поминуваат низ оваа голгота, полесно да ја пребродат. -Сакам да порачам дека од големо значење е да сфатат сите кои се излекувале од оваа инфекција дека колку повеќе лица даруваат крв, толку повеќе наши сограѓани ќе можат полесно да се изборат со Ковид 19 затоа што крвната плазма на лицата кои биле излекувани, имаат антитела кои организмот ги создал за време на борбата против болеста, а се врзува за вирусот на организмот на болниот, го намалува неговото дејство и со тоа ја намалуваи прогресијата на болеста. Затоа, Ве охрабрувам сите кои што успеавте да се изборите со болеста, да донирате крвна плазма, затоа што нема поубаво чувство од тоа да спасите нечиј живот, посочи Георгиевски.

Градоначалникот на Гази Баба има коронавирус, неговата сопруга тестираше првачиња?!

Ивана Ефремовски — Sat, 13 Jun 2020 13:17:53 +0000

Градоначалникот на Гази Баба, Борис Георгиевски е позитивен на коронавирус. Тој е задржан на Инфективната клиника во Скопје. Од општината информираа дека поради хронична болка во пределот на бубрезите на ден понеделник 08.06.2020година, а по извршен медицински преглед и пропишана лекарска терапија, останува на домашно лекување и работните обврски ги извршува од дома, како и преку онлајн платформите за комуникација. Во текот на вчерашниот ден, поради пројавени болки во пределот на градите, Георгиевски е упатен на дополнителни лекарски прегледи, по што по препорака на пулмолог е испратен на дополнителни испитувања во Клиничкиот центар во Скопје, каде му е направен и тест за Ковид-19 чии резултати денес се позитивни. Сопругата на Георгиевски, Емилија, е наставничка во основното училиште „Кирил и Методиј“ во Стајковци. Годинава ги завршила петтооделенците, а од септември зема првачиња. Како што дознаваме од родители кои изминативе денови си го однеле дечињата на ова тестирање, сопругата на заразениот градоначалник била во комисијата која тестира првачиња! Не е познато од кога Георгиевски е позитивен на коронавирус, ниту дали неговата сопруга е заразена. Со нејзиното појавување меѓу дечиња и родители, нивното здравје е ставено во ризик.