Бугарија се вклучи кон заедничкиот повик за гарантирање на кибер безбедноста во ЕУ

Ивана Ефремовски — Wed, 09 Mar 2022 16:47:55 +0000

Бугарскиот министер за е-влада, Божидар Божанов, денеска го потпиша Заедничкиот повик на министрите на ЕУ одговорни за дигитални и електронски комуникации, со кој се повикуваат земјите-членки да преземат итна акција за кибер безбедноста во Европа, во контекст на актуелната геополитичка ситуација. Како што јави дописникот на МИА од Софија, критичната инфраструктура, вклучувајќи ги телекомуникациските мрежи и дигиталните услуги, е од огромно значење за многу стратешки функции во нашите општества и затоа може да биде главна цел за кибер напади. Давателите и операторите во ваквата инфраструктура и услуги се клучни за кибер безбедноста на ЕУ, а нивната улога треба да се зајакне преку обезбедување на кибер безбедноста на нивните производи и услуги преку регулативи и стимулации, како и нивната соработка со националните кибер власти, за подобро откривање и спречување на кибер нападите, се наведува во повикот на министрите. Со потпишаниот заеднички повик, министрите на ЕУ се обврзаа да ја одржат оперативна украинската дигитална инфраструктура и телекомуникациски мрежи преку зајакнување на кибер отпорноста на Украина со краткорочна и долгорочна помош. (МИА)

Божанов: Бугарија беше изложена на кампања од дезинформации за цените на бензинот и горивата

Ивана Ефремовски — Thu, 03 Mar 2022 09:25:58 +0000

Бугарија беше изложена на кампања од дезинформации, објави на Фејсбук министерот за електронско управување, Божидар Божанов. Како што јави дописникот на МИА од Софија, според Божанов, целта на кампањата била да се создаде паника поради недостигот на бензинот и горивата и вештачко поскапување на нивните цени, поради што голем број жители на Софија биле присилени во ноќните часови да ги наполнат своите автомобили. Божанов прокоментира и дека Бугарија има и ќе има горива. Според него, комбинацијата на кампањата за дезинформации и тенденцијата да се шпекулира со стравот на луѓето од страна на некои сопственици на бензински пумпи доведува до раст на цените и ескалација на тензиите. Премиерот Кирил Петков дури мораше да соопшти дека земјата има доволно гориво и додаде дека ќе ја натера Комисијата за заштита на конкуренцијата да провери зошто настанала тензијата, а Министерството за е-влада на Бугарија да ги анализира изворите и дистрибуцијата на оваа кампања за дезинформации. (МИА)

Божидар Божанов – Kurir.mk

Бугарија се вклучи кон заедничкиот повик за гарантирање на кибер безбедноста во ЕУ

Божанов: Бугарија беше изложена на кампања од дезинформации за цените на бензинот и горивата