борис трајковски – Kurir.mk

Одбележана годишнината од раѓањето на трагично загинатиот претседател Борис Трајковски

Ивона Петрова — Sun, 25 Jun 2023 14:04:30 +0000

Со полагање цвеќе и пригодна програма пред споменикот „Македонија“, подигнат во чест на трагично загинатиот претседател Борис Трајковски, денеска беше одбележана 67 годишнината од неговото раѓање. Цвеќе положија претставници на Советот на Општината, членови на семејството Трајковски, граѓани, политички партии и здруженија. - И покрај краткиот животен пат на Борис Трајковски, тој пат беше исклучително богат со вистински содржини и вредности. Тој се вивна во височините на македонскиот историски опстој за да стане и остане бесмртен за вечни времиња. Ретки се тие луѓе кои останале да живеат меѓу луѓето и тогаш кога физички не се меѓу нив. Борис беше човек кој неизмерно ги сакаше луѓето, Божје чедо кое го сакаше Севишниот Господ Бог, сопруг и татко кој неизмерно ги љубеше своите Вилма, Сара и Стефан, струмичанец кој си ја сакаше својата родна Струмица и Македонец кој ја сакаше Македонија, кој се гордееше со Македонија и кој веруваше во Македонија, рече Зоран Костадинов, член на Советот. Пред споменикот на Трајковски беа прочитани и наградените творби по распишаниот литературен конкурс во организација на Библиотеката „Благој Јанков Мучето“ од Струмица. Вториот претседател на државата, Борис Трајковски, е роден на 25 јуни 1956 во селото Моноспитово. Тој е близнак со брат му Александар и е трето дете во семејството.

ДРЖАВНИОТ ВРВ СЕ ПОКЛОНИ ПРЕД СПОМЕНИКОТ НА ТРАЈКОВСКИ Венци беа положени и во Струмица од страна на фамилијата и од владините делегации

Ристе Здравков — Sun, 26 Feb 2023 12:25:04 +0000

Владино-државни делегации, претставници од државни институции и организации, претставници од меѓународната заедница во земјава, денеска оддаваат почит кон загинатиот претседател на државата, Борис Трајковски, во рамки на државнички церемонии за одбележување на 19-годишнината од авионската несреќа, во којашто животите ги загубија поранешниот претседател, Борис Трајковски, членови на неговиот кабинет и екипажот на авионот. Со високи државни почести, 19-годишнината од загинувањето на претседателот Борис Трајковски беше одбележана во Скопје, во Алејата на великаните во Бутел. Цвеќе положија и оддадоа почит прво сопругата на загинатиот претседател Борис Трајковски, Вилма Трајковска, а потоа и делегација од Кабинетот на претседателот на Северна Македонија, предводена од претседателот Стево Пендаровски, делегација од Собранието на Северна Македонија предводена од потпретседателот на Парламентот, Горан Мисовски и составена од пратеници од владеачкото мнозинство и од опозицијата во Собранието. На вечното почивалиште на загинатиот претседател Трајковски, положи цвеќе и оддаде почит владина делегација во состав на Славица Грковска, заменичка на претседателот на Владата задолжена за политики на добро владеење, Ристо Пенов, министер за локална самоуправа и Беким Реџепи, заменик на министерот за транспорт и врски. Исто така во Алејата на великаните во Бутел цвеќе положија и одадоа почит од делегација на Армијата на Северна Македонија предводена од генерал-мајор Азим Нуредин, заменик началник на Генералштабот; делегација од Сојузот на борци од НОАВМ, предводена од потпретседателот на Сојузот, Наум Буревски; претставници од фондацијата „Борис Трајковски“; повеќемина претставници од дипломатскиот кор во земјава, како и претставници на парламентарни политички партии во државава. Владина делегација оддаде почит кон загинатиот претседател Борис Трајковски и во Струмица. На споменикот на поранешниот претседател Трајковски во неговиот роден град, цвеќе положија министерката за труд и социјална политика Јована Тренчевска и Борче Хаџиев, директор на Бирото за јавни набавки. Државничка церемонија ќе има и во Ротимље, организирана од институции од Босна и Хецеговина и Северна Македонија, каде ќе положат цвеќе и ќе оддадат почит: делегација од Владата на Северна Македонија, предводена од министерот за внатрешни работи Оливер Спасовски, како и Екрем Ебиби, амбасадор на Северна Македонија во Босна и Херцеговина и претставници од Амбасадата и претставници од Кабинетот на претседателот на Северна Македонија, Стево Пендаровски. Како и секоја година, при одбележувањето годишнина од трагичниот настан во Ротимље, што се случи на 26 февруари 2004 година, ќе оддаде почит и ќе положи цвеќе и делегација на Босна и Херцеговина, годинава предводена од Ненад Нешиќ, министер за безбедност на Босна и Херцеговина, како и делегација од Град Мостар. И Струмица денес ја одбележа годишнината од смртта на Трајковски. Пред споменикот „Македонија“ се поклонија членови на семејството Трајковски, пријатели, претставници на локалната самоуправа, политички партии и здруженија на граѓани и положија цвеќе. Венци пред споменикот положи и владина делегација предводена од министерката за труд и социјална политика, Јованка Тренчевска и Борче Хаџиев, директор на Бирото за јавни набавки, како и членови на Европската федерација на карневалски градови (FECC), која престојува на Струмичкиот карневал. За ликот и делото на претседателот Трајковски, зборуваше градоначалникот на Струмица, Костадин Костадинов. – Борис Трајковски беше државник со многу доблести, но пред сè беше човек во вистинската смисла на зборот. Токму затоа велиме дека на денешен ден пред 19 години, изгубивме роднина, пријател, познаник, сограѓанин и претседател, кој со ретко видена мудрост и трпеливост, четири години ја вршеше највисоката државничка функција во земјата. Неговото раководење со земјава во еден извонредно тежок, сложен и сензитивен период за државата, остави неизбришливи траги во современата македонска историја. За него интересите на државата и интересите на граѓаните беа секогаш во преден план. Омилени дестинации му беа македонски градови и села, воспоставувајќи искрени и топли релации со граѓаните, но не збораваше и на релациите со високите државнички имиња од голем број земји од сите светски меридијани – изјави градоначалникот Костадинов. Во рамките на одбележувањето на годишнината од смртта на претседателот Трајковски, рецитатори од Домот за деца и млади „Благој Мучето“ од Струмица рецитираа пригодна поезија.

