Српскиот министер за полиција тврди дека знаат кој го убил Оливер Ивановиќ, убиецот бил под германска заштита

Ивона Петрова — Wed, 21 Jun 2023 15:49:00 +0000

Српскиот министер за полиција Братислав Гашиќ денеска во Парламентот изјави дека убиецот на Оливер Ивановиќ е познат и дека тој е под германска заштита. - Знаеме точно кој е убиецот и побаравме од германските власти, под чија заштита е тој човек, да ни дадат информации. Имаме слики од аеродромот во Тирана кога слетал, кога влегол во Приштина, во станот, изјави Гашиќ во српското Собрание, наведувајќи дека тоа е резултат на заедничката работа на Обвинителството за организиран криминал, МВР и БИА. Министерот за внатрешни работи додаде дека тоа што убиецот е недостапен за српските власти не значи дека во блиска иднина нема да може да биде кривично гонет во Србија. Лидерот на Граѓанската иницијатива „Слобода, демократија, правда“ Оливер Ивановиќ беше убиен на 16 јануари 2018 година во Косовска Митровица. Тој беше погоден со пет куршуми во градите и им подлегна на повредите во болница.

Спасовски и Гашиќ во Белград потпишаа Меморандум помеѓу Владите на Македонија и Србија, кој ќе го олесни движењето на лица и стоки преку државната граница

Ристе Здравков — Fri, 31 Mar 2023 11:34:51 +0000

Денеска во Белград, Република Србија министерот за внатрешни работи Оливер Спасовски во рамки на официјалната посета на Република Србија, како дел од владината делегација, заедно со својот хомолог, министерот за внатрешни работи на Република Србија, Братислав Гашиќ, потпишаа Меморандум за разбирање помеѓу Владата на Република Северна Македонија и Владата на Република Србија за мерките за подобрување на движењето на лица и стоки преку заедничката државна граница, соопштија од македонската влада. -Меморандумот кој беше потпишан веднаш по пленарната седница на Владите на двете земји, ќе го олесни движењето на лица и стоки преку државната граница, особено преку граничниот премин Табановце-Прешево, и ќе придонесе за намалување на гужвата на граничниот премин за време на туристичката сезона, што е во интерес на граѓаните на двете земји како и на сите кои го користат граничниот премин помеѓу Република Северна Македонија и Република Србија. Министрите Спасовски и Гашиќ за време на билатералната средба го истакнаа значењето на пријателските односи на нашите две земји, кои интензивно ја следат и соработката на македонската и српската полиција, а потпишувањето на Меморандумот претставува ново поглавје во регионалната соработка и поврзувањето на нашите пријателски народи, се вели во владиното соопштение.

братислав гашиќ – Kurir.mk

Српскиот министер за полиција тврди дека знаат кој го убил Оливер Ивановиќ, убиецот бил под германска заштита

Спасовски и Гашиќ во Белград потпишаа Меморандум помеѓу Владите на Македонија и Србија, кој ќе го олесни движењето на лица и стоки преку државната граница