Борис Писториус – Kurir.mk

Германскиот министер за одбрана го одложи патувањето на Балканот поради војната во Газа

Ивана Ефремовски — Sun, 22 Oct 2023 10:58:55 +0000

Поради кризата на Блискиот Исток, германскиот министер за одбрана Борис Писториус го одложи патувањето на Балканот што требаше да започне утре, јави ДПА. Бидејќи не е јасно како ќе се развива ситуацијата во Израел и Газа, Писториус нема да замине на тридневното патување на Балканот, како што првично беше планирано, соопшти денеска Министерството за одбрана. Германската војска распореди сили со цел да се подготви за евентуална воена евакуација на германски државјани од Блискиот исток. (МИА)

Писториус: Германија мора што поскоро да набави нови „Леопарди“

Тале Кристо — Wed, 01 Feb 2023 19:34:14 +0000

Германија мора што поскоро да нарача нови тенкови „Леопард“ за да ги заменат оние што ќе бидат испратени во Украина, изјави денеска германскиот министер за одбрана Борис Писториус. „За мене клучна работа е тоа што треба да нарачаме нови тенкови, не за една година, туку што порано, за да може да започне производството“, рече Писториус за време на посетата на тенковски баталјон во западниот град Аугусдорф, од каде 14 тенкови беа испратени во Киев. Германскиот министер рече дека не е важно од каде ќе дојдат парите за набавка на нови тенкови.

Писториус: Брзото снабдување со опрема и оружје е приоритет за Бундесверот

Тале Кристо — Thu, 26 Jan 2023 13:34:02 +0000

Новиот германски министер за одбрана, Борис Писториус, смета дека приоритет за земјата е брзото снабдување со опрема и оружје за Бундесверот, јави ДПА. -Целта мора да биде да имаме побрзи, одржливи и проодни патишта и време за надополнување. Тоа мора да биде остварливо, рече денеска Писториус за време на неговата прва посета на војниците во областа за обука Алтенграбоу, во источната покраина Саксонија-Анхалт. Мора да постои заедничка безбедност во планирањето. Политиката мора да се грижи за нарачките, рече тој, додека индустријата е одговорна за времето на испорака, пренесе германската агенција. -Тоа мора заеднички да се собере. И ако тоа значи дека треба да се изградат повеќе производствени ресурси во Германија и во Европа, тогаш тоа треба да се направи, рече Писториус.