Борусија – Kurir.mk

Вацке демантира трансфер на Роналдо во Дортмунд

Дарко Андоновски — Fri, 19 Aug 2022 16:11:37 +0000

Извршниот директор на Борусија, Ханс-Јоахим Вацке, демантираше денеска дека бундеслигашот од Дортмунд е заинтересиран за фудбалерот на Манчестер јунајтед, Кристијано Роналдо, пренесува Скај спорт. Реакцијата на Вацке уследи откако германскиот весник Билд објави дека Борусија планира да го ангажира португалскиот репрезентативец, додавајќи оти интерес за таков трансфер пројавил и самиот Роналдо поради можноста со клубот од Дортмунд да игра сезонава во Лигата на шампиони. – Го сакам тој играч. Да се гледа Кристијано како игра на „Сигнал Идун Парк“ секако би била шармантна идеја. Но, не постои каков и да е контакт меѓу нас. Од тој аспект, треба да престанеме да зборуваме за тоа, изјави Вацке. Претходно и тренерот на Манчестер јунајтед, Ерик тен Хаг, повторно демантираше дека Роналдо до крајот на преодниот рок ќе го напушти клубот од „Олд Трафорд“.

Баерн, Борусија и Порто може да се вратат во Лигата на шампионите

Тале Кристо — Tue, 20 Apr 2021 07:09:08 +0000

Комитетот на УЕФА ќе расправа за можното исклучување на клубовите основачи на Европската Супер лига од Лигата на шампионите, објавено е на Твитерот на Баерн Минхен. Доколку се исфрлат клубовите, победата во Лигата на шампионите автоматски може да биде доделена на четвртиот полуфиналист на ПСЖ, клуб кој не учествува во проектот на Супер лигата, или да бидат вратени во Лигата на шампионите, Баерн, Борусија Дортмунд и Порто, кои беа елиминирани во четвртфиналето. За потсетување, ПСЖ, Манчестер сити, Реал Мадрид и Челзи изборија пласман во полуфиналето во Лигата на шампионите. Пред два дена, врвни европски клубови најавија создавање на Супер лигата, помеѓу нив се Реал Мадрид, Манчестер сити и Челзи. УЕФА остро се спротивставува на Супер лигата. Во соопштението на организацијата се наведува дека клубовите што ќе учествуваат во ова натпреварување ќе бидат исклучени од евро-куповите.

Зидан: Заслуживме реми со Борусија, мислам дека и повеќе од бод

Тале Кристо — Wed, 28 Oct 2020 07:45:14 +0000

Тренерот на Реал Мадрид, Зинедин Зидан ги сподели своите размислувања за ремито со Борусија Менхенгладбах (2:2) во второто коло од групната фаза во Лигата на шампионите. – Резултатот зборува многу за карактерот на тимот. Заслуживме нерешено – и дури мислам дека заслуживме повеќе. Ова е многу важен бод. Се разбира, ситуацијата на табелата е тешка, сега сме во иста позиција како и минатата година. Играчите се бореа до крајот и одиграа добро, сигурен сум дека сè ќе остане зад нас, изјави Зидан. Треба да се обидеме и да се избориме со заморот. Не застанавме, но бевме многу уморни. Тоа е тоа што е. Оваа година ќе биде тешка за сите. Но, денес треба да бидеме горди на резултатот, затоа што зедовме бод во тешко гостување. Да, нешто ни недостасуваше, бидејќи не победивме, но верувавме во нашиот план за игра, се претставивме добро и заслуживме нерешено. Содржината на натпреварот беше добра. Нема лесни средби во групната фаза. Ако играме така, ќе продолжиме понатаму, уверува Зидан. Реал синоќа се спаси од пораз на гостувањето кај Борусија Менхенгладбах играјќи 2:2, иако до 87. минута губеше со 2:0.

Пишчек во Борусија до 2020 година

Ивона Петрова — Wed, 14 Mar 2018 14:57:51 +0000

Полскиот фудбалер Лукас Пишчек го продолжи договорот со Борусија до 2020 година, објави денеска бундслигашот од Дортмунд. Овој 32-годишен десен бек доколку го одработи договорот до крај ќе зокружи точно една деценија во таборот на „милионерите“. Досега има одиграно 288 натпревари и постигнато 16 гола. Беше дел од тимот кој освои две последователни титули во Бундеслигата и го одигра финалето на Лигата на шампионите. Има и два национална купа. Со Пишчек во тимот, Борусија нема загубено натпревар 16 месеци, поточно од дуелот со Ајнтрахт во Франкфурт (2: 1) на 26 ноември 2016 година.