босилово – Kurir.mk

СЛЕДЕТЕ ВО ЖИВО: „Важно е! Од тебе зависат промените“ во Ново Село, Босилово и Василево

Ивана Ефремовски — Tue, 10 Oct 2023 09:46:51 +0000

Денеска 10.10.2023 година (вторник), ВМРО-ДПМНЕ продолжува со кампањата „Важно е! Од тебе зависат промените“ во општините Ново Село, Босилово и Василево. Во 12:30 часот претседателот на ВМРО-ДПМНЕ, Христијан Мицкоски ќе присуствува на увид во градежни активности на асфалтирање на улица во населено место Борисово, општина Ново Село. Веднаш по завршувањето на увидот, изјава за медиуми ќе даде Мицкоски. Понатаму,Мицкоски продолжува на средба со младите од овој регион кој е најголем по бројот на иселени млади, а ќе изврши и увид на изградба на Одводен канал во општина Босилово, проект финансиран преку ИПА. Во село Родово во општина Босилово, Мицкоски ќе оствари средба со земјоделците. Потоа, во Нова Маала Мицкоски, ќе присуствува на пуштање во употреба на изградено плато пред Домот на културата во општина Василево. Тој ќе изврши увид во ООУ „Гоце Делчев“, проект ветен од СДСМ, со претходно одобрени средства, но тргнати од програмата на МОН. Во 18:15 ќе се обрати пред присутните граѓани во населено место Василевo. Неговата изјава можете да ја следите во живо на линкот во продолжение:

Старите лица од Босилово добија нов Центар за дневен престој

Тале Кристо — Mon, 04 Sep 2023 13:17:26 +0000

=Пензионерите и постарите лица кои живеат во Општина Босилово денеска добија Центар за дневен престој на стари лица со активно стареење. Центарот е во населеното место Турново и ќе може секојдневно да го посетуваат до 24 корисници, каде преку различен вид активности, кои ќе се спроведуваат под надзор на стручни лица, добиваат можност за квалитетен, активен живот и социјализација. Отворањето на овој центар се реализира преку Проектот за подобрување на социјалните услуги, кој го имплементира Министерството за труд и социјална политика, со поддршка од Светска Банка, во рамки на социјалната реформа која започна да се спроведува во 2019 година. -Центрите за дневен престој на стари лица за активно стареење се еден тип на социјална услуга која е наменета за активните стари лица и им овозможуваат на старите лица низ разновидни активности да бидат ангажирани, да се дружат, како и квалитетно да го исполнат нивното време. Јас сум многу задоволна што денеска ќе ја врачиме лиценцата за вршење дејност на третиот центар за дневен престој на стари лица и верувам дека истиот ќе им носи многу дружба и активности на жителите од село Турново. Задоволството е поголемо што се работи за рурална средина и тоа покажува дека ние сме посветени на изградба на систем на социјални услуги низ целата земја, со акцент на одалечените места, истакна министерката за труд и социјална политика, Јована Тренчевска. Со новиот Центар за дневен престој на стари лица со активно стареење во Турново ќе управува општинската организација на Црвениот крст во Струмица, кој од Министерството за труд и социјална политика ја доби соодветната дозвола за вршење дејност од областа на социјалната заштита. Според градоначалникот на Босилово, Ристо Манчев,една од улогите на општините во овој процес е да ги препознаат потребите и барањата на жителите во нивните заедници. -Горд сум што Босилово е една од општините чии проекти за развој на нови социјални услуги беа избрани како најдобри и чија реализација е овозможена од страна на Министерството за труд и социјална политика. Тоа покажува дека сме направиле добра проценка на потребите на нашите сограѓани и добро сме ги идентификувале оние што заслужуваат посебно внимание и поддршка. Постарите граѓани од нашата општина секако спаѓаат во таа група и затоа денеска сум особено задоволен што заедно со ресорното министерството и давателот на услугата-Црвен крст Струмица започнуваме со исполнување на оваа наша заложба, оцени градоначалникот на Општина Босилово, Ристо Манчев. Инаку, во рамки на Компонентата 1 од Проектот за подобрување на социјалните услуги, што го спроведува Министерството за труд и социјална политика, досега е обезбедена соодветна поддршка за реализација на 34 поединечни проекти за воведување социјални услуги во 41 општина ширум земјата. Покрај отворање дневни центри за активно стареење, со овие проекти дадена е и конкретна поддршка за развој на друг вид нови социјални услуги, како што се дневни центри за престој на лица и деца со попреченост, центри за рехабилитација и реинтеграција на лица со попреченост, како и развој на услугите лична асистенција, помош и нега во домот и други. За давање на овие социјални услуги досега се обучени и лиценцирани над 300 лица, а истите се достапни за повеќе од 1200 корисници.

