бранимир јовановиќ – Kurir.mk

Јовановиќ: Наредни избори СДСМ ќе изгуби поради тоа што не исполни ништо што вети на Шарена револуција, а ВМРО-ДПМНЕ ќе се врати

Катерина Бојаџиева — Thu, 15 Apr 2021 18:45:27 +0000

Сите работи за кои што се залагавме за време на протестите како да се заборавија одеднаш откако се дојде на власт. Тоа е најголемата грешка на сегашната власт, односно на Заев. Тој не се посвети на решавање на проблемите кои што ги истакнувавме со години наназад, истакна Бранимир Јовановиќ за „Вин вин“. Јовановиќ додаде дека Заев откако е на власт ниту еднаш не обрна внимание на домашните проблеми, и заборави се што има ветено пред учесниците на Шарена Револуција. „Тоа е најголемиот проблем со оваа Влада. И поради тоа денес има големо незадоволство. Оваа власт ништо не стори корисно за државата, пример за тоа е и образовната реформа. Според мене таа реформа не е многу лоша, но не може да помине за тоа што луѓето веќе не им веруваат во ништо. Кога ќе видат било каква реформа и предлог за промена луѓето го плукаат и велат нема шанси тоа да го направите вие само глупости правите“, појасни Јовановиќ. Јовановиќ посочи дека власта ја пропушти шансата да направи нешто култно и суштинско, и поради тоа тој е револтиран. А, наредните избори СДСМ ќе ги изгуби и ВМРО-ДПМНЕ ќе победи.

Јовановиќ: Доколку знаела за Еуростандард, Нина Ангеловска не смеела да го повлекува депозитот

Ристе Здравков — Sat, 15 Aug 2020 08:17:31 +0000

Бранимир Јовановиќ, поранешниот советник на екс-министерот за финансии Драган Тевдовски, објави свој статус за случајот со одземањето на лиценцата за работа на Еуростандард, во кој тврди дека Нина Ангеловска, доколку знаела дека на банката и следува затворање, требало да даде „лична жртва“, односно да сочувствува со широките граѓански маси и да не го повлекува депозитот. Министерката за финансии претходно демантираше дека по сознание, дека и претстои стечај на Еуростандард, го повлекла личниот депозит. Според анкетните листови на Комисијата за пречување на корупција, таа поголемиот дел го повлекла во јануари, а во јуни ги повлекла и преостанатите 100.000 евра на два месеци пред одлуката на НАродна банка. „Не знам дали Министерката за финансии знаеле дека банката ќе оди во стечај кога ги повлекла парите. Не имплицирам дека знаела, си има државни органи кои треба да утврдат дали е така. Но, доколку знаела, не смеела да го направи тоа. Не само таа, туку било кој друг државен функционер. Тоа е искористување на службената положба за остварување на личен интерес, што е дефиниција за корупција. И ова не го кажувам за да ја нападнам Министерката. Такво нешто на крајот на нејзиниот мандат е апсолутно бескорисно. Ова го кажувам за сите нови функционери, кои ќе бидат именувани со новата Влада, да бидат свесни за ова и да внимаваат на своето однесување. Да, доколку „обичен“ граѓанин дознае дека некоја банка ќе се затвори, тој има легитимно право да се обиде да ги повлече парите од банката. Но не и државните функционери. Штом ќе стапат на државна функција тие веќе не се „обични“ граѓани. Тие се слуги на народот, тие се јавни службеници и не можат да се однесуваат како и „обичните“ граѓани. Тие мора да бидат спремни да направат лична жртва во интерес на јавното добро. Тоа е цената на јавната функција - да го ставиш личниот интерес на страна и да работиш за другите, а не за себе. И секој што не го сфаќа ова, не е за државна функција. Државните функции се за луѓе кои се спремни да му служат на јавниот интерес, да работат за општото добро, да се жртвуваат за државата, а не за луѓе кои гледаат како да остварат лична корист од секоја ситуација“, коментира Јовановиќ.

