борис шамбевски – Kurir.mk

Шамбевски: Не може да продаваат популистички патриотизам, во оваа генерација на млади луѓе не поминува тоа

Ивана Ефремовски — Fri, 01 Sep 2023 15:14:30 +0000

Борис Шамбевски од УМС на ВМРО-ДПМНЕ оценува дека политичари кои се претставуваат како блок во опозицијата не можат да продаваат патриотизам кога ќе се земе предвид нивното однесување. -Блокови во опозицијата, кои јас не би ги нарекол опозиција бидејќи се покажа во овие 7 години, тоа не е опозиција. Кога ти узрипуваш во секој момент за владава да остане, а играш со чувствата на луѓето и продаваш некој патриотизам кој што се гледа дека е популистички. Тоа можеби ќе ви поминеше пред 10-15-20 години, но во оваа генерација на млади луѓе не поминува тоа. Не може пена да ти фати устата, по штабовите, по говорите на говорница во Собрание, по социјалните мрежи, илјадници евра во бустови на Фејсбук да уплатиш дека 65% од населението или 75% не може да отиде на одмор, а ти се чекираш и леташ во Хургада на одмор, рече тој. Шамбевски посочи дека не може тие луѓе да објаснуваат за патриотизам и за тоа колку работникот и младиот човек во оваа држава е угнетен. Видеото погледнете го на ОВОЈ ЛИНК https://www.facebook.com/reel/1405800549986998

Шамбевски: Големо лицемерие е кога во собранието и штабовите на Левица, Апасиев се претставува како еден од народот, а заминува на одмор во Хургада

Дарко Андоновски — Fri, 04 Aug 2023 11:38:00 +0000

Борис Шамбевски преку статус на Фејсбук пишува дека големо лицемерие е кога во собранието и штабовите на Левица Апасиев се претставува како еден од народот, а заминува на одмор во Хургада. „Големо лицемерие е, асли големо, кога во Собрание и по штабовите на Левица се претставуваш како еден од народот, од напатената работничка класа, а утредента се упатуваш на одмор во Хургада. Притоа не заборавајте ги свињите од Животинска фарма кои беа само малку поеднакви од другите… за жал повеќе пати низ историјата сме виделе како комунистичките диктатори се еднакви со народот само во нивните говори! #ЕднашШаренМанипулаторСекогашШаренМанипулатор“, стои во неговиот пост на Фејсбук.

Шамбевски до Пендаровски: Како човек кој е левичар потпиша закон за работни односи со кои се зголемуваат работните часови на 60?

Дарко Андоновски — Thu, 22 Jun 2023 14:58:09 +0000

Борис Шамбевски, претседател на Градскиот комитет на УМС на денешната конференција на Претседателскиот центар за политичко образование го праша претседателот на државата Стево Пендаровски како човек кој е левичар по своите убедувања потпиша закон за работни односи со кои се зголемуваат работните часови од 40 на 60 часа неделно, како и со кој експерти се консултирал. -Моето прашање е до претседателот Пендаровски дали како човек кој е левичар по убедување и кој заради функцијата претседател имал моќ да ја спречи прокламацијата потпиша онаков закон за работни односи. Дали ви беше незгодно господине претседателе и моето втор прашање е со кои експерти се консултиравте по ова прашање. Убаво е јавноста да знае бидејќи беше и се уште е поларизирана по ова прашање, праша Шамбевски. Пендаровски одговори дека го потпишал законот за работни односи бидејќи во неговата формулација не стоеле 60 работни часа. -Го објаснував ова кога го потпишав законот направив цела прес конференција и со кого се консултирав и зошто сум го потпишал законот. Ај да повторам уште еднаш. Значи минатата година при тогашните промени на законот за работни односи беше вметната одредба за 60 часа работна недела. Уставниот суд ја оспори во тој член 12 таа одредба, односно утврди дека е не уставна и кога видов дека во предлог законите поврзани со инвестицијата на Бехтел и Енка за автопатиштата, постои истата формулација, предвреме им реков на луѓето во владата кои се предлагачи не го правете тоа, бидејќи ќе морам да ја почитувам одлуката на Уставен суд, дури и да потпишам Уставниот суд не може да оди наспроти својата одлука. Значи јасна е работата, вели тој и додаде: Притоа за законот за работни односи друг забелешки немаше кои мене би ме натерале да размислам два пати да не го потпишам. Зборувам за забелешки од синдикати, невладини организации кои се бават со работнички права. Ако имаше некои други можеше да збориме. Клучната работа беше околу тоа 60 часа работна недела по работник неделно. Таа формулација сега не постои и затоа го потпишав тој закон. Значи мојот указ за да важи законот за работни односи овој последниот нема никаква врска со надзорниот одбор кој што треба да следи што се случува при изградбата на автопатите. Значи указот не е за тоа, туку само за работните обврски, изјави Пендаровски.