Камерите „уловија“ потпалувач на депонијата во Босилово

Ивона Петрова — Mon, 03 Oct 2022 10:38:11 +0000

Камерите поставени на депонијата во Босилово „уловија“ несовесен граѓанин како ја потпалува. Огнот бил изгаснат, а случајот бил пријавен. Според градоначалникот на Општина Босилово, Ристо Манчев, вакви постапки не се дозволени. -Без разлика дали намерата била да се запали цела депонија или само одредени предмети за да се собере старо железо, ваквите постапки не се дозволени, вели Манчев. Општина Босилово од неодамна целосно ја огради депонијата кај Босилово, постави соларни камери, порта за влез и излез на возила за складирање на отпадот со кое сакаат да ги спречат несовесните граѓани од палење на отпадот со што се создава загадување на воздухот и неподнослива миризба. Од општината апелираат на совесност и одговорност од секој граѓанин затоа што сите се запознаени за проблемот и последиците со кои се соочуваат граѓаните на Босилово од горењето на депонијата. Инаку, Општина планира планира следната година во летниот период депонијата да биде затворена, односно ќе воведе систем на контролирано фрлање на отпадот исклучиво за граѓаните од населено место Босилово.

Во Босилово веќе се слави победата на ВМРО-ДПМНЕ во прв круг (ВИДЕО)

Ивана Ефремовски — Sun, 17 Oct 2021 18:56:38 +0000

Симпатизерите на ВМРО-ДПМНЕ веќе се на улица во Босилово каде ја слават победата на кандидатот Ристо Манчев во првиот круг. Иако е рано за официјални резултати, според изворите од партијата, тој е во водство со голема предност.

Мицкоски: Заев ги изневери земјоделците, додека вие мака мачите со откупот, тој вози БМВ од 100.000 евра

Тале Кристо — Sun, 10 Oct 2021 18:37:19 +0000

Во овие години на назадување, стагнација и неработа го изродија балканскиот Луј 14ти, кој на митинзи доаѓа со BMW од 100 илјади евра, се импресионира и се фали дека гази црвени килими, смета дека всушност тој е државата и мисли дека сите грешки ќе му се заборават, дел од крадените пари ќе ги извади сега пред избори, дел ќе ги подели на луѓето и тие ќе му простат се што правеше изминатите 52 месеци, заборавајќи дека тоа се пари на народот. Е на овие избори на 17-ти октомври тоа нема да се случи, народот нема да поверува на овие лаги, рече Христијан Мицкоски, претседател на ВМРО-ДПМНЕ од Босилово. Мицкоски пред присутните рече дека Заев изминатите 5 години за Македонија донесе само порази и назадување, додавајќи дека додека земјоделците мака мачат за да го продадат својот род, Заев се вози со БМВ од 100.000 евра. Пет години е на власт, а нема ден да нема по неколку скандали и во овие 52 месеца, односно пет години, никогаш ние не успеавме да се израдувавме на некаков колективен успех, затоа што носат само порази и назадувања, вели Мицкоски. Пет години ги лаже земјоделците дека ќе им даде субвенции, а истите тие 5 години по ред мака мачат со откупните цени. Оваа земја има премиер кој е најомразената личност на сите анкети, затоа што го изневери својот народ и неговите очекувања. Ги излажа и земјоделците. Додека фирмите на Заеви работат турбо, земјоделците мака мачат со откупот. А откупувачите се истите оние кои прават бизниси со семејството Заеви додека маката на земјоделците останува неплатена. И навистина боли кога ќе ги видам разочараните лица на работливиот народ кој од нивите го гледа Заев како пролетува и оваа кампања со автомобил вреден 100 илјади евра, додека тие остануваат со празни џебови, и се плашат како месецот ќе го помина, зимата и ќе обезбедат пари за школување на своите деца, изјави Мицкоски.