Јовановиќ: ЕВН лани оствари 32 милиони евра добивка, а 100.000 граѓани живеат со 40 денари на ден

Ивона Петрова — Mon, 10 Aug 2020 08:46:24 +0000

„Објаснувањето што беше кажано од Регулаторна мене ми е прилично несмасно. Практично не можам да поверувам дека може да се покачи цена на струја како дозволуваат сметките, методологијата. А, законите дозволуваат да се покачи цена на струја во ваква криза, но не дозволуваат да се намали. Мене ми е тоа практично неприфатливо објаснување. И мислам дека едноставно е недолично објаснување во ваква ситуација, и мора да се изнајде решение“, истакна Бранимир Јовановиќ, поранешен советник во министерството за финансии при своето гостување во емисијата „Бизнис поенти“. Јовановиќ вели дека покачувањето на струја е директен удар врз 755.000 сиромашни граѓани, кои што дел од нив живеат со 40 денари дневно. „Се говори во јавноста дека ова поскапување ќе значи и 100 до 200 денари повисока сметка месечно. За луѓе што живеат со 40 денари на ден тоа се огромни пари. Така што ова поскапување ќе значи удирање по најсиромашните“, вели Јовановиќ. Поранешниот советник на Тевдовски реагираше и на социјалните мрежи па така тој на фејсбук вели дека ЕВН лани остварила нето добивка 36 милиони евра, МЕПСО 7 милиони, ЕСМ (ЕЛЕМ по старо) 3 милиони. Во исто време, 100.000 луѓе во државава живееле со помалку од 40 денари на ден. „Шпанија за времетраењето на кризава обезбеди гарантиран пристап до струја, вода и гас за сиромашните, дури и ако не плаќале сметки.Италија ги суспендираше сметките за струја, гас, вода и ѓубре на 2 месеци. Белгија им даде на домаќинствата до 100 евра за сметки за струја и 75 евра за сметки за гас. Словенија ја намали цената на струјата за домаќинствата и малите фирми за 20%. Кипар ја намали цената на струјата за 10% на 3 месеци. Македонија ја зголемува цената на струјата за 7,4%, а има највисока сиромаштија и невработеност во Европа“, пишува Јовановиќ на Фејбук.

Јовановиќ: Одлуката за поскапување на струја е политичка, таа не беше донесена пред избори за да не изгубат поени

Ивана Ефремовски — Sun, 09 Aug 2020 17:00:47 +0000

„Објаснувањето што беше кажано од Регулаторна мене ми е прилично несмасно. Практично не можам да поверувам дека може да се покачи цена на струја како дозволуваат сметките, методологијата. А, законите дозволуваат да се покачи цена на струја во ваква криза, но не дозволуваат да се намали. Мене ми е тоа практично неприфатливо објаснување. И мислам дека едноставно е недолично објаснување во ваква ситуација, и мора да се изнајде решение“, истакна Бранимир Јовановиќ, поранешен советник во министерството за финансии при своето гостување во емисијата „Бизнис поенти“. Јовановиќ посочи дека е доста загрижувачки што една ваква крупна одлука, најкрупна економска одлука што е направена последните десетина години, многу поголема на пример и од прогресивниот данок. -И загрижува што една ваква одлука се префрла на техничка комисија, на техничко тело како што е Регулаторна комисија за енергетика, кога на сите им е јасно дека ова ги погаѓа сите граѓани. Сите два милиони жители на оваа држава се погодени од вакво нешто. Ова е очигледно политичка одлука, ова е одлука која што има крупни и политички и социјални последици. И зад неа мора да стои Влада, Собрание. Ваква одлука не можеше да се носи пред избори бидејќи беа свесни дека ќе изгубат поени. А, од друга страна ниту да ја почекаат новата влада, па таа влада да сноси да кажеме одговорност за ова, туку го прават ова во период помеѓу две влади. Што е многу загрижувачки, додаде Јовановиќ. Јовановиќ вели дека покачувањето на струја е директен удар врз 755.000 сиромашни граѓани, кои што дел од нив живеат со 40 денари дневно. -Покачувањето на цената на сметките на електричната енергија ќе значи поскапување на животот на граѓаните, особено за најранливите. Ние сме држава со највисока стапка на сиромаштија во Европа. Околу 20% од луѓето во ова држава, односно 755.000 луѓе живеат во сиромаштија. Од нив околу 100.000 луѓе живеат во екстремна сиромаштија. Односно со помалку под 40 денари на ден, нагласи Јовановиќ. Јовановиќ додаде дека екстремно сиромашните граѓани во Македонија ќе треба да плаќаат повисоки сметки за електрична енергија. -Дури се говори во јавноста дека ова поскапување ќе значи и 100 до 200 денари повисока сметка месечно. За луѓе што живеат со 40 денари на ден тоа се огромни пари. Така што ова поскапување ќе значи удирање по најсиромашните. Уште повеќе загрижува што тоа се прави за да им се удоволи на три големи монополски компании. И тоа компании кои што прават огромни профити. Тоа се ЕВН, ЕСМ по старо ЕЛЕМ и МЕПСО“, појасни Јовановиќ.

