бранко ружиќ – Kurir.mk

Ружиќ поднесе оставка по масовните убиства во Србија, избран нов министер за образование

Ивана Ефремовски — Tue, 25 Jul 2023 14:44:04 +0000

Со мнозинство гласови во Собранието на Србија, за гласаа 149 пратеници, против 40, и воздржани пет пратеници, за нов министер за образование е избрана Славица Ѓукиќ Дејановиќ , јави дописникот на МИА од Белград. Славица Ѓукиќ Дејановиќ беше предложена за министер за образование, на предлог на нејзината Социјалистичка партија на Србија (СПС) која е коалиционен партнер на СНС, откако Бранко Ружиќ поднесе оставка на таа функција, по масовните убиства во ОУ Бладислав Рибникар во Белград. Ѓукиќ Дејановиќ претходно беше министер во Владата на Србија, во повеќе ресори. Таа ја извршуваше функцијата претседател на Собранието на Србија од 2008 до 2012 година, како и функцијата в.д. претседател на Србија од почетокот на април до крајот на мај 2012 година. Од 2012 до 2014 година беше министерка за здравство на Србија. Од август 2016 година до октомври 2020 година, таа беше министерка без ресор во Владата на Србија задолжена за демографија и популациона политика. (МИА)

По масакрот: Министерот за образование во Србија поднесе оставка

Ивана Ефремовски — Sun, 07 May 2023 17:04:01 +0000

Бранко Ружиќ попладнево поднел неотповиклива оставка од функцијата министер за образование, потврдено е за порталот N1 во тоа министерство. Оставката ја поднесе неколку дена по трагедијата што се случи во ОУ „Владислав Рибникар“. Инаку, по масакрот што се случи во Основното училиште „Владислав Рибникар“, во средата пред Министерството за образование на Немањина 22 се собраа неколку илјади луѓе, а на средбата беше побарана оставка од министерот за образование. Да потсетиме, К.К.(14), ученик од седмо одделение од Основното училиште „Владислав Рибникар“ вооружен дошол во училиштето околу 08:40 часот и отворил оган. Загинаа осум ученици и училишен чувар, а ранети се уште пет ученици и еден професор по историја.

Ружиќ: Дојавите за бомби во сите 23 средни училишта во Белград се лажни

Ивана Ефремовски — Fri, 29 Apr 2022 11:56:51 +0000

По дојавите за поставени бомби во 23 средни училишта и гимназии во Белград, припадниците на Министерството за внатрешни работи интервенирале, извршиле проверки и утврдиле дека сите пријави се лажни, изјави министерот за образование, наука и технолошки развој Бранко Ружиќ, истакнувајќи дека училиштата и полицијата реагирале соодветно и брзо и учениците биле безбедни, јави дописникот на МИА од Белград. Министерот Ружиќ додаде дека по увидотот на МВР, учениците сукцесивно се вратиле на настава, а во училиштата чии ученици поради ваквата состојба биле вратени дома, часовите ќе бидат надоместени во наредниот период. -Припадниците на МВР ефикасно реагираа, а наставата во втора смена ќе се одвива редовно, изјави Ружиќ. Во 23 средни училишта и гимназија во Белград утринава пристигнала циркуларна електронска пошта за поставена бомба, за што веднаш биле известени МВР и БИА. Учениците и вработените беа евакуирани на безбедно, додека полицијата и нејзините стручни служби ги проверуваа наводите. МВР и БИА истражуваат кој го испратил меилот за бомбите, кој бил од една иста електронска адреса. (МИА)

Во Србија со коронавирус се заразени околу 5.000 ученици

Ивана Ефремовски — Fri, 29 Oct 2021 13:48:30 +0000

Српскиот министер за образование, наука и технолошки развој Бранко Ружиќ изјави дека околу 5.000 деца на училишна возраст се заразени со коронавирус, што е околу 0,6 отсто и оцени дека состојбата не е алармантна, јави дописникот на МИА од Белград. -Што се однесува до образовниот систем, сепак тврдам дека состојбата според бројките воопшто не е алармантна, но точно е дека има поголем број на заболувања кај децата и поголем број на приеми од страна на педијатрите, изјави Ружиќ за РТС. Тој кажа дека е одржан состанок на училишниот тим, со медицинскиот дел од Кризниот штаб за мерките што можат да направат „прекин“ кога е во прашање образовниот систем. -Вирусот влегува во образовниот систем однадвор, а не обратно, а тоа се гледа по бројки, додаде Ружиќ. Тој посочи дека еден од моделите е воведувањето на онлајн наставата, но дека се уште не се одлучиле. Запрашан дали очекува со продолжување на распустот да се прекине преносниот синџир на трансмисија, Ружиќ оцени дека е убеден да е тоа доволно, како и дека е точно она што го кажуваат епидемиолозите. -Овој синџир на трансмисија не се случува во образовниот систем, се случува кај општата популација надвор од образовниот систем, но секако овој прекин ќе помогне, како и примената на ковид пропусниците, да се искористи на најдобар можен начин и да се видат ефектите од тоа воведување во однос на зголемувањето на бројот на вакцинирани, истакна Ружиќ. На прашањето како да се влијае на родителите кои не пријавуваат дека нивните деца се заразени, Ружиќ кажа дека на секој начин се обидуваат да допрат до нив. -Мислам дека ако има такви родители тоа не е предмет на работа на Министерството за образование. Мое лично мислење е дека ваквото неодговорно однесување навистина заслужува санкција, а ние не ги санкционираме родителите, потенцира Ружиќ.

Српски министер позитивен на коронавирус

Тале Кристо — Sun, 12 Jul 2020 09:17:44 +0000

Српскиот министер за државна администрација и локална самоуправа Бранко Ружиќ потврди дека е позитивен на коронавирусот и поради тоа е во самоизолација. Тој за Танјуг изјавил дека е дома и се чувствува добро. – За сега сум добро. Нема температура, нема кашлица, моите бели дробови за сега се добри, како и мојата крвна слика, рече Ружиќ и додаде дека зема терапија и оти ќе биде во самоизолација наредните 14 дена. (МИА)