босна – Kurir.mk

Паника во Босна: Момче од Бихаќ најави масакр во училиште како вчерашниот во Белград

Ивана Ефремовски — Thu, 04 May 2023 11:44:26 +0000

Момче од Бихаќ преку социјалните мрежи објави статус во кој се заканува дека ќе направи слично сценарио како во Белград, пренесува N1 Сараево. Станува збор за млад човек кој е поранешен ученик во мешовитата гимназија Бихаќ. „Тоа момче кое уби осум деца за мене е крал. Долго време подготвувам такво нешто за економското училиште во Бихаќ. Ќе биде незаборавен масакр во Бихаќ, се колнам со животот! Кога сите знаевте да ме осудувате и избегавате, поради тоа ќе има терор“, напиша младиот човек преку социјалните мрежи. Веднаш следеше соопштението од Мешовитото средно училиште. „Ги известуваме сите ученици од нашето училиште, како и нивните родители, дека поради ситуацијата настаната поради објавата на нашиот поранешен ученик З.А., нема потреба од паника. Надлежните органи беа соодветно и навреме информирани и реагираа согласно нивните овластувања“, се наведува во соопштението. (МИА)

Албанија денес доби 192.000 вакцини, Босна 55.000, Македонија – НУЛА!

Ивана Ефремовски — Thu, 25 Mar 2021 15:45:23 +0000

Премиерот на Албанија, Еди Рама на социјалната мрежа Фејсбук се пофали дека обезбедил 1 милион кинески вакцини. -Обезбедивме милион вакцини, пола милион треба да пристигнат во наредните дена, а денеска во Тирана пристигнуваат 192.000 дози, стои во објавата на Рама. Тој моментално е во посета на Турција, а на Фејсбук објави и видео додека вакцините се товараат. 24.300 дози вакцини од Фајзер преку програмата Ковакс денеска пристигнаа во Сараево. Првиот контингент вакцини против ковид-19, нарачан од Босна и Херцеговина (БиХ) преку механизмот КОВАКС, денеска пристигна на меѓународниот аеродром во Сараево. Станува збор за 23.400 дози вакцини од Фајзер.Бионтек, а во текот на денот се планира испорака на 26.400 дози вакцини од АстраЗенека, кои ќе пристигнат со авион од Истанбул, околу 20 часот, соопшти Министерството за цивилни работи на БиХ. Албанија денес доби 192.000 вакцини, Босна 55.000. Колку доби Македонија? НУЛА! Македонските граѓани уште ќе чекаат во страв за сопственото здравје. Очигледно, само нашата Влада не е способна да набави вакцини, оставајќи го народот на милост и немилост од коронавирусот.

Уживајте во природните убавини на БиХ – режисерот Харис Дубица објави прекрасно видео

Ивана Ефремовски — Tue, 23 Mar 2021 10:14:17 +0000

Босанскиот режисер Харис Дубица објави видеоснимка која го прикажува се она што Босна и Херцеговина ја прави посебна. Во краткото видео, опфатени се Бања Лука, Сараево, Мостар, Јајце… Во низа кратки снимки, можат да се видат и планините, но и крајбрежјето на БиХ. „Гледав неколку вакви видеа што ги покажуваат убавините на другите земји. Па, добив желба да направам своја верзија за БиХ и судејќи според коментарите, успеав да направам нешто многу убаво”, прокоментира кусо Дубица за видеото. Видеото е споделено неколку стотици пати и има над 115.000 прегледи од корисници на Инстаграм. (МИА)

View this post on Instagram

A post shared by Haris Dubica (@harisdubica)

Откриен идентитетот на осумте тинејџери кои починаа во БиХ: Сите се родени во 2001-ва година

Ивана Ефремовски — Fri, 01 Jan 2021 16:47:19 +0000

Четири момчиња и четири девојки почина во викендичка кај Посушје, БиХ. Првичните информации говорат дека децата кои се на возраст од 19 години, се задушиле од плин. Босанските медиуми објавија дека откриен е идентитетот на жртвите. Во трагедијата ги загубија своите животи: Иван Миличевиќ, роден на 29.08.2001 година во Посушје, со живеалиште во Поклечани, Посушје, Стипе Ромиќ, роден на 27.09.2001 година во Посушје, со живеалиште во Поклечани, Посушје, Мирела Резо, родена на 8 септември 2001 година во Швајцарија, со живеалиште во Посушје, Жана Павковиќ, родена на 15.09.2001 година во Сплит, со живеалиште во Врпоje, Посушје, Миа Солдо, родена на 4 август 2001 година во Сплит, со живеалиште во Сутина, Посушје, Стипе Павковиќ, роден на 22.09.2001 година во Мостар, со живеалиште во Врпоjeе, Посушје, Марија Павковиќ, родена на 16 април 2001 година во Сплит, со живеалиште во Врпоjeе, Посушје, Стјепан Јукиќ, роден на 9.08.2001 година во Мостар, со живеалиште во Батин, Посушје.

