брачен пар – Kurir.mk

МНР: Двајцата наши државјани се безбедни, сместени се во болница на Црвената полумесечина

Тале Кристо — Sun, 15 Oct 2023 12:03:11 +0000

Двете Амбасади на Република Северна Македонија, во Каиро и во Тел Авив, се во постојана комуникација со надлежните институции на Египет и на Израел, со цел евакуација на двајцата наши државјани, брачен пар, кој се наоѓа во Газа, поточно во градот Кан Јунес, на 12 километри од граничниот премин Рафах. Како што информираа денеска од МНР, парот е сместен во болница на Црвената полумесечина и во моментот е на безбедно. - Со посредство на нашите ДКП-а, ставени се на официјалната листа за евакуација и се чека да бидат создадени услови за нивна евакуација, што во најголема мерка зависи од состојбите на терен, кои во моментот не може да се предвидат. Остануваме во секојдневна комуникација со нив, се до нивно евакуација на безбедно, соопштија од МНР. Во меѓувреме, потенцираат од МНР, работиме на идентификување и прибирање податоци за евентуално други наши државјани кои би можеле да бидат затекнати во Газа, за што уште еднаш потсетуваме на нашите контакти: СОС телефони на МНР- 075/ 273- 732 и 075/268-736, дежурниот телефон на Амбасадата во Тел Авив +972-54-926-7378 и дежурниот телефон на Амбасадата во Кајро +201033615542.

Поевтино од пензионерски дом: „Ова е убав живот“, брачен пар резервирал 51 последователно крстарење (ВИДЕО)

Ивона Петрова — Mon, 02 Oct 2023 18:03:17 +0000

Марти и Џес Ансен од Австралија решиле да резервираат 51 последователно крстарење бидејќи оваа опција, како што тврдат, била поевтина од плаќање на пензионерски дом. Тие заминале на нивното прво крстарење во јуни 2022 година. Останале на Princess Cruises Coral Princess повеќе од 450 дена - подолго од повеќето членови на екипажот, вклучувајќи ги и капетаните. Очекуваат да останат на него две години. -Каде на друго место можете да одите на вечера, шоу и танц? Ги имате сите овие активности во еден ден овде, рече Џес во „A Current Affair“. Марти изјавил дека сега не мора сами да перат алишта, да го местат креветот и да вршат други слични активности. -Мислам дека заборавивме да ги правиме овие работи бидејќи не ги направивме долго време, па сега мораме да останеме на бродот за крстарење за да преживееме, рече тој. Менаџерот на хотелот Рен ван Ру изјавил дека сите овде ги знаат и дека имаат статус на познати личности. Секако, тие не планираат да престанат со овие авантури и наскоро ќе резервираат уште едно крстарење. Членовите на семејството ги гледаат кога застануваат на пристаништата во близина на нивните домови. „Тоа е убав живот“, додаде Марти.

Пронајден брачниот пар по кој се трагаа грчките власти, еве што им се случило

Ристе Здравков — Wed, 20 Sep 2023 05:47:04 +0000

Брачен пар од Србија, Мирко и Миле М, по кои трагаа нивните загрижени деца, вчера вечер е пронајден во Паралија. Како што беше објавено во Фејсбук групата Грција инфо, се јавил сопственикот на вилата во која престојуваат и изјавил дека имаат проблем со телефонот. Како што се наведува во вчерашниот апел, во групата, Мирка и Миле М. не контактирале со децата од неделата кога пристигнале во Катерини Паралија, објавено е во Фејсбук групата Грција инфо. „ Во неделата Мирка и Миле М. пристигнаа во Паралија и најдоа соба во близина на плажата. Потоа им се јавија на семејството, поточно ќерката и синот. Оттогаш нивните деца безуспешно се обидуваат да се слушнат со нив, но се недостапни“, се наведува во групата Грција инфо. Децата на брачната двојка контактирале со полицијата во Катерини и биле известени дека немаат информации дека нешто им се случило на овие лица. „Затоа би ве замолил сите кои го читате ова и сте во Паралија, доколку ја видите оваа двојка, дајте им до знаење дека децата ги бараат и дека се загрижени. Тие дојдоа со црн автомобил БМВ и имаат регистарски таблички од Деспотовац.

ПО 50 ГОДИНИ БРАК: Брачен пар од Хрватска почина во ист ден, еден покрај друг

Ивона Петрова — Fri, 14 Jul 2023 07:19:45 +0000

Брачна двојка од Громачник во областа Славонија во Хрватска почина во ист ден откако минале 50 години в брак. Перо Илак (79) и девет години помладата Манда биле еден покрај друг до самиот крај, пишува „Плуспортал“. Откако прво починал Перо, и неговата сопатничка набргу „замина“ по него, пренесува „Н1“. Потомците на Манда и Перо во еден ден неочекувано останаа без двајцата родители, т.е. без нивната (пра)баба и (пра)дедо. Тие истакнуваат утеха им е што и во смртта „останале заедно“ откако минале половина век заедно. Тие во педесетте години заеднички живот, на помладите им ја пренеле и меѓусебната приврзаност, верност и посветеност - особини што ги красеа до крајот и кои веројатно придонеле да не отидат на последното патување еден без друг.