Јовановиќ: Платежните картички на Владата – поразителна статистика дека живееме во сиромаштија

Ивана Ефремовски — Thu, 11 Jun 2020 19:31:49 +0000

Поранешниот советник во министерството за финансии, Бранимир Јовановиќ смета дека поразителна е бројката од 324 илјади граѓани на кои Владата ќе им додели платежни катрички, истакнувајќи дека со оваа мерка на граѓаните им се даваат трошки и милостиња, наместо да се решат системски проблемите. Тој во разговор за Тв21 истакна дека токму оваа бројка дава една друга слика која покажува дека, за жал, во нашата држава поголемиот дел живеат со помалку од 15 илјади денари месечно. -Дефинитивно е поразителна статистиката, со тоа што мислам дека бројките се уште полоши од ова, бидејќи во оваа бројка не се влезени и пензионерите. Голем дел од пензионерите, веројатно една половина, односно 150 илјади имаат пензии кои се помали од 15 илјади денари. Официјалната стапка на сиромаштија во државата е околу 22 проценти, односно 455.000 кај нас живеат во релативна сиромаштија, а според Светска банка, апсолутната сиромаштија во земјава изнесува 110.000, односно толку граѓани живеат со помалку од 40 денари на ден. Има и бројки за висина на приходи од Министерство за финансии, 50% од луѓето имаат доход под 212 евра месечно, истакна Бранимир Јовановиќ.

ЕКС СОВЕТНИКОТ НА ТЕВДОВСКИ PACПАЛИ ПО ВЛАДАТА НА СДСМ: За олигарсите менуваат уредби преку ноќ, а обичниот работник не го ни перцепираат, ова е cтpaшно

Дарко Андоновски — Thu, 16 Apr 2020 20:21:55 +0000

Владата на СДСМ е фокусирана на задоволување на барањата на олигарсите, а не на граѓаните кои гласаат за нив и малите и средни компании кои вработуваат 80 проценти од населението во Македонија, ова го истакна Бранимир Јовановиќ советник на министерот за финансии на СДСМ, Драган Тевдовски. -Во политиктие на Владата гледаме страшна асиметрија кога интересите на мала група на фирми и мала група на богати луѓе доминира. Тоа го гледаме и во оваа криза. Гледате која мерка да ја предложат коморите, Владата веднаш ја прифаќа нивната сугестија, а од друга страна ги имате синдикатите. Пред некој ден 10 синдикати излегоа здружени, најголемиот синдикат во државава, Сојузот на синдикати заедно со другите синдикати прв пат се случува тоа, здружени излегуваат со барање до Владата за заштита на работниците и немате никаква реакција. Дури и медиумите генерално го изигнорираа тоа, имаше исклучоци се разбира иако тие синдикати претставуваат 600-700 илјади работници во оваа држава и гледате Владата нема никаква реакција. Не ги ни викна на разговор, а од друга страна коморите кога ќе побараат нешто веднаш и ги викаат на состанок и менуваат уредби и носат уредби преку ноќ. И тоа е она што е страшно гледаме страшна асиметрија, економски политики кои што се креирани за богатите и моќните, а не за обичните граѓани, вели Јовановиќ.

