бране претрушевски – Kurir.mk

„Власта предлага човек за уставен судија кој што не постапуваше или несоодветно постапуваше во сите скандали обелоденети во јавноста“

Тале Кристо — Tue, 20 Sep 2022 20:49:11 +0000

„Согласно нашите закони за жал единствен услов да станеш уставен судија, кој што има деветгодишен мандат, значи деветгодишен мандат и ужива деветгодишен имунитет е да те предложи владејачкото мнозинство. Во нашето законодавство нема никакви критериуми кој може да биде уставен судија освен да биде истакнат правник, тоа е формулацијата. И низ таа формулација се протнуваат сите можни кандидати кои што одговараат на владејачкото мнозинство. За уставни судии се предлагаат како почнувајќи од последниот актулениот државен јавен обвинител, човек кој што во изминатиот период и те како не постапуваше или несоодветно постапуваше во сите скандали обелоденети во јавноста кои што директно се случуваа од власта“, истакна Бране Петрушевски, пратеник од редовите на ВМРО-ДПМНЕ во гостување во емисија на МРТВ. Петрушевски додаде дека и сега бидејќи актуелниот јавен обвинител одработил за СДСМ, одработил за ДУИ, истиот тој треба да биде уставен судија по логиката на власта. „И наместо како сите останати граѓани во Република Македонија на 68 години да ужива во пензионерските денови, господинот Јовевски треба да биде уставен судија уште девет години до 77 години за да му врати она што СДСМ нели го задолжила“, рече тој. Пратеникот додаде дека многу очигледно е дека СДСМ за многу скоро ќе стане опозиција и преку своите уставни судии ќе се обидува да ја попречува работата на идната реформска Влада предводена од ВМРО-ДПМНЕ. Во своето гостување Петрушевски се осврна и во делот на функционирањето на Собранието. „Во делот на функционирањето на Собранието, јас повторно не можам да разберам од јавните настапи на функционерите односно на пратениците на власта дали функционира Собранието, или не функционира. Затоа што час ќе слушнете дека е функционално Собранието, и дека активната блокада на ВМРО-ДПМНЕ е неуспешна, и дека ништо не можеме да спречиме, тоа од една страна ќе го слушнете, а кога им е потребно за своите неуспеси да обвинат некој друг тогаш тие ќе кажат дека ВМРО-ДПМНЕ блокирало одредени закони“, појасни Петрушевски. „Од активна блокада подрзабираме филибастеринг, тоа се долги говори и употреба на амандмани и се она што ни го овозможува Законот, Деловникот па и Уставот на Република Македонија за да спречиме донесување на штетни закони. Значи се она од друга страна што ќе биде добро за граѓаните од аспект на финансиски импут, за полесно надминување на оваа криза која што ја имаме, ние ќе поддржиме и сме поддржувале“, потсети пратеникот. Тој нагласи дека се што е во интерес на граѓаните ВМРО-ДПМНЕ ќе поддржи, но се она друго што не е законски нема да се поддржи. Петрушевски исто така говореше како Талат Џафери ја спаси власта и не дозволи референдум. „Џафери како претседател си има преземено малку поголема моќ од она што реално му го дава Уставот и законите“, вели пратеникот. „Единствена причина беше Талат Џафери да го спаси СДСМ како што впрочем и во минатото сме биле сведоци во повеќе наврати, да ги спаси од едно изјаснување на граѓаните по однос на штетниот Договор за добрососедство кој е се само не е Договор за добрососедство“, рече Петрушевски. Тој посочи дека тој договор кој требаше да ги унапреди односите, тој ги заостри и сега се наоѓаме во една комплицирана ситуација. „Доказ за тоа е и мислењето кое моментално граѓаните го имаат спрема Република Бугарија, сите истражувања кажуваат дека ние во полоша ситуација како соседи со Република Бугарија не сме биле никогаш во историјата“, кажа Петрушевски. Петрушевски додаде дека Џафери си само демонстрира самоволие, Уставен суд, закон што значи дека се е предводено од таа една личност во државата. „Почитта односно не почитта која ја покажува спрема опозицијата и пратеничката група на ВМРО-ДПМНЕ апсолутно ќе биде возвратена со механизмите и алатките кои ни се на располагање, a тоа се неучество во неговите координации и продолжувањето на активната блокада“, дециден е Петрушевски.