Мицкоски за Борис Трајковски: Тој беше човек со визија и замисла за тоа каква Македонија треба да имаме

Ристе Здравков — Sun, 26 Feb 2023 12:06:52 +0000

19 годишнината од трагичната смрт на Претседателот Трајковски. Да си спомнеме за човекот кој и се посвети на нашата држава. Човек со визија и замисла за тоа каква Македонија треба да имаме. 19 години подоцна, истите предизвици и нашата борба за иднината. Ќе успееме затоа што веруваме во Македонија! Слава му! Напиша на својот Фејсбук профил пртеседателот на ВМРО-ДПМНЕ, Христијан Мицкоски.

19 години од смртта на претседателот Борис Трајковски

Ристе Здравков — Sun, 26 Feb 2023 10:47:16 +0000

Со државнички активности, Владата ја одбележува 19-годишнината од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот. На овогодинешното одбележување во Струмица, со почеток во 10:00 часот на споменикот на поранешниот претседател Борис Трајковски, ќе присуствуваат и ќе положат свежо цвеќе делегацијата од Владата, предводена од Јованка Тренчевска- министерка за труд и социјална политика, заедно со Борче Хаџиев – директор на Бирото за јавни набавки. Во Бутел, Скопје, со почеток во 11:30 часот, на гробот на поранешниот претседател Борис Трајковски, ќе присуствуваат и ќе положат свежо цвеќе сопругата на поранешниот претседател Вилма Трајковска, делегација на кабинетот на претседателот Стево Пендаровски, делегација на Собранието, предводена од Горан Мисовски, потпретседател на Собранието, делегација на Владата составена од Славица Грковска, заменик претседател на Владата, Ристо Пенов, министер за локална самоуправа, Беким Реџепи, заменик министер за транспорт. Потоа делегација на АРМ предводена од Генерал мајор Азим Нуредини, заменик началник на Генералштаб, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ. Во Ротимље, близу Мостар, Босна и Херцеговина на спомен обележјето каде што се случи авионската несреќа, во 13:00 часот ќе присуствуваат и ќе положат свежо цвеќе владина делегација во состав од Оливер Спасовски – министер за внатрешни работи, Митко Бојмацалиев, шеф на кабинет на министерот за внатрешни работи и претставници од кабинетот на претседателот, Катерина Цаневска Арсовска, советник на претседателот, Полковник Билјана Блажевска, аѓутант на претседателот. Во Ротимље ќе присуствуваат и високи претставници од Босна и Херцеговина.

