Арсенал нуди 30 милиони евра за Дијаз

Ивона Петрова — Wed, 29 Mar 2023 20:35:01 +0000

Челниците на Арсенал се заинтересирани за фудбалерот на мадридски Реал, Браим Дијаз, кој настапува како позајмен играч во калчолигашот Милан, јавија денеска италијанските медиуми. Според истите извори, повремениот шпански репрезентативец не е во плановите на Реал, а лондонски Арсенал за услугите на Дијаз е подготвен да плати 30 милиони евра. Дијаз досега сезонава одигра 31 натпревар за Милан и постигна пет голови. Во редовите на Реал дојде во 2019 година од Манчестер сити, а потоа беше позајмен на Милан. Шпанскиот фудбалер има долгорочен договор со Реал кој истекува на лето 2025 година

Перез на промоцијата на Дијаз: Реал ќе продолжи да гледа напред

Дарко Андоновски — Mon, 07 Jan 2019 14:13:40 +0000

Претседателот на Реал Мадрид, Флорентино Перез не покажа знаци на разочарување по синоќешниот кикс на тимот против Реал Сосиедад (2:0) во Ла Лига, по која тимот заостанува 10 поени на табелата од лидерот Барселона. – По период на успех, секогаш има тешкотии. Но, Реал ќе продолжи да гради и да гледа само напред, рече шефот на „белите“. Денес, тој го претстави новото засилување на клубот, Браим Дијаз. 19-годишниот шпански играч доаѓа од Манчестер Сити за 15,5 милиони фунти, а други 6,5 милиони се утврдени во договорот како клаузули. – Кога нов играч ќе дојде во Мадрид, ова е секогаш важен настан бидејќи работиме напорно за да избереме еден играч. Реал е најголемиот клуб во светот и тука најмногу се бара. Задоволни сме што овој талентиран и вреден фудбалер веќе е тука. Облекувањето на белиот дрес на 19 години е уникатно постигнување. Добредојде во новиот дом!, изјави Перез. Новиот играч на Реал Мадрид пак, увери дека не сакал да оди во друг клуб откако дознал за интересот на шпанскиот гигант. Тинејџерот доаѓа од Манчестер Сити откако одби да потпише нов договор со англискиот клуб. Кај Пеп Гвардиола тој беше резерва, но сепак изрази оптимизам дека пред него има светла иднина на „Сантијаго Бернабеу“. – Ова е посебен ден за мене – најважното нешто во мојот живот. Доаѓам во клубот за кој сонувам од дете. Ова е мојот најдобар божикен подарок. Кога решив да го напуштам Сити, имав три опции – Реал, Реал и пак Реал. Не сакав да одам на друго место, бидејќи немаше начин како да одам во подобар тим. Благодарам за довербата и ветувам дека ќе дадам сè од себе уште од првиот ден, изјави Дијаз на промоцијата. Офанзивниот фудбалер е роден во Малага пред 19 години. Манчестер Сити го привлече во 2013 година за 200.000 фунти. За „граѓаните“ тој учествуваше во пет меча во Премиер лигата, откако дебитираше во јануари минатата година. Неговата баба, од страната на татко му, е од Мароко. Дијаз има четири сестри, сите помлади од него.

браим дијаз – Kurir.mk

Арсенал нуди 30 милиони евра за Дијаз

Перез на промоцијата на Дијаз: Реал ќе продолжи да гледа напред