бошњаци – Kurir.mk

СРЕДА НЕРАБОТЕН ДЕН ВО МАКЕДОНИЈА

Дарко Андоновски — Mon, 26 Sep 2022 11:55:49 +0000

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 28 септември 2022 година (среда), Меѓународниот ден на Бошњаците е неработен ден за граѓаните припадници на бошњачката заедница во Република Северна Македонија. Министерството за труд и социјална политика на граѓаните припадници на бошњачката заедница им го честита Меѓународниот ден на Бошњаците.

Бошњаците најавуваат бојкот на пописот доколку не се исправи грешката со јазикот

Тале Кристо — Wed, 03 Mar 2021 11:42:04 +0000

Бошњаците во Република Македонија најавуваат бојкот на пописот доколку не се исправи грешката со јазикот. Односно бараат исправка наместо босански, јазикот во електронскиот образец за попис е изменуван како Бошњачки. Поради ова денеска пристигна реакција од Бошњачкиот демократски сојуз. Од оваа партија велат дека неколку пати реагирале до институциите на Македонија, како што се Влада, МВР, но како што велат оваа грешка постојано се повторува. Од БДС ги повикуваат сите надлежни институции веднаш да ја исправат оваа грешка, односно наместо Бошњачки, да се промени во Босански јазик. Доколку тоа не биде сторено, БДС ќе ги повика Бошњаците од Македонија да го бојкотираат пописот. Бараат од сите институции на Македонија еднаш и засекогаш дека никој нема право да го менува национален и верски идентитет и дека институциите се обврзани тоа да го почитуваат и применуваат.

Франција ќе ги протера Бошњаците што си ја претепаа ќерката поради врска со христијанин

Магдалена Андонова — Mon, 24 Aug 2020 08:47:58 +0000

Франција ќе го протера семејството од Босна и Херцеговина, кое ја злоставувало својата ќерка поради врската со момче по потекло од Србија, најави вчера францускиот министер за внатрешни работи Жерард Дарманен. Членовите на бошњачкото семејство си ја претепале ќерката и внуката и и’ ја избричиле главата зошто се гледала со момче, христијанин со српско потекло. Родителите на 17-годишната девојка, заедно со нејзиниот вујко и вујна, во четвртокот беа ставени под судски надзор и чекаат судење во Безансон за насилство над малолетно лице во присуство на други лица. Девојката и нејзиното момче, како што е најавено, ќе останат во Франција.

Рамчиловиќ: Најголемите негативни работи за Бошњаците и муслиманите се направени од левичарските партии!

Ивана Ефремовски — Tue, 10 Mar 2020 12:16:39 +0000

Најголемите негативни работи за Бошњаците и воопшто муслиманите се направени од страна на власта предводена од левичарските партии во Македонија говореше своевремено Зеќир Рамчиловиќ кој на претходните избори стана пратеник како дел од коалицијата предводена од ВМРО-ДПМНЕ, на овие избори се најде на листата на СДСМ на 10 место во Изборната единица 3. Рамчиловиќ соработката со СДСМ ја започна откако гласаше за уставните измени за промена на името на Република Македонија и беше дел од т.н. осумка независни, а потоа ги напушти и нив и беше награден со потпретседателското место во Собранието. Лојалноста кон Заев и СДСМ на Рамчиловиќ не изостана и при гласањето за законот за јавно обвинителство, па затоа и не е зачудувачки што сега се најде на пратеничка листа на СДСМ, анализира ВЕЧЕР. Воедно во овој период стигна и уште една награда, кога медиумите објавија дека неговата сопруга е вработена во Министерството за внатрешни работа, т.е. во Секторот за внатрешни работи како самостоен советник во писарница. Но, да се потсетиме каков став имаше Рамчиловиќ за СДСМ и Зоран Заев и какви ставови тој сега застапува. Имено тој во интервју за порталот „TE SHESHI“ од Албанија, во декември 2016, насловено како „Зошто сум во „десница“, а не во „левицата“ на Заев“ изјави дека најголемите негативни работи за Бошњаците се направени од левицата, а не им ја заборави и територијалната поделба кога беше укината единствената општина Житоше која веќе имаше над 20% Бошњаци. Целата вест прочитајте ја на ВЕЧЕР

Премиерот Зоран Заев се исмејува со вицови за Албанци и Бошњаци во кои тие се генерализирани како криминалци

Дарко Андоновски — Wed, 10 Jul 2019 10:24:12 +0000

Порошенко: Би сакал да ти кажам една анегдота, еден мој пријател претседател ми ја кажа, за Албанец и за Бошњак. Ако во автомобил седат албанец и бошњак, кој ќе биде возачот? Заев: Не знам......Србинот ? Порошенко: Полицаецот! Заев: Хахаха многу добро, многу добро Порошенко: Еден од европскиве претседатели ми го кажа тоа. Заев: Да, да многу добро

Мицкоски со честитка по повод националниот ден на Бошњаците во Македонија

Дарко Андоновски — Fri, 28 Sep 2018 13:51:13 +0000

Дозволете ми од мое лично име и од име на ВМРО-ДПМНЕ да ви го честитам 28 септември, Меѓународниот ден на Бошњаците, ова денеска преку соопштение до јавноста го упати претседателот на ВМРО-ДПМНЕ Христијан Мицкоски. -Денешниот ден е голем ден за припадниците на вашата заедница, кога на себошњачкото собрание во Сараево е вратено вашето национално име „Бошњак“, што е ваш симбол на себеидентификација и национална гордост. Бошњаците од секогаш биле сврзен елемент во македонското општество и биле лојални граѓани на Република Македонија, со почит кон другите и го промовирале демократскиот и економски напредок на државата. Бошњаците придонеле кон градење на доверба во македонското општество и градење на соживот. Македонците и Бошњаците како народи кои повеќе пати во историјата живееле во исти држави имаат големи сличности, и покрај сите искушенија и напади, нашите народи опстанале и преку мултикултурно општество изградиле силни држави, со етничка кохезија, почит и разбирање. Уште еднаш најсрдечно ви го честитам Меѓународниот ден на Бошњаците, со искрени желба за здравје, радост и успех на вас и вашите фамилии.

Подгответе се за продолжен викенд

Дарко Андоновски — Wed, 19 Sep 2018 07:52:05 +0000

Министерството за труд и социјална политика соопштува дека, согласно со Законот за празниците на РМ („Службен весник на РМ” бр.21/98 и 18/07), 19 септември 2018 година (среда), Јом Кипур, првиот ден на Јом Кипур е неработен ден за граѓаните припадници на еврејската заедница во Република Македонија. Истовремено, Министерството за труд и социјална политика на граѓаните припадници на еврејската заедница во Република Македонија им го честита Јом Кипур. Уште еден неработен ден кој доаѓа наскоро е петок, 28. септември – Меѓународен ден на Бошњаците, а тоа значи продолжен викенд за припадниците на бошњачката заедница во Република Македонија.