Брајан Адамс – Kurir.mk

ФОТО: Брајан Адамс во болница поради коронавирус, вторпат позитивен за еден месец

Ивона Петрова — Fri, 26 Nov 2021 07:27:34 +0000

Канадскиот рок-пејач Брајан Адамс објави дека е во Италија и оди в болница, откако вторпат за помалку од еден месец бил позитивен на тест за Ковид-19. – Тука сум, штотуку пристигнав во Милано и по вторпат за еден месец имам позитивен тест на Ковид. Затоа одам во болница, напиша рокерот на Инстаграм. Тој, иако наводно бил вакциниран, и претходно бил позитивен – на 31 октомври, иако немал никакви симптоми.

Брајан Адамс предизвика контроверзии на Твитер

Тале Кристо — Tue, 12 May 2020 12:40:12 +0000

Рок-ѕвездата од 1980-тите и 90-тите, Брајан Адамс предизвика лавина реакции на Твитер со една вчерашна негова гневна објава. „Вечерва требаше да почне серијата свирки на @royalalberthall , но поради некои е**ни луѓе кои јадат лилјаци, продаваат животни на пазари за сирово месо и алчни копилиња што создаваат вируси, светот е стопиран. Да не говорам за илјадниците луѓе кои страдаат или веќе починаа. Мојата порака до сите нив, освен ’Фала многу, е дека ќе станам веган“, објави пејачот на Твитер. Со тоа, тој предизвика и позитивни, и негативни коментари. Некои ова го протолкуваа како расизам и ксенофобија кон Кинезите, иако тој никаде не ги спомнува. Имаше и такви кои го поддржуваат рокерот. „Брајан Адамс без такт си го гризна стапалото, но поимот расизам не ми падна на ум. Кина заслужува и повеќе критики кон нивната Влада, која ги игнорира опасностите од пазарите за сирово месо, коишто веројатно се и главен извор на многу од новите болести, како коронавирусот“, објави Твитер-профилот под името Брајан Локет.

Брајан Адамс доаѓа во Скопје

Катерина Бојаџиева — Wed, 05 Jun 2019 09:47:54 +0000

По Стинг, Лени Кравиц и Ерос Рамацоти, во Скопје доаѓа и еден од најголемите меинстрим артисти на светот на сите времиња, човекот со безброј хитови Брајан Адамс. На 13-ти ноември во Скопје прв пат во живо ќе се слушнат „Summer of 69“, „Heaven“, „Please Forgive me“, „Everything I do (I do for you)“, „Have You Ever Really Loved a Woman“ и многу други. Брајан Адамс доаѓа во Скопје во рамки на големата светска турнеја „Shine a light“ наречена по истоимениот нов албум, со која настапува во најголемите концертни арени ширум светот. Влезниците за концерот што ќе се одржи во Вип Арена ќе бидат пуштени во продажба од понеделник, 10-ти јуни, информираат од Авалон Продукција.

Брајан Адамс со нова песна и нов албум

Ивона Петрова — Fri, 18 Jan 2019 11:03:41 +0000

Канадскиот пејач Брајан Адамс објави песна со наслов „Shine A Light”, која е најава за истоимениот студиски албум, кој ќе биде пуштен во продажба на 1 март. Албумот, на кој Адамс соработува со Џенифер Лопез и Ед Ширан има 12 нови песни. Пејачот во февруари почнува и турнеја под истото име, во Канада, Нов Зеланд, Австралија и Обединетото Кралство. Албумот сега е достапен само преку официјалната интернет-продавница на музичарот. „Shine A Light” е современа поп-рок песна, за која Адамс соработуваше со Ед Ширан. Брајан Адамс е роден 1959 година во канадскиот град Кингстон. Со музика почнал да се занимава на свои 15 години, но со светска слава во се здоби 1983 година, со својот трет студиски албум, „Cuts Like a Knife“. Негови најпознати песни се „Heaven“ и „Have You Ever Really Loved a Woman?“, кои беа први на листата Билборд Хот 100. Добитник е на неколку од престижните Греми награди, а досега има продадено повеќе од 75 милиони албуми. МИА

ВИДЕО: Принцезата Дајана и славниот актер сепак биле во врска?

Даниел Василев — Mon, 02 Jul 2018 20:50:01 +0000

Брајан Адамс имаше посебен однос со покојната принцеза Дајана, а нејзиниот батлер тврди оти тие двајца биле во врска. Музичарот Брајан Адамс гостуваше во емисијата „Погледнете што се случува“ со Енди Коен и за прв пат навистина зборуваше за својот однос со Лејди Ди. Пејачот рече дека навистина биле многу блиски и добри пријатели, а остана затечен кога водителот го праша дали биле „пријатели во бенефиции“. На тоа прашање Адам не сакаше да одговори. Коен на Адамс му рече дека батлерот на принцезата тврди оти Адамс скришно влегувал во палатата за да се гледа со Дијана. -Каква навистина беше вашата врска, го праша водителот, а Брајан одговори: -Бевме само големи пријатели. Не се криев во палатата, едноставно одев кај неа. Да бевме пријатели. Водителот се обиде да дознае дали постоел и љубовен сегмент на овој однос, но музичарот вешто избегна да одговори, па ниту потврди, ниту негираше.