Босфор – Kurir.mk

Сообраќајот во Босфор нормализиран

Ивона Петрова — Fri, 02 Sep 2022 07:31:10 +0000

Сообраќајот во Босфор е нормализиран откако товарниот брод со повеќе од 3.000 тони пченка од Украина, кој кусо беше насукан, е безбедно закотвен. Турската државна телевизија ТРТ Хабер јави дека сообраќајот во Босфорскиот теснец е повторно отворен откако беше запрен поради насукување на 173-метарскиот брод „Лејди Зехма“ по дефект на кормилото. Ова е прв ваков инцидент по потпишувањето на договорот во јули за извоз на жито од блокираните украински пристаништа. Во инцидентот нема повредени. По потпишувањето на договорот на 22 јули меѓу Киев и Москва со посредство на ОН и Анкара, беа деблокирани три украински црноморски пристаништа за извоз на жито. До средата, согласно договорот, од Украина се извезени 1,55 милиони тони жито и други прехранбени производи.

Украина бара од турските власти да ги затвори Босфорот и Дарданелите за руските бродови

Магдалена Андонова — Thu, 24 Feb 2022 08:25:51 +0000

Украина побара од Анкара да го ограничи минувањето на руските воени бродови низ Босфорот и Дарданелите. - Ги повикуваме турските власти да и помогнат на Украина. Бараме Босфорот и Дарданелите да бидат затворени за руските воени бродови, изјави украинскиот амбасадор во Анкара Вадили Боднар, пренесува ТАСС. Украинскиот парламент, Врховната рада, денеска го потврди указот на претседателот Володимир Зеленски за воведување воена состојба на територијата на целата земја, јавија украинските медиуми. Зеленски утринава објави дека прогласува воена состојба, откако рускиот претседател Владимир Путин нареди специјална воена операција во Донбас во источна Украина.

ФОТО: Другарката на Сораја кажа „ДА“ – Давид клекна среде Босфор пред згодната Ана

Ивона Петрова — Wed, 09 Oct 2019 10:56:22 +0000

Ана Кораќ и Давид Драгојевиќ решија својата љубовна врска да ја однесат на повисоко ниво. Парот кој се запозна и својата љубовна врска ја започна во втората сезона од реалното шоу „Задруга“, деновиве се наоѓа во Истанбул каде Ана има работни ангажмани. За Давид ова беше совршен момент да ја побара раката на својата сакана. Организирајќи романтична вечера на брод со кој пловеа по Босфор, момчето се потруди да ја воодушеви својата девојка, која во јавноста пред се стана позната како една од најдобрите другарки на Сораја. Тие танцуваа на една од нивните омилени песни, а во еден момент Давид клекна пред Ана и ја побара за жена. -Те сакам најмногу на светот. Ти благодарам што ми го направи поубав животот, - напиша Давид на социјалните мрежи. -Само оној кој даде се, заслужува се. Те сакам. ДА, ДА, ДА, напиша меѓу другото Ана на Инстаграм.

View this post on Instagram

Volim te najviše na svetu,hvala ti sto si mi ulepsala život ❤️?? @ana_korac

A post shared by David Dragojevic Official (@david__dragojevic) on Oct 8, 2019 at 10:55am PDT

Турција планира нов канал кај Босфорот вреден над 14 милијарди евра

Александар Михаилов — Wed, 10 Jan 2018 14:54:45 +0000

По изградбата на мостот „Султан Селим“ преку Босфорот, Турција подготвува нов мега проект - прокопување на вештачки канал кој ќе ги поврзе Црното и Мраморното Море. Според дневниот весник „Сабах“, претседателот Реџеп Тајип Ердоган ја промовирал изградбата на каналот кој првпат го најави во 2011 година, а за кој се очекува да чини над 14 милијарди евра. Предвидено е каналот да е долг 45,2 километри, а за неговата изградба ќе треба да се ископаат 1,5 милијарди кубни метри земја кои ќе се искористат за изградба на вештачки острови во Мраморно Море. Босфорот е веќе тесен за интензивниот морски сообраќај од Црното Море, а особено се стравува од опасноста некој од бројните танкери со нафта да се судри со брод или да потоне во близина на турската метропола Истанбул. Поради тоа, идејата за изградба на дополнителен канал добива на значење. Според проектот, заедно со изградбата на каналот би се изградиле и товарни пристаништа на двете мориња, како и марини за луксузни јахти. За патната и железничката инфраструктура ќе бидат изградени шест мостови над каналот, а уште шест природни мостови ќе овозможат непречено минување на животните.