Бошко Стаменковски – Kurir.mk

Стаменковски со нов златен медал во Бенч-прес се враќа од „Елемир – Војводина Опен“

Тале Кристо — Sun, 03 Nov 2019 10:20:31 +0000

Натпреварувачот во Бенч-прес, Бошко Стаменковски од Македонска Каменица повторно му донесе нов успех на македонскиот спорт, откако на вчерашниот натпревар „Елемир – Војводина Опен” го освои првото место и златниот медал за натпреварувачи до 75 килограми. Како што информираше Стаменковски, тој беше најдобар и во вкупна конкуренција на ова првенство. -На натпреварот учествуваа најдобрите натпреварувачи од неколку балкански земји, а освен златниот медал во Бенч-прес за натпреварувачи до 75 килограми, бев прогласен и за најдобар ветеран за што добив диплома од страна на организаторот, изјави Стаменковски. Добрата форма, како што додава, ќе ја искористи во наредниот период да учествува уште на неколку балкански куп натпревари. -До крајот на годината преостануваат уште неколку првенства во Бенч-прес во соседството на кои планирам да учествувам, со што ќе ја заокружам оваа би рекол успешна година, додава каменичкиот спортист. Кога е Бошко Стаменковски во прашање, тој неодамна стана Светски рекордер во правење склекови, откако во рок од 1 час успеа да направи 2525 склека, што е нов Светски рекорд со кој повторно се позиционираше на пиедесталот во елитната спортска историја.

Светскиот шампион Бошко Стаменковски стана дел од Champions House Macedonia

Ивона Петрова — Tue, 11 Dec 2018 18:44:51 +0000

Светскиот и европски шампион во пауер-лифтинг, Бошко Стаменковски од Македонска Каменица, денеска и официјално стана дел од клубот Champions House Macedonia. Стаменковски како дел од шампионскиот тим настапи на Европскиот Street Workout Куп што се одржа во Холандија на кој македонската делегација се врати со четири освоени медали. -Од денеска и официјално станав член на овој би го нарекол шампионски клуб со кој изминатиот викенд настапив на „Калистенија Куп“ во Холандија. Овој куп беше пресуден јас да бидам поканет за официјален член што за мене претставува вистински предизвик за уште повисоки дострели како во пауер-лифтинг во кој сум неколку кратен шампион. Во Street work out од ден на ден се повеќе напредувам, а тоа го покажав на Калистенија Купот во Ајндховен каде имав прилика да ги проверам своите можности, информира Стаменковски. Шампионот во Холандија во Street Workout настапи во дисциплината склекови, каде во силна конкуренција како највозрасен натпреварувач го освои четвртото место. Освен светскиот шампион Стаменковски, на купот кој изминатиот викенд се одржа во Ајндховен, Дебников Атанас го освои сребрениот медал во дисциплината “Dips” и бронзениот медал во дисциплината “Push ups”, додека хрватскиот интернационалец кој настапува за Champions House Macedonia, Марко Гаиќ го освои сребрениот медал во дисциплината “Dips” и бронзениот медал во дисциплината “Weighted dips”.

Стаменковски единствен Македонец на Светското првенство во кревање тегови

Ристе Здравков — Mon, 17 Sep 2018 08:22:53 +0000

Повеќекратниот шампион во „Power lifting“ во дисциплината бенч-прес, Бошко Стаменковски од Македонска Каменица е претставник на Македонија на Светското првенство кое од 16 до 23 септември се одржува во градот Егер, Унгарија. Како што не информираше државниот рекордер по златни медали, неговиот настап е на 22 септември, а на истиот ќе му претходи мерење а потоа и натпреварот во категоријата до 75 килограми. - Се чувствувам добро физички и психички подготвен да ги повторам резултатите од минатото. На ова натпреварување се пријавив во дисциплината бенч-прес до 75 килограми, дисциплина во која во зависност од пријавените кандидати очекувам потврда на мојата добра форма и освојување на нов медал, изјави Стаменковски. Стаменковски пред една недела учествуваше на Интернационалното натпреварување во „STRET WORKOUT“ кое се одржа во Пула, во чии рамки во дисциплината „Pull Up“ кој го освои златниот медал.