браќа – Kurir.mk

За да го блокира погледот на брат му кон морето, ја изградил најтенката зграда на светот

Дарко Андоновски — Thu, 21 Sep 2023 11:09:26 +0000

За да го блокира погледот на својот брат кон морето, еден Либанец ја изградил „најтесната зграда“ на Блискиот Исток, а многумина веруваат - и во целиот свет. „Ал баса“ (во превод: „Инает“) е името на ова здание во Бејрут, главниот град на Либан. Широка само 60 сантиметри во најтесниот дел, а околу четири метри во најширокиот, градбата се наоѓа близу стариот светилник во Манара. Терасите на овој ѕид наводно понекогаш биле користени како „јавна куќа“ или како засолништа за бегалци. Како што раскажува преданието, зградата е подигната „за инает“ во 1954 година. Имено, двајца браќа се скарале за земјата што ја наследиле од нивниот татко - едниот брат добил минијатурно парче земја со чудни димензии на коешто не можело да се изгради практично ништо, а на другиот дел била раскошна зграда со поглед на Средоземното Море. Така настанала оваа зграда висока 14 метри, што потоа сепак ја намалила вредноста на земјиштето на вториот брат.

Предложен притвор за двајца осомничени за изнуда

Тале Кристо — Mon, 04 Sep 2023 13:41:11 +0000

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека сториле кривично дело – Изнуда по член 258 став 1 во врска со член 22 од Kривичниот законик. Двајцата браќа од скопско Ржаничино, на возраст од 27 и 22 години, како соизвршители, во временскиот период од 5 јуни до 31 август, на различни локации во Скопје со употреба на сериозна закана по живот кон еден оштетен и неговото семејство му изнудувале парични средства за наводен долг. Заканувајќи се, тие кај оштетениот предизвикале чувство на несигурност и страв и го принудиле да им даде дел од бараните пари. Јавниот обвинител за двајцата осомничени достави прeдлог за определување мерка притвор, оценувајќи дека постојат законските основи – опасност од бегство, можност за влијание врз сведоците и соучесниците и можност да го повторат делото.

Двајца браќа тепале маж додека не паднал во кома, обвинителство откри детали од ужасниот чин

Ивана Ефремовски — Mon, 14 Aug 2023 14:00:41 +0000

Основното јавно обвинителство Скопје донесе Наредба за спроведување истражна постапка двајца браќа на возраст од 39 и 42 години, поради основано сомнение за сторено кривично дело – Тешка телесна повреда по член 131 став 3 во врска со став 1 од Кривичниот законик. На 12 август, двајцата осомничени со умисла тешко телесно повредиле едно лице и го довеле во опасност неговиот живот. Заради недоразбирање во сообраќајот во однос на брзината на движење на автомобилите, осомничените физички се пресметале со оштетениот, удирајќи го со клоци и тупаници. Мајката на оштетениот и еден случаен минувач се обиделе да ги оттргнат и да ги спречат во намерата. Но, тие му нанеле тешки телесни повреди опасни по неговиот живот, па оштетениот во коматозна состојба, несвесен и неконтактибилен бил префрлен на болничко лекување. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени, бидејќи постојат околности што укажуваат на опасност од бегство, можност да го повторат кривичното дело и околности кои што го оправдуваат стравот дека ќе влијаат врз сведоците.

КРВАВА РАСПРАВИЈА НА ДВАЈЦА БРАЌА – по расправија едниот го распосекол со ножици другиот малолетен брат

Дарко Андоновски — Sun, 12 Mar 2023 16:02:21 +0000

На 11.03.2023 во 12.45 часот во Полициска станица Крива Паланка е пријавено дека во итната медицинска помош Крива Паланка во 12.10 часот од П.Д. било донесено со повреди нејзиното малолетно дете, кои, според пријавеното, по претходна расправија му биле нанесени со остар предмет (ножици) во нивниот дом во Крива Паланка од неговиот малолетен брат. Полициски службеници излегле на местото на настанот. Се преземаат мерки за расчистување на случајот.

Им се заканил на двајца браќа со вперен пиштол кон нив – еве ги деталите за драмата во Гази Баба

Дарко Андоновски — Wed, 08 Mar 2023 16:16:59 +0000

Двајца браќа пријавиле дека вчера во скопската населба Гази Баба добиле закани од човек со иницијали Н.П., кој имал пиштол, информираат од МВР. „На 7 март 2023 во 17.45 часот во СВР Скопје, Ф.А.(33) од Скопје пријавил дека околу 16.20 часот на подрачјето на Гази Баба, Н.П. со пиштол упатил закани кон него и кон неговиот брат“, се вели во политиското соопштение. Од МВР додаваат дека се преземаат мерки за расчистување на случајот.

ХОРОР ВО СКОПСКО СТУДЕНИЧАНИ: Маж пукал во сопствениот брат

Магдалена Андонова — Thu, 17 Nov 2022 16:09:57 +0000

Министерствтото за внатрешни работи информира дека на 16.11.2022 околу 14.40 часот во с.Студеничани, скопско, полициски службеници од Полициската станица Драчево го лишиле од слобода А.М.(41) од с.Студеничани, затоа што околу 14.30 часот во магацинскиот простор од семејната фирма лоциран во с.Студеничани, скопско, по претходна расправија поради нерасчистени имотно-правни односи околу фирмата, од пиштол испукал еден куршум кон неговиот брат А.М.(39) од с.Цветово, скопско и му нанел телесна повреда, информираат од полицијата. По целосно документирање случајот ќе биде поднесена соодветна пријава, додаваат надлежните.