Мицкоски: Со Заев на чело на државата шансите за било какво поместување кон позитива се еднакви на нула

Тале Кристо — Sun, 10 Oct 2021 18:24:10 +0000

Овие избори се локални, но со едно посуштинско и подлабоко значење, бидејќи од вашиот избор, од вашата одлука зад параванот зависи колку сакате да се променат работите, вели претседателот на ВМРО-ДПМНЕ Христијан Мицкоски на митингот во општина Босилово. Мицкоски додаде дека со Зоран Заев на чело на државата, шансите за поместување кон позитивно се еднакви на нула, додавајќи дека едно што е сигурно со него е тоа дека државата тоне и не создава иднина. И треба да знаете дека со Заев на чело на Македонија шансите за било какво поместување напред се еднакви на нула. Но она што е сигурно, е дека со оваа власт државата тоне, не создава иднина и ги уништува шансите за било каков напредок, потенцираше Мицкоски.

Манчев: Решавање на проблемите со водоснабдување, дивите депонии и јавната хигиена, земјоделците ќе ни бидат приоритет

Тале Кристо — Sun, 10 Oct 2021 18:14:54 +0000

Ристо Манчев кандидатот од ВМРО-ДПМНЕ за општина Босилово, на денешниот митинг таму, истакна дека нуди програма која е остварлива со многу работа, според која ветува дека ќе ги реши проблемите со водоснабдување, дивите депонии и јавната хигиена, а земјоделците ќе му бидат приоритет. Манчев рече дека сега повеќе од било кога порано, се потребни промени, затоа што Република Македонија не само што не оди напред, туку и назадува во многу области, затоа што денес граѓаните не живеат подобро од порано, затоа што секојдневно, во континуитет, се рушат темелите на македонската државност. -Доаѓа време на промени, доаѓа време на нова надеж, време на новата генерација политичари која ќе има последна можност да ја врати довербата, честа, достоинството и гордоста на македонскиот народ. Македонија мора да продолжи напред и да се развива, затоа што македонскиот народ тоа го бара и тоа го заслужува, порача Манчев од митингот. Тој исто така истакна дека изминатите четири години во општина Босилово не е реализиран ниту еден крупен инфраструктурен проект, не е изграден ниту еден локален пат коишто поврзува две или повеќе населени места во општината. -Промени, во општина Босилово се потребни, затоа што не е изграден ниту еден метар на канализациона мрежа во ниту едно населено место во општината, отпадните води не се третираат на ниеден начин, а јавната хигиена е под секое прифатливо ниво. Комуналниот отпад и дивите депонии, станаа грда слика на сите населени места во општина Босилово. Промени во општина Босилово се потребни затоа што една четвртина од граѓаните на општина Босилово немаат чиста и доволни количини на вода за пиење, истакна Манчев. Манчев вели дека програмата за работа, која што пред четири години беше ветена од страна на актуелниот градоначалник Зоран Зимбаков, повеќе од 80 проценти не е реализирана. -Затоа ние на овие избори, нудиме програма, која е реална и остварлива и опфаќа реализација на проекти во повеќе области и во сите населени места во општина Босилово. Програма, која дава решенија за најголем дел од проблемите кои ги мачат граѓаните, рече тој. Тој ги посочи главните приоритети за општината за кои гарантираше реализација: - Решавањето на проблемот со водоснабдувањето; - Решавање на проблемот со дивите депонии и јавната хигиена; -Решавањето на проблемот со отворените одводни канали; -Mодернизација и реорганизација на Јавното претпријатие за комунални дејности „Огражден„ кое сега е пред тотален колапс, потонато во долгови и нула инвестиции во нова опрема и возен парк; -Започнување со процесот на изградба на канализациона мрежа во повеќе населени места во општина Босилово; - Изградба на тротоари, сообраќајна инфраструктура и подобрување на безбедноста во сообраќајот. Општина Босилово, мора рамномерно и еднакво да се рaзвива. Мора да се инвестира подеднакво во сите населени места, градоначалникот треба да биде човек кој се грижи подеднакво за секој поединец и за секое населено место во општината. Мојата визија е општина Босилово да биде модерна и економски развиена општина. Носители на развојот на општината ќе бидат малите и средни претпријатија и индивидуалните земјоделски производители. Ќе ги поддржувам локалните бизнисмени во реализацијата на нивните инвестициски планови затоа што развојот на општина Босилово е тесно поврзан со развојот на локалниот бизнис сектор, истакна Манчев. Тој вели дека ќе биде најголемиот поддржувач и партнер на земјоделците, а плодните земјоделски површини кои се извор на егзистенција на најголем дел од граѓаните на општина Босилово, ќе биде приоритет во работата на новата локална самоуправа. Ќе инвестираме во одржување на полските патишта, редовно ќе ги чистиме одводните атмосферски канали, ќе им помагаме на земјоделците во изработка на проекти и апликации за користење на средства од домашни и меѓународни програми кои подржуваат проекти во земјоделството и руралниот развој, истакна Манчев и ги повика граѓаните на Босилово да гласаат за промени и иднина, со заокружување на бројот 7 на 17-ти октомври.