ФОТО: Ги нашле гушнати во кревет под бетонска плоча – Тажна љубовна приказна на брачен пар од Турција

Дарко Андоновски — Tue, 14 Feb 2023 17:50:51 +0000

Меѓу загинатите во турскиот приморски град Искендерун е и брачниот пар Алекс и Вероника Илгин, кои дошле во Турција од Орландо, Флорида. Алекс бил хипотекарен брокер, а неговата сопруга медицинска сестра. Тие се венчале минатиот јули, а во јануари дошле да живеат во родниот град на Алекс, Искендерум, за да го започнат процесот на вештачко оплодување и да основаат семејство. Алекс и Вероника живееле во петкатница во Искендерун, која, сепак, била срамнета со земја во земјотресот.

🔥 ABD'den İskenderun'a aile ziyaretine giden çift depremde hayatını kaybetti: ABD'nin Orlando kentinde yaşayan Alex İskender Ilgın ve eşi Veronika Ilgın, ziyaret amacıyla geldikleri Hatay'ın İskenderun ilçesinde depreme yakalanarak, hayatlarını kaybetti. https://t.co/KixOIHRhYs pic.twitter.com/e7o4W7c1Xn
— 📰 TR HABER || Tüᴍ Hᴀʙᴇʀʟᴇʀ 🇹🇷 (@tr_hbr) February 12, 2023

-Братот на Алекс ги барал со спасувачката екипа. Ги нашол под урнатините, ги нашол гушнати во кревет, под бетонската плоча. Немале време ниту да станат, изјави најдобриот пријател на Алекс, Василиус Поулос, пренесува „Дејли Мејл“. Братот на Алекс рекол дека ден претходно ја ископал мајка му, која исто така починала, а целото семејство речиси исчезнало, ретко кој го преживеал земјотресот.

Во првата година од животот на детето, родителите се караат дури 2.500 пати – не е најмногу за секс, еве ја причината во првите 12 месеци

Дарко Андоновски — Thu, 13 Oct 2022 09:11:43 +0000

Воспитувањето дете никогаш не е лесно, особено ако станувате родители за прв пат. Освен што доаѓањето на новороденче ви го менува целиот живот од темел, тоа влијае и на односот помеѓу вас и вашиот партнер. Истото го потврди и неодамнешното истражување на Channel Mum и The Baby Show, чии резултати покажуваат дека младите родители имаат дури 2.500 караници во текот на првата година од животот на нивното дете. Истражувањето во кое учествувале 2.000 родители покажало дека најчестите расправии меѓу младите родители се околу тоа кој е поуморен, кој ќе биде „дежурен“ со бебето следната вечер, а 16 отсто од паровите се расправаат и поради недостаток на сексуални односи. Исто така, 17 отсто од родителите веруваат дека во првата година од животот на своето дете чувствуваат недостаток на љубов од партнерот, а 12 отсто од нив изјавиле дека до расправија доаѓа откако еден од партнерите ќе се обиде да иницира сексуален однос. Останатите расправии најмногу се однесуваат на неможноста да се координираат домашните обврски и грижата за децата, кои меѓу другото вклучуваат хранење, пресоблекување, нагаѓања за тоа колку детето треба да јаде и слични работи кои ги загрижуваат повеќето родители на самиот почеток. Што велат експертите? Иако тоа се претежно кавги кои брзо се решаваат и не претставуваат поголеми проблеми за паровите, во пет проценти од нив сепак доведуваат до сериозно оштетување на врската, односно до развод. „Навистина е тажно да се види колку парови се откажуваат во првите 12 месеци од родителството, што првенствено треба да биде еден од највозбудливите периоди во нивниот живот. Иако е прекрасен период, несомнено е дека е и исклучително стресен период кој носи промени во начинот на спиење, рутините и обврските, но на некој начин и навикнување на трето лице во куќата на кое му е потребна вашата постојана грижа и внимание“, објаснува Зои Бонсер, водителка на The Baby Show.

