борна чориќ – Kurir.mk

АТП: Хрватот Чориќ повратник на годината

Тале Кристо — Fri, 16 Dec 2022 16:43:05 +0000

Хрватскиот тенисер Борна Чориќ победи во конкуренција на Швајцарецот Стен Вавринка, Кинезот Ву Џибинг и Доминик Тием од Австрија, и ја освои наградата на АТП за повратник на годината, откако во изминатите 12 месеци напредуваше на ранг-листата од 278. на 26. место. Чориќ годинава имаше импресивно враќање на тенискиот терен, откако отсуствуваше од тенисот во 2021 поради операција на десното рамо. Неговиот најголем успех во 2022 е триумфот на АТП Мастерс турнирот од серијата 1000 во Синсинати, совладувајќи ги на патот до титулата Рафаел надал, Феликс Оже – Алијасим и Стефанос Циципас. „Исклучително сум среќен поради освојувањето на оваа награда. Многу ми значи, како што ми значеше и целата оваа успешна година која се случи по сите проблеми низ кои морав да минам. Можам само да се надевам дека идната година ќе биде уште поуспешна“, изјави Чориќ.

Чориќ го освои турнирот во Синсинати

Дарко Андоновски — Mon, 22 Aug 2022 06:54:54 +0000

Хрватскиот тенисер Борна Чориќ го победи Гркот Стефанос Циципас во финалето на турнирот во Синсинати (САД) со 2:0, по сетови 7:6 (7:0) и 5:2. Во мечот што траеше безмалку два часа, Хрватот сервираше седум аса, направи две двојни грешки и освои три од 12 брејк топки. Циципас имаше шест аса, четири двојни грешки и една освоена од седум можни брејк топки. Дваесет и петгодишниот Чориќ го освои првиот АТП турнир во 2022 година и третиот во кариерата. Тој како 152-риот рекет на светот го победи седморангираниот на АТП листата.

Цицпас-Чориќ и Квитова-Гарсија во финалето во Синсинати

Бошко Тасиќ — Sun, 21 Aug 2022 07:08:39 +0000

Французинката Каролине Гарсија стана првата квалификантка со пласман во финалето на Синсинати опен, победувајќи ја Белорусинката Арина Сабаленка со 6:2/4:6/6:1 за да обезбеди меч со титулата со Чехинката Петра Квитова, која со 6:7(6)/6:4/6:3 во маратонски меч ја совлада шампионката од 2019 година, Медисон Киз. Во машкото финале, четвртиот носител, Стефанос Циципас ќе биде фаворит во пресметката со Хрватот Борна Чориќ. Циципас го совлада светскиот рекет број 1, Русинот Данил Медведев со 7:6(6)/3:6/6:3, откако успеа да се соземе по „колапсот“ во вториот сет во кој Медведев имаше 5:0 водство. Чориќ, пак, до своето второ Мастерс 1000 финале стигна со релативно лесна 6:3/6:4 победа над Британецот Камерон Нори. Нори имаше 3:1 водство во првиот сет, пред Чориќ да освои пет гема во низа, а потоа да поведе со 4:2 во вториот сет.

Тенисерот Чориќ потврди дека нема коронавирус

Тале Кристо — Sat, 11 Jul 2020 11:34:53 +0000

Хрватскиот тенисер, Борна Чориќ објави дека е негативен на последниот тест за коронавирус. Тој беше еден од заразените учесници на „Адрија тур“. Чориќ објави дека повеќе го нема вирусот. – Среќен сум што сум повторно на теренот, убаво е чувството повторно да бидам надвор, рече Чориќ. Хрватот се тестираше позитивно во Задар, по откажувањето на турнирот. Чориќ претходно играше против Григор Димитров, кој беше првиот што објави дека е заразен со вирусот. Тој истакна дека немал никакви симптоми за време на изолацијата и дека се чувствува добро. (МИА)

Хрватска поведе во финалето на „Дејвис купот“

Дарко Андоновски — Fri, 23 Nov 2018 17:15:57 +0000

Борна Чориќ донесе предност на Хрватска против бранителот на титулата Франција во финалето на „Дејвис купот“, кое се одржува на земјени терени во францускиот град Лил. Чориќ го победи Џереми Шарди со 6:2, 7:5, 6:4 во 2 часа и 19 минути игра. Хрватот го започна мечот со два брејка, водеше со 4:0 и без проблем го зеде првиот сет. Во вториот дел Чориќ го освои сервисот на противникот во 11-тиот гем, а во третиот сет направи брејк за 2:1, што се покажа доволно за крајниот успех. Дваесет и две-годишниот Хрват за кратко го напушти теренот на крајот на натпреварот за да добие третман за мала повреда. Вториот сингл е помеѓу Жо-Вилфред Цонга и Марин Чилиќ.