Петрушевски: СДСМ длабоко ја вкорени корупцијата во државата и затоа младите ни се селат

Дарко Андоновски — Mon, 01 Mar 2021 12:49:32 +0000

Пратеникот на ВМРО-ДПМНЕ Бранислав Петрушевски во денешниот „Неделен брифинг истакна дека корупцијата е веќе длабоко вкоренета во Македонија и затоа младите се селат. -Како еден Зоран Заев располага со милиони, како еден Мијалков располага со милиони, па ако сакате и локално ќе се спуштиме по општините да видиме кои се таму милионерите и локални шерифи. Какви морални вредности имаат тие луѓе, и како да го воспитуваш своето дете во такво општество. Затоа младите се селат. Имам пријатели кои се сега универзитетски професори во Америка, Русија и други држави низ светот, единствено од моето друштво само јас сум останал во Македонија да живеам. Тоа е така токму поради таквите функционери коишто кога е нивниот личен интерес во прашање и те како знаат да го изиграат законот да не го почитуваат, да се збогатуваат во името на функциите. А кога е во прашање една минорна сума со која треба да инвестираат во младите, да им го покажат вистинскиот пат, рече Петрушевски. Сведоци сме како урбаната мафија за неколку часа може цел урбанистички план да се промени, за да се гради и да се остваруваат милиони и милијарди, а не може да се промени правилник за едно талентирано дете за да му се додели награда, вели Петрушевски. -Оваа Влада функционира само со пи-ар стратегија. Значи доколку треба да се пеглаат односите со Бугарија, ќе изјават Бугарија ќе ни донира вакцини. Доколку треба да се додворуваат на НАТО, тогаш а не, ние сме НАТО членка и руски вакцини не сакаме. За да после три дена да изјави дека ќе набави и руски ако треба. Тука можеш да му го видиш целиот памет на еден човек. Да дебатираш за здравјето на луѓето, кој ја произведувал вакцината и да ја поврзуваш со геостратешка политика, само кажува на нивото на човекот којшто е најодговорен во оваа држава. Значи зборуваме за вакцина, зборуваме за здравје, за животи на граѓани, а тој геостратешки ќе одлучува која вакцина ќе ја набавува. И за жал не успеа ниту една вакцина да набави, истакна Петрушевски. Според него, покрај морална одговорност има услови и за кривична одговорност заради не постапување на одговорните во власта. Секој кој ќе се зарази од Ковид-19, не дај боже да почине, неговото семејство има право да ја обвини државата за состојбата во која што е дојден. -Во споредба еве ќе кажам, доколку луѓето не носат маски или не ги почитуваат мерките државата ги казнува, така е и за граѓаните кои имаат права да ја обвинат државата за непочитување на мерките. Сега кога почна да растат бројките со новиот Британски сој на корона, сега граѓаните биле криви многу шетале. Тука излезе на површина сета хипокризија и неспособноста на власта. Излагаат на прес конференции и кажуваат или граѓаните или некој од ВМРО-ДПМНЕ е крив, а тие за ништо не преземаат одговорност, истакна пратеникот на ВМРО-ДПМНЕ Бранислав Петрушевски во денешниот “Неделен брифинг”, рече Петрушевски.

Петрушевски: Страшна манипулација со социјално загрозените луѓе во Куманово (ФОТО)

Дарко Андоновски — Thu, 02 Apr 2020 14:19:30 +0000

Бране Петрушевски од ВМРО-ДПМНЕ ОК Куманово на својот Фејсбук профил сподели фотографии од пред седиштето на СДСМ во Куманово. -Пред седиштето на СДСМ во Куманово. Што, како и зошто се дели, оставам на институциите да постапат, каде уредно е пријавено. МВР коректно интервенираше и ја растури групата. Запрепастува фактот што се искористуваат пеесетина луѓе збиени во гужва, без да се почитуваат мерките за претпазливост. Или "колеги" од СДСМ, за вас ромите не се луѓе!? Страшна манипулација со социјално загрозените луѓе!, стои во неговиот пост на Фејсбук. https://www.facebook.com/branebelich/posts/10156940388446957