Шамбевски: Ги повикувам младите да ни се приклучат кон УМС на ВМРО-ДПМНЕ за да ги направиме промените во општеството, за слободна, модерна и интегрирана држава

Ивана Ефремовски — Sat, 17 Jun 2023 18:33:09 +0000

На денешната трибина организирана од ВМРО-ДПМНЕ на тема „33 години ВМРО-ДПМНЕ и Македонија“ се обрати претседателот на ГК на УМС на ВМРО-ДПМНЕ, Борис Шамбевски кој што ги повика младите да се приклучат кон УМС на ВМРО-ДПМНЕ за да ги направат промените во општеството, за слободна, модерна и интегрирана држава. „Мојата генерација кога почна да ја осознава политиката и да пројавува интерес за истата да речеме кога имавме 13-16 години еве денес јас имам 22 години беше време кога владата ја предводеше ВМРО-ДПМНЕ, беше време на силен ентузијазам на економски просперитет време кога поевтинија студиите, средното образование стана задолжително, време кога власта имаше проекти мерки и иницијативи кои секојдневно се промовираа со една цел да се подобри животот на нас младите. Но за жал пропагандата лажните вести и црната кампања на нас кои бевме деца од 13 до 16 години но и на целото општество ни тврдеа дека живееме во режим, се со цел да ја донесат денешнава влада која дневно промовира по неколку коруптивни скандали. Го уназадија општеството до сегмент до кој не памтат ни нашите родители кои ја поминаа и живееја транзицијата. Затоа можам да кажам дека моментално живееме во најлошото време за Македонија но мојата генерација нема да заборави неколку работи, нема да заборави како не лажеа и како не манипулираа, како не искористија како алатка за овие криминалци да стигнат на власт. Никогаш нема да му заборавиме на тогашниот претседател на СДММ, Стефан Богоев за неговите ветувања за студентски градови или ветувањата на криминалците од неговата партија за младинска гаранција. Во овие седум години уништија систем се обидоа и пробаа да ни ја украдат перспективноста и да ни го украдат сонот но токму тука згрешија, токму тука не потценија и мислеа дека ќе не сопрат. Нема да не сопрат јас ви гарантирам дека мојата генерација тоа нема да им го дозволи. УМС на ВМРО-ДПМНЕ е организација на млади луѓе со еден ист сон, сон за слободна, независна, модерна, и интегрирана Македонија“, нагласи Шамбевски. Претседателот на ГК на УМС на ВМРО-ДПМНЕ, Шамбевски ги повика младите во Македонија да се приклучат кон УМС на ВМРО-ДПМНЕ за да ги направат промените во општеството. „Нашата порака до младите е да ни се приклучат во оваа битка како што претходно спомнав, еднаш бевме излажани и изманипулирани нема да дозволиме втор пат тоа да се случи приклучете се да ги направиме промените во ова општество кои што сакаме да ги видиме, не преку ФБ патриотизам и останати други организации, младите луѓе во Македонија единствено можат да сменат нешто во оваа држава со приклучување кон УМС на ВМРО-ДПМНЕ“, истакна Шамбевски.

