Божиќ Павлетиќ официјално нов ракометар на „Еурофарм Пелистер“

Тале Кристо — Fri, 23 Jul 2021 19:31:53 +0000

Хрватскиот ракометен репрезентативец Јосип Божиќ Павлетиќ (27) денеска официјално е промовиран во новo засилување на македонскиот вицешампион „Еурофарм Пелистер“. Хрватскиот ракометар дојде од редовите на бундеслигашот Гепингем и со екипата од Битола потпиша едногодишен договор, со опција за уште продолжување на соработката за уште една сезона. – Доаѓањето во овој клуб го гледам како напредок во мојата кариера. Клубот е амбициозен, расте секоја година и мислам дека ги имаме сите предуслови за одлична сезона“, изјави Павлетиќ за клупскиот сајт.

Бошко Тасиќ — Tue, 11 May 2021 17:07:52 +0000

Десното крило на националниот тим на Хрватска и на бундеслигашот Гепингем, Јосип Божиќ Павлетиќ е нов член на битолски Еурофарм Пелистер и од следната сезона ќе конкурира за место во тимот на Жељко Бабиќ. „РК Еурофарм Пелистер од сезоната 2021/22 ќе биде посилен за хрватскиот интернационалец, Јосип Божиќ Павлетиќ. Десното крило на хрватската репрезентација и сезонава член на Гепингем потпиша договор на една сезона, со опција за уште една со битолскиот суперлигаш.Јосип Божиќ Павлетиќ е роден во Сплит на шести август 1994 година. Дел од познатата хрватска ракометна школа, а име градеше носејќи го дресот на Нексе Нашице. Во 2017 година премина во ППД Загреб и неколку сезони по ред освојуваше титули од шампионатот и Купот на Хрватска. Во јануари годинава се пресели во Бундеслигата и успешно настапуваше за Гепингем, клубот од кој Јосип Периќ минатото лето дојде во Битола. Неговото доаѓање во Битола е голем чекор за клубот и уште едно репрезентативно име во ростерот на Жељко Бабиќ. Официјалното претставување на Божиќ Павлетиќ е закажано за почетокот на подготовките за следната сезона“, се вели во клупското соопштение. Тој претставува четврто засилување за битолскиот клуб за сезоната 2021/22 по Кизиќ, Обрадовиќ и Табоада.

Божиќ Павлетиќ – Kurir.mk

Божиќ Павлетиќ официјално нов ракометар на „Еурофарм Пелистер“