ВО ЖИВО: Митинг на ВМРО-ДПМНЕ во Босилово

Тале Кристо — Sun, 10 Oct 2021 17:36:01 +0000

ВМРО-ДПМНЕ и денеска ја продолжува предизборната кампања пред локалните избори закажани за 17-ти октомври. Имено, денес со почеток од 19:30 часот ВМРО-ДПМНЕ и Коалицијата ќе оддржат митинг во Босилово, а на истиот ќе се обрати лидерот на ВМРО-ДПМНЕ Христијан Мицкоски. Настанот можете да го следите во живо во продолжение:

Манчев вети низа проекти за сите граѓани на Босилово (ВИДЕО)

Ивана Ефремовски — Mon, 27 Sep 2021 14:02:18 +0000

Денес официјално ја започнуваме изборната кампања, за локалните избори 2021 година. Кандидатот на ВМРО-ДПМНЕ за градоначалник на општина Босилово, Ристо Манчев истакна дека има многу проблеми за решавање. Тој истакна дека во неговата програма има низа проекти кои се за сите граѓани од Босилово, а истите можете да ги дознаете во видеото во продолжение:

Седум села во Општина Босилово без вода поради дефект на главниот цефковод

Магдалена Андонова — Mon, 22 Feb 2021 14:05:49 +0000

Заради дефект на главниот цевковод од браната „Иловчанка“, преку кој се снабдува со вода Општина Босилово, седум населени места денеска и утре ќе немаат вода. Според градоначалникот на Босилово Зоран Зимбаков, се работи за голем дефект, а екипи работат на негово остранување. -Цевките кога биле поставувани биле неквалитетни и се дотраени, а во цевководот нема и „песочни перници“. Екипите на комуналното претпријатие се на терен и очекувам во текот на утрешниот ден да биде отстранет дефектот и да се нормализира водоснабдувањето, рече Зимбаков. Од ЈПКД „Огражден“ соопштија дека освен општинскиот центар Босилово, без вода се и селата Радово, Робово, Еднокуќево, Секирник, Бориево и Турново и ги замолуваат граѓаните за разбирање. (МИА)