19 години од смртта на претседателот Борис Трајковски: Утре со низа настани на повеќе локации ќе се одбележи кобниот ден

Ивана Ефремовски — Sat, 25 Feb 2023 17:24:50 +0000

Со државнички активности, Владата на Република Македонија на 26.02.2023 година (недела) ја одбележува 19 годишнината од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот. На овогодинешното одбележување во Струмица, со почеток во 10:00 часот на споменикот на поранешниот претседател на Република Македонија, Борис Трајковски, ќе присуствуваат и ќе положат свежо цвеќе делегацијата од Владата на Република Македонија, предводена од Јованка Тренчевска- министерка за труд и социјална политика, заедно со Борче Хаџиев - директор на Бирото за јавни набавки. Во Бутел, Скопје, со почеток во 11:30 часот, на гробот на поранешниот претседател на Република Македонија Борис Трајковски, ќе присуствуваат и ќе положат свежо цвеќе сопругата на поранешниот претседател на Република Македонија, Борис Трајковски, Вилма Трајковска, делегација на кабинетот на Претседателот на Република Македонија предводена од Стево Пендаровски, Претседател на Република Северна Македонија, делегација на Собранието на Република Македонија, предводена од Горан Мисовски, потпретседател на Собранието, делегација на Владата на Република Македонија составена од Славица Грковска, заменик претседател на Владата, Ристо Пенов, министер за локална самоуправа, Беким Реџепи, заменик министер за транспорт. Потоа делегација на АРМ предводена од Генерал мајор Азим Нуредини, заменик началник на Генералштаб, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ. Во Ротимље, близу Мостар, Босна и Херцеговина на спомен обележјето каде што се случи авионската несреќа, во 13:00 часот ќе присуствуваат и ќе положат свежо цвеќе владина делегација во состав од Оливер Спасовски – министер за внатрешни работи, Митко Бојмацалиев, шеф на кабинет на министерот за внатрешни работи на Република Македонија и претставници од кабинетот на претседателот на Република Македонија Катерина Цаневска Арсовска, советник на Претседателот на Република Македонија, Полковник Билјана Блажевска, аѓутант на Претседателот на Република Македонија. Во Ротимље ќе присуствуваат и високи претставници од Босна и Херцеговина. Борис Трајковски беше македонски политичар и втор претседател на Македонија, од 15-ти декември 1999 година до 26-ти февруари 2004 година, кога неговиот мандат завршил со трагичната смрт во авионска несреќа.

Почна традиционалниот планинарски марш во чест на Борис Трајковски

Ивона Петрова — Wed, 22 Feb 2023 10:18:24 +0000

Петнаесет планинари од Струмица, Валандово, Радовиш и Гевгелија 18 пат маршираат во чест на трагично загинатиот македонски претседател, Борис Трајковски. Маршрутата и годинава ја почнаа пред споменикот „Македонија“ во Струмица, подигнат во чест на Трајковски, каде положија свежо цвеќе и со едноминутно молчење му оддадоа почит. - Патот е долг околу 200 километри кој ќе го поминеме во неколку етапи и в недела на 26 февруари, на денот на загинувањето на претседателот Трајковски, на негобиот гроб во Скопје ќе положиме цвеќе, рече Душко Ќосев од ПАОК „Ентузијаст“ од Струмица. Освен до Скопје, 60 планинари од земјава и Бугарија во сабота и недела ќе пешачат и по падините на планината Беласица. Тие ќе се искачат на врвот „Ботра“ кој го носи името на Трајковски, на надморска височина од 1.880 метри.