Трагедија во Штип: Брачен пар загина во тешка сообраќајка

Ивона Петрова — Wed, 01 Jun 2022 07:32:29 +0000

Загина брачен пар од Штип во тешка сообраќајка што се случи синоќа кај штипската населба Македонка. При судир на две возила, „југо“ и „опел астра“, на лице место починале возачот, 68-годишниот Г.П. и 62- годишната сопатничка Ј.П.. Автомобилот „опел астра“ го управувало 20-годишно момче од Штип, кое здобило телесни повреди. Портпаролот на СВР – Штип, Гордана Панојотова потврди дека се случила несреќа во која, како што рече, има две жртви. Увидот треба да утврди кои се причините за сообраќајката која се случила синоќа во 23.20 часот. Ова не е прва несреќа на овој потег на улицата „Брегалничка“ која води до приградските населби и индустриската зона Македонка, но е и излез и влез на Штип кон Кочани.

Брачен пар изненадил многумина со своите правила во бракот – не смеат да имаат пријатели од спротивниот пол…

Ристе Здравков — Tue, 31 May 2022 16:02:15 +0000

Една жена на ТикТок се соочила со лавина коментари и критики oткако објавила видео во кое ги објаснува правилата на својот брак. Младата мајка Бејли ги навела своите правила во две видеa, а потоа објавила уште едно дополнително видео во кое го објаснила својот начин на размислување кој довел до овие идеи, пишува „The Sun“. Првата ставка на пописот била една од најконтроверзните затоа што се однесува на пријателите. Имено, никој од нив не смее да има пријател од спротивниот пол од колегите од работа и никако не смеат да останат сами со нив на настаните. Исто така нивниот одговор вклучувал забрана за испраќање и примање пораки со лица од спротивниот пол, а овој пар има и правило за гледање експлицитни содржини. Со забраната за гледање порнографија, парот не смее да чувствува сексуални нагoни кон друга личност, а за да бидат сигурни во тоа, следењето лица од спротивниот пол на социјалните мрежи им е строго забрането. Бејли ги исклучила коментарите под видеото на ТикТок, но сепак истото се појавило и на Редит и Твитер каде корисниците негативно ги коментирале правилата и забраната на овој брачен пар. „Ова е токсично, таков брак нема смисла“, напишал некој корисник. „Не ми се јасни таквите правила, очигледно и двајцата сте несигурни. Мојот сопруг и јас не би можеле така да функционираме“, додал некој друг корисник. И, додека едните ја критикувале, другите ги одобриле ваквите правила. Некои признале дека и тие имаат слични договори со своите брачни партнери. „Тука не станува збор за недостаток на доверба, колку што тоа е границата на почит. Како венчана жена немам потреба од дружење со други мажи затоа што тоа го добивам од својот маж“, изјавила таа во друго видео.

Пациентите кои попладнево ќе бидат отпуштени од софиската болница се брачен пар и млада девојка

Магдалена Андонова — Mon, 29 Nov 2021 09:58:00 +0000

Се очекува денеска попладне од болницата „Пирогов’ во Софија да бидат отпуштени уште тројца пациенти кои беа повредени во автобуската несреќа на автопатот „Струма“ на 23 ноември. Се работи за маж и неговата сопруга и за млада девојка, кои ќе бидат префрлени во земјава, соопшти дописникот на МИА од Софија. Според официјалното соопштение од болницата, пациентите се во стабилна и добра општа состојба. Во моментов на Клиниката за изгореници и пластична хирургија има четири пациенти кои ноќта ја поминале според очекувањата на медицинскиот персонал во болницата и без промени од вчера. Пациентот кој е хоспитализиран на Клиниката за неврохирургија закрепнува и веќе се движи. Тој имаше две успешни операции – на потколеницата и на ’рбетот.

ОБИДЕТЕ СЕ ДА ГИ ЗАДРЖИТЕ СОЛЗИТЕ: Чекал цели 9 месеци за да ја види својата сопруга, а потоа дојде и тој емотивен момент (ВИДЕО)

Магдалена Андонова — Thu, 19 Aug 2021 11:06:27 +0000

Постар господин од Италија дојде во болница со букет рози за да ја посети сопругата по долго време. Кога го однесоа кај неа и кога ја сретна, тој не можеше да ги задржи солзите од среќа, ниту пак неговата сопруга. Според медиумите, повикувајќи се на социјалните мрежи, целиот настан се случил во италијанска клиника каде била сместена дотичната дама. Поради ограничувањата од коронавирусот, нејзиниот сопруг не можел да ја посети. Во меѓувреме, таа исто така се заразила и тие не се виделе девет месеци, пренесува радиото Кале Блу. Кога конечно било објавено од болницата дека се дозволени посети, пензионерот се подготвил, купил букет цвеќе и отишол во здравствената установа да ја види својата сопруга.

View this post on Instagram

A post shared by T13 (@teletrece)

Фотографии и снимки од маж кој чека во ходникот да му ја покажат каде е неговата сопруга и се појавија на социјалните мрежи, а кога конечно се одржа состанокот, и двајцата беа преплавени од емоции. Сцената ја снимил нивниот внук Салватор, кој исто така ја објави снимката на социјалните мрежи, која ја пренесоа многу светски медиуми.