Бостанџиите и производителите на пченица во катастрофална состојба додека министерот Николовски ужива во Франција (ФОТО)

Дарко Андоновски — Thu, 05 Jul 2018 15:49:26 +0000

Додека овие денови земјоделието е клекнато на колена од страна на Љупчо Николовски тој на својот Фејсбук профил објавува дека удобно ужива во Париз, Франција. Земјоделците пред неколку денови започнаа масовно да ги кршат бостаните незадоволни од откупната цена која е само три денари. Незадоволните бостанџии решија да го стопираат откупот, бидејќи како што велат цената која е моментално, не им е доволна ниту да ги вратат трошоците кои се направени за одгледувањето. Тие се крајно револтирани од односот на Владата, Министерството за земјоделство и министерот Љупчо Николовски. А освен бостанџиите во слична состојба се наоѓаат и производителите на пченица кои на своја кожа ја чувствуваат неспособноста на Заев и Николовски. Пазарот е презаситен со српско брашно, а државата нема никаква стратегија како да се справи со овој проблем. На само недела дена пред жетвата на пченицата се уште нема потврда дали домашните мелничари ќе го откупуваат домашното производство или не. Ветувањата што Николовски им ги даде на мелничарите дека проблемите ќе ги реши до 30 јуни и дека ќе ја стабилизира состојбата на жетвата се покажаа како една голема лага. Не само што не се решени проблемите туку мелничарите се заканија дека нема да вршат откуп, а земјоделците ќе нема каде да ја пласираат нивната реколта, ова се наведува во соопштението од ВМРО-ДПМНЕ. И покрај оваа катастрофална состојба во земјоделието министерот без срам кон земјоделците се пофали на социјалните мрежи дека во моментов е делегат во Меѓународната организација за вино во Париз, Франција додека состојбата со бостанџиите и производителите на пченица тука во Македонија е повеќе од алармантна.

ВИДЕО: Бостанџиите почнаа да го кршат бостанот незадоволни од цената за откуп

Матеја Петровски — Tue, 03 Jul 2018 13:17:05 +0000

Земјоделците почнаа да ги кршат бостаните незадоволни од откупната цена која е само три денари. Тие решија да го стопираат откупот, бидејќи како што велат цената која е моментално, не им е доволна ниту да ги вратат трошоците кои се направени за одгледувањето. Тие револтирани од односот на Владата, Министерството за земјоделство и министерот Љупчо Николовски, почнаа да го кршат бостанот од земја. Инаку, земјоделците веќе неколку дена реагираат на катастрофалната цена за откуп на бостанот. Не требаше да помина долг период за да се види дека владата на СДСМ ги остави земјоделците буквално на цедило. Минатата година земјоделците се жалеа на несериозноста од страна на министерот Николоски и во знак на револт беа принудени да протестираат и бостанот да го фрлаат пред министерството за земјоделие. Истиот проблем земјоделците го имаат и оваа година кога владата нема слух за нивните проблеми. Според домашните одгледувачи, министерството за земјоделие воопшто не ги сфаќа сериозно нивните барања и проблеми. Граѓани стравуваат и за животна егзистенција за себе и за своите семејства, бидејќи одгледувањето на бостан им е единствен пат до доаѓање на парче леб за нивните семејства.

бостанџии – Kurir.mk

Бостанџиите и производителите на пченица во катастрофална состојба додека министерот Николовски ужива во Франција (ФОТО)

ВИДЕО: Бостанџиите почнаа да го кршат бостанот незадоволни од цената за откуп