Брајан Остин Грин – Kurir.mk

Меган Фокс поднесе документи за развод

Ивона Петрова — Fri, 27 Nov 2020 10:06:59 +0000

Неколку месеци по неформалната разделба со Брајан Остин Грин и неколку дена откако „официјално“ зачекори по црвенииот тепих со новото момче – раперот Машинган Кели, глумицата Меган Фокс конечно поднесе документи за развод од сопругот. Таа во неделата се појави со момчето на црвениот тепих на Американските музички награди, а документите за развод се поднесени завчера, во средата. Повеќе детали не се откриваат. Грин и Фокс се разделија во мај, по што двајцата во јавноста се појавуваа со други партнери – таа со раперот, а тој со 2-3 други девојки.. Фокс за Кели ќе рече – како да е „во врска со љубовен вулкан“, во една прилика, како што пренесуваат американските таблоиди.

По 10 години брак се разделија Меган Фокс и Брајан Остин Грин

Тале Кристо — Tue, 19 May 2020 09:51:04 +0000

Меган Фокс и Брајан Остин Грин, по 10 години брак и уште шест години врска пред тоа, се разделија. Тоа го објави Грин во неговата интернет-емисија. – Јас секогаш ќе ја сакам. Знам дека и таа секогаш ќе ме сака мене, а тоа што го градевме со години, е навистина посебно, изјави глумецот во емисијата. Тој натаму нагласи дека со Меган сè уште се гледаат заради семејните празници и дека цврстата врска меѓу нив е од витално значење за нивните деца. Гласините за разделбата започнаа откако Меган беше видена со колегата од филмот „Machine Gun“ („Автоматски пиштол“) – Колсон Бејкер. Но, ѕвездата од „Трансформери“ тогаш рече дека тој ѝ е само пријател. Брајан и Меган се запознале на сетот на „Hope & Faith“ („Надеж и верба“), а почнале да се дружат во 2004 година. Двојката тогаш беше мета на критики затоа што Фокс имаше 18 години, а Брајан – 30 години. Ова не е прва нивна разделба. Откако се венчаа 2010 година, Фокс поднесе барање за развод во 2015 година. Една година подоцна, тие се смирија, сѐ досега, до емисијата на Грин.

Пет години не се појавиле заедно: Меган Фокс посекси од било кога

Ивана Ефремовски — Tue, 10 Dec 2019 12:02:11 +0000

За првпат по пет години, Меган Фокс и Брајан Остин Грин се појавија заедно на свечен настан. 33-годишната актерка и 46-годишниот актер присуствуваа на галата „Global Green's #Fight4theAmazon“ во Лос Анџелес. Меган и Брајан последен пат се појавија заедно на настан во 2014 година. Тие се во брак од 2010 година и заедно имаат 3 деца. Меган никогаш не била посекси.

Исплива најголемата тајна за љубовниот живот во „Беверли Хилс“: Дејвид бил интимен со двете славни актерки

Ивана Ефремовски — Mon, 19 Aug 2019 16:47:38 +0000

Ѕвездата од „Беверли Хилс”, Брајан Остин Грин (Дејвид) во последното интервју откри дека бил интимен со две колешки од серијата. Во емисијата на Енди Коен, една гледачка од публиката го праша дали тој и Тори Спелинг (Дона во серијата), биле во врска. Глумецот прво малку се збуни, но потоа му кажаа дека Тори веќе го признала тоа во едно претходно интервју. -Чекај, таа го рече тоа? Тори рекла дека сме биле во врска? Се дружевме. Да. Бевме млади, а тоа младите го прават, призна и Грин. Натаму, тој додаде дека бил со уште една главна глумица, Тифани Амбер Тисен (Валери Малоун) која среде серијата ја замени Шенон Доерти. Сепак, тој истакна дека нивната романса не настанала на сетот. -Тифани и јас бевме во врска пред таа да стане дел од серијата, рече тој.