Јовановиќ: Со кратењето на пари на работниците 100.000 семејства ќе бидат погодени и средната класа ќе ја сведат на сиромаштија

Предраг Кукиќ — Mon, 30 Mar 2020 19:18:58 +0000

Околу 100.000 семејства ќе бидат погодени од мерката за кратење на плати во администрација со што средната класа ќе се сведе на сиромаштија, изјави во Топ Тема на Телма телевизија поранешниот советник во министерството за финансии, Бранимир Јовановиќ. „Не слушнав економист што ја поддржа оваа мерка. Читав периодов интервјуа и изјави од неколку економисити и Ванчо Узунов и Петар Гошев и Беџети. Сите тие беа против таа мерка затоа што има повеќе причини. Не може да зборувате за солидарност, односно во име на солидарност да кратите плати на тие што земаат по 400 евра плата, а да ги оставате оние што земаат плата од неколку десетици илјади евра.“ вели Јовановиќ Тој потенцираше дека највисоката плата во оваа држава е 250.000 евра месечно и таа плата сега останува нечепната и дека има над 250 лица од оваа држава кои имаат плата над 10.000 евра месечно кои исто така остануваат нечепнати. „За каква солидарност зборуваме ако на нив ништо не им правите, а им кратите плата на оние што имаат 400 евра. Вие имате фирми во оваа држава што имаат добивки од стотици милиони евра на нив ништо не им правите, а им земате на оние кои работат во кризата и земаат плата од 400 евра.имате околу 200 фирми во државава што имаат добивки од ореку милион евра и на нив ништо не им правите, дури и некои прифитираат во кризата, а им земате пари на работниците. Значи толку за солидарноста и праведноста“ нагласи Јовановиќ. Јовановиќ истакна еден од основните постулати за справување со секоја криза е дека треба да стимулирате потрошувачка, односно ако сакате економската активност да ја поттикнете мора да стимулирате потрошувачка. „За да стимулирате потрошувачка треба да пуштите пари во оптег, треба да луѓето да им давате пари. Вие ако кратите плати во јавна администрацијат вие правите тие помалку да трошат и вештачки ја продлабочувате економската криза. Тие помалку ќе трошат, а економската активност ќе се забавува. Трето станува збор за околу 100.000 лица кои ќе бидат опфатени со таа мерка, а тоа значи ќе имате 100.000 семејства кои ќе бидат погодени од оваа криза, ја погаѓате средната класа и ја сведувате на сиромаштија.“ рече Јовановиќ

Јовановиќ: Новата министерка за финансии е без искуство и експертиза од областа

Тале Кристо — Thu, 21 Nov 2019 20:27:50 +0000

Во денешната емисија „Што не е јасно “ на телевизија Алфа гостуваше Бранимир Јовановиќ професор и поранешен советник во Министерството за финансии. Бранимир кажа дека минитерката за финансии Нина Ангеловска е донесена директно од стопанската комора каде исто така членува и актуелниот вице премиер. Имено , Јовановиќ потенцираше дека новата министерка за финансии е без искуство и без знаење односно експертиза од областа на финансиите. -Имате нова министерка без искуство и без знаење , експертиза од областа и директно од Стопанска комора значи од раководство на Стопанска Комора се инсталира да биде министерка за финансии во исто време кога вице-премиер во владата е повторно од таа иста Стопанска комора додаде Јовановиќ

Јовановиќ: Владата под притисок го намали данокот за да не се намалува добивката на компаниите