ТОЈ БЕШЕ ЕДИНСТВЕНИОТ ПРЕТСЕДАТЕЛ НА МАКЕДОНИЈА КОЈ ЈА ЗНАЕШЕ КРАЛИЦАТА – за подарокот на оваа фотографија се зборува до ден денес

Дарко Андоновски — Sat, 10 Sep 2022 16:54:36 +0000

Поранешниот претседател на нашата земја, Борис Трајковски кој трагично го загуби животот во хеликоптерска несреќа беше единствениот претседател кој се сретнал лично со кралицата Елизабета втора. Нивната средба се случила во 2000-та година, кога Трајковски заедно со својата сопруга бил во посета на Лондон и Обединетото Кралство. Фотографијата која ја постираше неговата ќерка е доказ за нивната средба на која малкумина се сеќаваат особено по 22 поминати години. Инаку претходно објавивме и дека новиот крал на Англија, принцот Чарлс бил во посета на Македонија во 1998-та година кога се сретнал со претседателот Киро Глигоров, но и со музичарот Влатко Стефановски.

Одбележување на 18-годишнината од загинувањето на претседателот Борис Трајковски и членовите на делегацијата

Дарко Андоновски — Sat, 26 Feb 2022 13:15:30 +0000

Претседателот Стево Пендаровски денеска положи свежо цвеќе на гробот на претседателот Борис Трајковски во Алејата на великаните на градските гробишта „Бутел“ во Скопје, по повод одбележувањето на 18-годишнината од загинувањето на претседателот Трајковски во близина на Мостар, Босна и Херцеговина. Претседателот Пендаровски положи свежо цвеќе и на вечните почивалишта на загинатите членови на делегацијата: Димка Илкова – Бошковиќ, Ристе Блажевски, Миле Крстевски, Марко Марковски и Бранко Ивановски. Делегација, составена од претставници од Кабинетот на Претседателот, од Собранието и од Владата на Република Северна Македонија, положи свежо цвеќе пред спомен - обележјето на местото на несреќата во Ротимље, Босна и Херцеговина. Делегација на Кабинетот на Претседателот денеска положи свежо цвеќе и на вечното почивалиште на Анита Кришан Лозановска на гробиштата во Велес.

Делегација на ВМРО-ДПМНЕ положи свежо цвеќе на вечното почивалиште на поранешниот претседател на Република Македонија, Борис Трајковски

Дарко Андоновски — Sat, 26 Feb 2022 11:51:05 +0000

По повод 18-годишнината од трагичната смрт на поранешниот претседател на Република Македонија Борис Трајковски, делегација на ВМРО-ДПМНЕ положи свежо цвеќе на неговото вечно почивалиште. „Покојниот Борис Трајковски претставува една светла фигура од современата македонската историја. Тој силно веруваше во Македонија и нејзината иднина. Дома и во светот ќе остане запаметен како човек кој силно се бореше за мирот и стабилноста не само на Македонија, туку и на целиот регион. Неговата љубов кон Македонија и кон народот, но и неговите морални и професионални принципи беа и ќе останат пример за тоа како со силна волја и посветеност се премостуваат сите предизвици и се решаваат проблеми во духот на европските и демократските вредности. Во овие тешки и мрачни времиња, визионерството на Трајковски треба да биде ѕвезда водилка во решавањето на секаков конфликт. Разумот и разбирањето се основата на дијалогот кој секогаш води до целта, а тоа е мирот и просперитетот. Борис Трајковски е симболот на овој дијалог меѓу различните луѓе, меѓу различните религии, култури и цивилизации. Вечна да е славата на Борис Трајковски. Вечен нека е споменот на неговото дело“, стои во нивното соопштение до јавноста.

18 години од смртта на претседателот Трајковски

Дарко Андоновски — Sat, 26 Feb 2022 08:07:21 +0000

Во Скопје и во Ротимље денеска ќе биде одбележана 18-годишнината од смртта на поранешниот претседател Борис Трајковски кој заедно со членови од неговиот Кабинет загина во авионска несреќа во близина на Мостар. На гробот на Трајковски и на вечните почивалишта на загинатите членови на делегацијата на градските гробишта во Бутел, како што е најавено, цвеќе ќе положи претседателот на државата Стево Пендаровски, а делегации од Кабинетот на Претседателот ќе положат цвеќе и пред спомен-обележјето на местото на несреќата во Ротимље, Босна и Херцеговина и на гробот на еден од членовите на делегацијата, во Велес. Во авионската несреќа, што се случи на 26 февруари 2004 година, загинаа претседателот Борис Трајковски и осумчлена делегација која патуваше на Меѓународна конференција во Мостар. Покрај претседателот Борис Трајковски, животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на Министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.