Можно помирување меѓу Хари и Вилијам, кој го направи првиот чекор?

Ристе Здравков — Wed, 26 Oct 2022 15:06:55 +0000

Вилијам и Хари, наводно, се зближиле по смртта на нивната баба. Кој од двајцата браќа му пришол на другиот? Два дена по смртта на кралицата, Вилијам и Хари се појавија заедно за прв пат од 2020 година. Ненајавеното појавување пријатно изненади многу фанови на кралското семејство. Двајцата браќа, заедно со Кејт и Меган, излегоа да ги погледнат цвеќињата надвор од замокот Виндзор и да се поврзаа со своите ожалостени фанови. ЗАБАВАМожно помирување меѓу Хари и Вилијам, кој го направи првиот чекор?Објавено пред 5 часа - 26 октомври, 2022Од Макфакс Вилијам и Хари, наводно, се зближиле по смртта на нивната баба. Кој од двајцата браќа му пришол на другиот? Два дена по смртта на кралицата, Вилијам и Хари се појавија заедно за прв пат од 2020 година. Ненајавеното појавување пријатно изненади многу фанови на кралското семејство. Двајцата браќа, заедно со Кејт и Меган, излегоа да ги погледнат цвеќињата надвор од замокот Виндзор и да се поврзаа со своите ожалостени фанови. Според „Тајмс“, Вилијам бил тој што предложил со Хари да се појават заедно пред замокот. Принцот Вилијам му пријде на принцот Хари по смртта на кралицата. Весникот го цитира портпаролот на палатата: „Принцот од Велс сметаше дека тоа е важно покажување на единство во неверојатно тежок момент за семејството.“ Анонимен извор, исто така, изјави за „Дејли мејл“ дека Вилијам му испратил порака на својот помлад брат, предлагајќи одредено време за нивното појавување заедно. Хари се согласил со идејата на Вилијам. „Тоа се случи многу брзо – навистина извонредно со оглед на тоа што не се видоа во Шкотска“, рече инсајдерот. Дали смртта на кралицата и времето што Хари и Вилијам го поминаа заедно во Англија ќе доведе до помирување на долг рок, останува да се види.

При претрес во дом на двајца браќа пронајдена дрога и оружје – покрената постапка против нив

Магдалена Андонова — Thu, 20 May 2021 11:18:32 +0000

Основното јавно обвинителство Тетово донесе Наредба за спроведување истражна постапка за двајца браќа, жители на село Боговиње, тетовско, за кои постои основано сомнение дека како соизвршители го сториле кривичното дело – Неовластено производство и пуштање во промет наркотични дроги, психотропни супстанции и прекурсори од член 215 став 1 , а еден од нив и кривичното дело – Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик. При извршен претрес од службени лица на 18 мај 2021 година, на две локации, во Тетово и во село Боговиње, заради продажба држеле наркотична дрога марихуана распоредена во одделни пакувања со вкупна нето маса од 9375,4 грама. Покрај дрогата, при претресот во куќата во с. Боговиње бил пронајден и еден пиштол марка „Бруни“ со калибар 8 мм, кој неовластено го држел еден од осомничените. Обвинителството до Основниот суд Тетово поднесе предлог за определување на мерка притвор за двајцата браќа, поради потреба да се обезбеди непречено водење на кривичната постапка.

Нападнати двајца браќа од 58 годишен маж – еве ги деталите

Дарко Андоновски — Thu, 13 May 2021 14:41:37 +0000

На 11.05.2021 во 20.15 часот во СВР Скопје, О.И.(25) од с.Глумово, скопско пријавил дека околу 19.00 часот, додека бил со неговиот брат О.И.(22) од с.Глумово пред угостителски објект во селото, поради меѓусебно нетрпение биле физички нападнати од В.Ј.(58) од истото село. Се преземаат мерки за расчистување на случајот.

Мајка сакала да си го раздели синот, па двајца браќа ја нападнале – ја удирале со тупаници и со метални клешти, еве ги деталите

Дарко Андоновски — Thu, 22 Apr 2021 08:56:00 +0000

Основното јавно обвинителство Гостивар поднесе Обвинителен предлог против две лица на возраст од 49 и 45 години за кривично дело – Насилство согласно член 386 став 3 во врска со став 1 од Кривичниот законик. На 08.10.2020 година, двајцата браќа, во група заедно со други за сега непознати лица, физички нападнале две лица во Гостивар. Мајката на еден од нападнатите тргнала да ги раздели и во тој момент едниот обвинет ја удрил со тупаница по лицето, а другиот со метални клешти ја удирал по двете раце и по телото. Од ударите, жената се здобила со телесни повреди – нагмечувања. Настанот предизвикал чувство на страв, загрозување и несигурност и кај повеќе други граѓани кои во тој момент биле присутни на местото.