Во БиХ полициски час и следните 14 дена, а можеби и подолго

Ивана Ефремовски — Mon, 07 Dec 2020 17:24:20 +0000

Членот на федералниот Кризен штаб, Горан Черкез потврди дека епидемиолошките мерки што се во сила во тој ентитет во БиХ се продолжени за уште 14 дена – покрај задолжителното носење маски и ограничен број луѓе на митинзите, вклучува и полициски час од 23 до 5 часот наутро. Черкез, кој е исто така помошник министер за здравство на БиХ, за сараевски „Аваз“ рече дека истите мерки ќе бидат продолжени за време на новогодишните и божиќните празници. – Заклучивме дека мерките сега ќе бидат продолжени во следните 14 дена, односно до 24 декември. Во меѓувреме, ќе имаме уште еден состанок на кој ќе разговараме за новогодишните и божиќните празници. Сепак, многу е веројатно дека ќе ги продолжиме истите мерки и по Нова година, рече Черкез. (МИА)

Црн рекорд во БиХ, за еден ден починаа 73 лица

Ивана Ефремовски — Mon, 16 Nov 2020 13:00:50 +0000

Во Босна и Херцеговина во изминатото деноноќие потврдени се релативно мал број на нови случаи на коронавирус – 726, но во исто време е поставен нов црн рекорд со дури 73 смртни случаи, објавија институтите за јавно здравје Од вчера, тестирани се нешто повеќе од 2.100 примероци, а инфекцијата е потврдена кај 430 лица од Федерацијата БиХ и во 296 од Република Српска. Бројот на новозаразени е значително помал од дневниот просек минатата недела, но бројот на тестирани примероци е исто така значително помал, што е вообичаена практика за време на викендите. Во Федерацијата БиХ регистрирани се вкупно 47 смртни случаи, најголем број за еден ден во ентитетот и 26 во РС. Вкупниот број на смртни случаи во БиХ од избувнувањето на епидемијата во март сега изнесува 1.972. Властите во БиХ сè уште не најавија воведување на построги ограничувачки мерки од оние што веќе се во сила на кое било ниво. Во Федерацијата БиХ, забраната за движење во текот на ноќта сè уште важи, со исклучок на лицата кои поради работа не се дома, додека во РС нема такво ограничување. (МИА)

Босна и Херцеговина ги отвораат границите

Тале Кристо — Thu, 16 Jul 2020 09:13:50 +0000

Од денеска државјаните на земјите-членки на Европска Унија и на шенген зоната ќе можат да влезат во Босна и Херцеговина со негативен тест на Ковид-19 не постар од 48 часа. Според одлуката на Советот на министри на БиХ државјаните на тие земји се обврзни да се придржуваат и да ги почитуваат сите епидемиолошки упатства. Од одлуката изоставени се држајаните на Србија, Хрватска и Црна Гора, за кои не е потребен негативен тест. (МИА)

Уште 172 новозаболени во Босна и Херцеговина

Тале Кристо — Fri, 03 Jul 2020 12:52:09 +0000

Во последните 24 часа во биХ регистрирани се 172 нови случаи на заразени со корона вирсу. Од тој број 94 се во Федерацијата, а 78 во република Српска. Во БиХ тестирани се 1.383 примероци, а вкупно 58.59. До сега ковид-19 е потврден кај 2.480 луѓе, оздравеле 1.184 пациенти, а активни се 1.236 случаи. Починале 60 луше. Во Република Српска пак тестирани се 468 од кои 78 се позитивни. Пријавен е еден смртен случај. До сега во РС потврдени се 2.451 случаи, починаа 126, а оздравеа 1.350 лица. Вкупно се тестирани 8.021 лица.

Млад фудбалски херој се „фрли“ во акција на гасење пожари – па заспа (ФОТО)

Ивана Ефремовски — Thu, 16 Apr 2020 13:33:50 +0000

Покрај тоа што имаат проблеми со коронавирусот како и сите други во светот, населението во Босна и Херцеговина изминативе денови мака мачеше со честите пожари. Бројни противпожарни екипи се на терен и се обидуваат да ги стават пожарите под контрола, а во оваа голема акција им помага и еден младиот фудбалер од екипата на Клис од Бутуровиќ Поле, Али Сарајлиќ. Оваа убава приказна на својот Фејсбук – профил ја сподели и тимот, кој е горд на играчот и член на кадетската репрезентација. -Петнаесетгодишниот Али Сарајлиќ, член на кадетскиот тим на ФК Клис Бутуровиќ – Поле, стана еден од симболите на противпожарната борба што ја опфати Долината Неретвица последниве денови. Клубот му се заблагодарува на Али и на сите волонтери кои учествуваа во повеќедневните противпожарни активности и го спасија имотот на луѓето, како и големата шумска површина, се вели во официјалното соопштение од клубот кој се натпреварува во Втората лига-Југ.

Босанците крстија ѕвезда и планета по Босна и Неретва

Ивана Ефремовски — Wed, 18 Dec 2019 08:16:00 +0000

Меѓународната астрономска унија Париз ги соопшти одбраните имиња за ѕвездата ХД-206610 и нејзината планета ХД-206610б, а за коишто гласале граѓаните на Босна и Херцеговина во рамки на конкурсот на светско ниво. Гласањето е во склоп на прославата на стогодишнината на Унијата, па така БиХ гласаше за предложените вселенски тела од соѕвездието Водолија. ХД-206610 е портокалов џин, ѕвезда оддалечена 482 светлосни години од Земјата. Го доби името Босона, а нејзината гасовита планета – Нарон. Тоа се латинските називи за реките Босна и Неретва. Хрватите пак за своите ѕвезда и планета ги искористија старословенските божества Трибор (за ѕвездата) и Велес (за планетата). (МИА)