Шамбевски: Градски комитет на УМС со 20 метарско платно од студентскиот дом „Гоце Делчев“ порача – Гоце е Македонија

Ристе Здравков — Fri, 03 Feb 2023 13:53:28 +0000

Градскиот комитет на УМС на ВМРО-ДПМНЕ во пресрет на утрешното чествување на роденденот на нашиот великан Гоце Делчев во истоимениот студентски дом направи акција за да ги потсетиме сите дека Гоце е Македонија, дека Гоце Делчев е фигура којашто обединува и да кажеме НЕ на сите обиди на македонската Влада или на некои странски Влади да го злоупотребат споменот на Гоце Делчев за внесување поделби и раздор во македонското општество, ова денес на прес-конференција го изјави Борис Шамбевски од ВМРО-ДПМНЕ. -На овој чекор се решивме бидејќи бевме сведоци на невештото и по малку сервилно и недостоинствено постапување на властите во Македонија, почнувајќи од претседателот, парламентарното мнозинство и Владата кои чествувањето на споменот на нашиот великан го направија безбедносно прашање за кое дури заседаваше и Советот за безбедност, истакна Шамбевски. Сакаме да подвлечеме и да потенцираме дека Гоце е најобединувачката фигура во македонската историја, дека Гоце Е Македонија и дека аманетот на неговото дело чиј плод е независна Република Македонија ниту ќе биде заборавен, ниту ќе биде напуштен од овој народ и обидите на Владата со делување и неделување да ја искористи оваа најсветла фигура од македонската историја за понатамошна поделба на македонското ткиво не може и нема да им успее. Исто така дел од аманетот на Гоце е онаа славна и визионерска реченица за светот како поле за културен натпревар помеѓу народите. И во тој дух ги повикувам сите млади луѓе на мирно и достоинствено одбележување на споменот на овој великан онака како што нему и нам ни доликува, а оние било од земјава или од надвор што ќе се обидат да го злоупотребат овој лик за креирање на поделби во ова општество ниту му мислат добро на истото, ниту се достојни на ликот и делото на Гоце, а оние кои доаѓаат од странство, ниту пожелни во оваа држава. Сите останати без разлика дали од земјава или од странство се добредојдени да му се поклонат на овој македонски великан. Ова ви го кажува човек во чиешто семејство има жртви за идејата на Гоце - независна Република Македонија, додава Шамбевски.

Шамбевски: Градоначалниците на ВМРО-ДПМНЕ имаат слух за младинските проблеми и за потребите на младите на локално ниво

Ивона Петрова — Sat, 05 Nov 2022 17:01:04 +0000

Унијата на млади сили партиципираше преку своите членови со давање на идеи во самото пишување на програмата, со предложување на некои проекти на градоначалниците, кои што гледаме дека во овие 365 дена конкретно беа реализирани. Гледаме дека градоначалниците имаат слух за младинските проблеми, и за потребите на младите на локално ниво. Денеска можевме да ја слушнеме и бројката дека се инвестирани над 120 милиони евра во единиците на локалната самоуправа. Тоа се 120 милиони евра кои што се директно инвестирани во младите“, истакна членот на ИК на УМС на ВМРО-ДПМНЕ, Борис Шамбевски денес од политичкиот саем, „Саем на промени што носат иднина”. Шамбевски ги издвои и неколкуте младински проекти меѓу кои беше и инвестирањето во спортот, во културата, во животната средина, во ваучерите за зелениот превоз како што се велосипедите и електричните тротинети. Тука може да се спомене и поддршката на најдобрите студенти и на најдобрите ученици. „Од Унијата на млади сили млади советници во Македонија има околу 70-тина. Тоа се 70-тина луѓе кои се таму да го артикулираат гласот на младите и барањата на младите кон градоначалниците. И секој еден од нив или има поднесено иницијатива, или учествуваше во процесот на формирањето на локалните младински собранија. Локалните младински собранија се еден проект кој што е исклучително важен за да се зголеми партиципирањето на младите и на младинскиот активизам со тоа што ќе имаат младите поголем глас во своите локални самоуправи. Во скоро сите градови каде што ВМРО-ДПМНЕ има свои градоначалници процесот е откочен, а во десетина веќе е завршен“, нагласи тој. Тој посочи дека отворањето на младинските канцеларии ќе бидат можност на младите да ги користат за секакви активности. Тие се отвораат насекаде низ општините.

