Брахим Диаз – Kurir.mk

Брахим откри каков совет добил од Анчелоти по враќањето во Реал

Ристе Здравков — Wed, 12 Jul 2023 13:12:01 +0000

Брахим Диаз се врати во Реал Мадрид по неколку сезони минати во редовите на Милан, а тој беше дел од првата група фудбалери кои се појавија на стартот на подготовките за новата сезона. Диаз веќе напорно тренира под водство на Карло Анчелоти и ќе се обиде да се наметне кај италијанскиот стручњак, очекувајќи да има важна улога во екипата во новата сезона. Самиот фудбалер им открил на медиумите кој бил првиот совет кој го добил од Анчелоти пред неколку дена. – Анчелоти побара од мене да уживам и да се обидам да ја извлечам својата најдобра верзија. – Сакам да му помогнам на тимот на било каков начин, се надевам дека ќе научам многу од квалитетните соиграчи и среќен сум што можам да соработувам со Анчелоти, – истакнал Диаз.

Мароко добива засилување пред Мундијалот во Катар?

Ристе Здравков — Tue, 15 Nov 2022 18:21:18 +0000

Играчот на Милан Брахим Диаз, оваа сезона има 17 настапи во кои забележа 4 гола и една асистенција. Тој е на „Сан Сиро“ како позајмен од Реал Мадрид две години, а на крајот од оваа ќе треба да се врати кај „кралевите“. Диаз има настап за Шпанија на еден контролен натпревар, против Литванија во 2021 година, кога даде и гол. но има и марокански пасош со оглед дека неговиот татко има корени од таа земја. Во Мароко веруваат дека Диаз би можел многу брзо да заигра за нивната селекција, па дури и на Мундијалот во Катар. Мароко игра за осум дена, Диаз не доби повик од Луиз Енрике за Шпанија, па може во последен миг да одбере нова репрезентацијата. Диаз би бил замена за Армин Харит, играчот на Олимпик Марсеј кој ги скина лигаментите на последниот натпревар во шампионатот на Франција. Мароко наводно му испратил повик на Диаз, сега на него е дали ќе одговори позитивно или не.

Дојде во Реал да си го исполни сонот, но наместо тоа помина низ кошмар

Ивана Ефремовски — Wed, 21 Aug 2019 18:30:24 +0000

Брахим Диаз во јануари оваа година пристигна од Манчестер Сити во Реал Мадрид. Младиот 20 годишен Шпанец во трансфер вреден 17 милиони евра ги напушти „граѓаните“ за да добие поголема минутажа, но се покажа дека не направил баш најдобар потег. Поранешниот тренер Сантијаго Солари за време на својот престој на клупата на „кралевите“ му даде само 24 минути на теренот. Кога Зидан дојде доби шанса на четири од пет натпревари на Реал во Ла Лига, но тогаш следуваше нова лоша вест за Диаз. Диаз го повреди мускулот поради што беше 20 дена надвор од теренот и поради тоа го пропушти и Европското првенство за играчи до 21 година. Потоа Диаз се опорави од повредата и отпатува со Реал на припремите, но следуваше нова повреда поради која ги припушти седумте припремни натпревари. Сега се врати на тренинзите, меѓутоа го пропушти првиот натпревар на Реал во наредната сезона и дојде до бројката од вкупни 94 дена од кога последен пат настапил. Извор: СПОРТСКИ.МК