Ивона Петрова — Thu, 07 Nov 2019 12:01:10 +0000

Економскиот аналитичар и поранешен советник во министерството за финансии Бранимир Јовановиќ вчеравечер на телевизиско интервју на Алсат, а во однос на одложувањето на прогресивниот данок од страна на владата, истакна дека министерката за финасии Нина Ангеловска и вицепремиерот Кочо Анѓушев како дел од раководството на Стопанската комора на Македонија имале влијание и притисок од страна на компаниите за повлекување на данокот за да не им се намалува добивката. Во однос на причината за одложување на прогресивниот данок Јовановиќ вели дека бројките покажуваат дека во првите 9 месеци се собрани 27 милиони евра, повеќе отколку во првите 9 месеци претходната година. -Ние во првите 9 месеци сме собрале повеќе данок отколку што кажувавме дека ќе собереме преку цела година. Причината зошто министерската и целата влада се реши на ваков потег е што приходите се подобри отколку предвидено, односно ги оданочуваат фирмите повеќе од тоа што сакаат и не сакаат повеќе да се замеруваат со нив, вели Јовановиќ. Тој вели дека Тевдовски не бил сменет заради прогресивниот данок туку поради општата ситуација а прогресивецот е само дел од тие економски политики, затоа што оваа влада дојде на власт со ветување дека ќе ги смени економските политики кои ги водеа претходните влади напишана во програмата на СДСМ од страна на Мила Царовска и Драган Тевдовски, владата со негова смена од министерското место јавно даде сигнал дека не сака да го спроведе ветеното. Не постои директен начин да ги вратат тие пари, и не постои никаде таква пракса,но може владата да го направи тоа само со нов закон за враќање на пари и смета дека истиот би бил небулозен. Професорот исто посочи дека кога се правеле пресметките претходната година на удар на данокот беа поголемите компании не работниците, затоа што тие остваруваат големи плати и се оние големи компании коишто ја движат Стопанската комора во Македонија во чие што раководството биле министерката Ангеловска пред да биде министер и вицепремиерот Кочо Анѓушев, па можеби тука веројатно имало притисоци и влијание. -Тие големи компании преку Стопанската комора каде што тие се доминантни влијаеле врз довчерашните тимски колеги, соиграчи за да се врати рамниот данок, затоа што нивните компании ја намалиле добивката, истакнува Јовановиќ.

Јовановиќ: Метлата прво требаше да го исчисти Анѓушев

Катерина Бојаџиева — Mon, 24 Jun 2019 16:36:38 +0000

Прв кој требало да замине од владиниот кабиент на Зоран Заев бил вицепремиерот за европски прашања Кочо Анѓушев, смета професорот Бранимир Јовановиќ, инаку до скоро најблизок советник на министерот во заминување Драган Тевдовски. Тој во смс порака за Сител ТВ објаснува на кого мислел кога на Фејсбук статус напиша дека не Тевдовски, туку други министри требало да бидат опфатени со метлата. -Не знаев за сменава кога јас се повлеков, и воопшто не ја очекував. Мислев дека "метлата" требаше да ги фати оние кои работеа за личен интерес наместо за јавниот, оние кои местеа милионски тендери, оние кои трошеа државни пари, а ништо не работеа, напиша Јовановиќ на Фејсбук. Анѓушев пак, вели дека обвинувањата се неаргументирани. -Одлуката за реконструкција, односно кои министри треба да се заменат ја донесе мандатарот во координација со полтичките партнери и истата ја соопшти во јавност. Немам намера да коментирам ниту пак да навлегувам во мотивите на дадената изјава која ми ја пренесовте, која е неаргументирана. Лично, на колегите им посакувам успех во нивните идни ангажмани, одговара Анѓушев, пренесува Сител. Опозициската ВМРО-ДПМНЕ, пак, обвинува дека со преземањето на функцијата министер за финасии од страна на премиерот, Заев и неговата фамилија ќе управуваат директно со милјарди евра народни пари и 10 финансиски институции меѓу кои Царината, Управата за јавни работи, Финсиската полиција и Управата за финансиско разузнавање. Опозициската партија вели дека за најкорумпираните министри не заминале од владиниот кабиентот. Дека Заев не направил вистинска метла во владиниот кабиент смета и албанската опозиција. „Тој не покажа храброст се ослободи од неодговорните кадри, кадрите кои потпишуваат договори во четири очи, кадрите кои им даваат тендери на штотуку регистрирани фирми, кадрите кои ја користат функцијата министер во корист на нивните приватни фирми, кадри кои се во состојба да го прекршат законот за лични придобивки“, коментираат од Алијансата на Албанците на Зијадин Села.