Шамбевски: Додека младите едвај врзуваат крај со крај, Зајкова се луксузира и одмара во нејзината викендица во Трница

Магдалена Андонова — Fri, 26 Aug 2022 09:11:38 +0000

Покрај корупцијата и криминалот, очигледно дека и лицемерието е важен епитет за опис на моменталната владејачка структура. По скандалозните видеа на Ковачевски и Зечевиќ од нивната прослава во овој крај, по многуте скандалозни вработувања во последните години од страна на оваа владејачка гарнитура и најновиот случај за непотизам каде што синот на пратеникот Рамчиловиќ се вработи во МВР како полициски службеник, во јавноста излезе информација околу новото место за одмор на младата пратеничка Моника Зајкова, изјави денеска за медиумите, Борис Шамбевски од ВМРО-ДПМНЕ. Тој посочи дека додека младите од цела Македонија, а посебно од овој крај се иселуваат, Зајкова го искористила своето влијание да си ја легализира дивоградбата и својата викендичката во Трница. - Очигледно дека не се сите млади исти, функцијата на Зајкова и овозможила комоција на оваа локација и убава викендичка каде што може да одмори од погрешните политики и предавствата. Додека младите едвај врзуваат крај со крај, Зајкова одмора во нејзината викендичка. Од борбата и заложбите на Зајкова за младите ќе остане запаметено нејзиното лицемерие, гласање согласно директивите на Ковачевски и контра волјата на народот, додаде Шамбевски.

Шамбевски: На студентите да им се рефундираат парите што ги платија лани за станарина во студентските домови

Дарко Андоновски — Fri, 05 Feb 2021 13:53:01 +0000

Во март 2020-та година станарите од студентските домови од скромниот студентски буџет одвоија средства за плаќање на станарина за сместување во студентските домови. Во истиот тој март 2020 заради пандемијата предизвикана од вирусот корона и одлуките кои ги донесе владата студентите мораа да ги напуштат студентските домови како мерка за превенција. Притоа им беше ветено дека средствата што ги уплатиле ќе им бидат рефундирани, ова денеска преку изјава за медиумите го истакна Борис Шамбевски од ВМРО-ДПМНЕ. -Денес, во февруари 2021-та година, 11 месеци подоцна, средствата се уште не им се вратени. Неколку пати студентите бараа средствата да им бидат рефундирани, но иако им беше ветувано, тоа до денес не се случи. Нам ни останува прашањето: Ако менаџментот на студентските домови не успева да обезбеди топла вода и греење, ако енергенси за затоплување, откако ние региравме, обезбедуваат од донации, ако немаат пари да им ги рефундираат на студентите веќе уплатените средства, тогаш реално се поставува прашањето каде се средствата? Дали можеби се вложија за подобрување на условите во студентските домови ? Студентите велат НЕ. Дали се изгради ветениот студентскиот град ? Ние не можеме да го најдеме каде е. Можеби ќе треба обвинителството да се распраша каде се средствата, вели Шамбевски. Тој додава дека за овие прашања директоре бараме и одговори и одговорност! А на студентите, вратете им ги парите, како знаете и умеете.

Шамбевски: Студентите во студентскиот дом Кузман Јосифовски Питу без парно греење и топла вода, бараме одговорност

Магдалена Андонова — Wed, 13 Jan 2021 14:02:34 +0000

Сите сме свесни на празните ветувања, и манипулирањето со студентите кое го направија социјалдемократите во 2017-тата година. Во текот на нивната кампања студентските домови ги споредуваа со затвори и се колнеа дека ќе ги подобрат условите, изјави денеска за медиумите,Борис Шамбевски, член на ИК на УМС на ВМРО-ДПМНЕ. - Во студентскиот дом Кузман Јосифовски Питу веќе подолг период нема парно греење, а тоа дека од четврти јануари па се до ден денес во студентскиот дом нема топла вода е тотална неодговорност и потценување на студентите!, вели тој. - Во 21 век, во 2021 година македонскиот студент наместо да разговара за подобрување на условите во лабораториите, за концептот на образованието, ние се уште разговараме за топла вода. Директоре доста е со замачкување очи, а бидејќи разговараме за топла вода од вас не бараме одговори туку бараме одговорност, посочи Шамбевски.