братучетка – Kurir.mk

Австрискиот амбасадор со критики до судии и обвинители за пристрасност во случај со братучетка на Зоран Заев, за долг од 4,5 милиони евра

Тале Кристо — Tue, 27 Jun 2023 18:11:44 +0000

Австрискиот амбасадор Георг Воутсас, преку допис до телевизија Телма упати низа жестоки критики до македонското правосудство и обвинителство, поради неможноста австриска компанија да си го наплати долгот од 4,5 милиони евра во меѓународна арбитража. Станува збор за реномираната компанија АММА Хоенемс која се занимава со трговија на големо и дистрибуција на земјоделски производи, која има побарувања во висина од 4,5 милиони евра од ДЕНА продукт увоз извоз Велес. И покрај тоа што арбитражата е призната во Македонија, на македонските судови им беа потребни неколку месеци за да ја потврдат, период кој Дена продукт го искористила да префрли голем дел од својот имот на друга компанија, Глобал трејд ДММ ДООЕЛ. Во дописот, автсрискиот амбасадор наведува дека Глобал трејд е фирма во сопственост на Емилија Заева Костова. Таа е сопруга на сопственикот на ДЕНА продукт, но е и братучетка на поранешниот премиер и лидер на СДСМ Зоран Заев, наведува амбасадорот Георг Вутсас. Според дописот од австриската амбасада, сопружниците сопственици на ДЕНА продукт и Глобал Трејд успеале да избегнат две присилни извршувања врз нивниот имот со манипулирање на податоците во Катастарот. Како капак на се, закажале јавна аукција на две оранжерии на 10-ти јули во Кавадарци, која доколку биде спроведена, АММА нема да може да ги наплати своите побарувања. Во јавниот допис насловен „Повик за владеење на правото“, амбасадорот смета дека потфрлиле и судиите и обвинителите каде австриските инвеститори пријавувале дека не се почитува арбитражата и наплатата на долгот. Не се почитуваат ниту судските одлуки за замрзнување на имотот. Дали ДЕНА и Глобал го заробиле судството и правните службеници? Како последица, Амбасадорот Георг Вутсас во писмо испратено неодамна побара од Судскиот совет и од Советот на јавни обвинители итна смена на сите некомпетентни и пристрасни судии и обвинители во овие случаи. Секаков притисок или влијание се спротивни на независноста на судството и мора да бидат пријавени за понатамошно постапување, се вели во јавниот допис на амбасадорот Георг воутсас. Австриската АММА Хоенемс која работи на големо со дистрибуција на земјоделски производи склучила договор со ДЕНА на зетот на Зоран Заев за повеќе милиони евра. Валандовската фирма требало на големо да набавува корнишони од прва класа за Австријците. Фокус веќе објави дека екслузивниот договор ДЕНА го прекршувала со тоа што производот го продавале на германски конкурент на пазарот. Иако вложиле во технологија и семиња на ДЕНА, кога ја откриле измамата покренале спор пред меѓународен суд во Виена и добиле отштета од 4,5 милиони евра. Тогаш почнале македонските судски игри. Но, австрискиот амбасадор Вутсас не се откажува и најави дека ќе се појави на лицитацијата на 10-ти јули во Кавадарци и го повикува и државниот обвинител Јовевски и граѓаните да дојдат таму и заеднички да се борат против корупцијата.

Сите очи беа вперени кон внуката на Цеца на вчерашниот роденден на Анастасија – висока е 180 сантиметри и е вистинска копија на братучетка и (ФОТО)

Дарко Андоновски — Thu, 26 May 2022 10:18:38 +0000

Ќерката на Лидија Очоколиќ, Хелена вчера ги воодушеви сите на роденденот на нејзината братучетка, Анастасија Ражнатовиќ. Внуката на Цеца се појави со мајката Лидија, а многумина не можеа да поверуваат колку порасна таа и колку се променила за кратко време. Хелена заблескала во краток фустан носејќи и високи потпетици, па на сите им стана јасно дека изгледа како манекенка бидејќи е висока 180 сантиметри. Долгите нозе и беспрекорниот изглед на неа очигледно за момент го привлече целото внимание на медиумите пред влезот на луксузниот ресторан. На фотографијата се гледа како Хелена многу личи на својата мајка, а се чини и дека убавината им е во гените. Foto: © ATA Images

ГОЛЕМА ТАГА ВО ДОМОТ НА ПЕЈАЧКИТЕ – Едита и Инди Арадановиќ загубија близок член од семејството (ФОТО)

Магдалена Андонова — Tue, 04 May 2021 12:24:14 +0000

Денес е тажен ден во домот на пејачките Едита и Индира Арадиновиќ. Двете денес се соочија со голема загуба, бидејќи нивната братучетка почина. Инди ја сподели тажната вест на Инстаграм профилот, збогувајќи се со својата братучетка со емотивни пораки и фотографии направени во среќни моменти. „Патувајте со ангелите, наша најмила“, напиша Инди со емотикон на скршено срце, бел гулаб и раце кои молат. По неколку часа пејачката повторно се огласи на оваа социјална мрежа. - Спиј мирно, моја прекрасна насмевко. Жал ми е што не ти се јавив кога ми се јави со мислите пред некој ден - напиша Инди на фотографијата каде е со сестра си и ќерка си.

ТАГА ВО ДОМОТ НА МИЛИЦА – коронавирусот одзеде близок член на семејството на пејачката: „Нека те чуваат ангелите“(ФОТО)

Магдалена Андонова — Sun, 11 Apr 2021 17:32:14 +0000

Пејачката Милица Тодоровиќ на својот Инстаграм профил ја сподели тажната вест, а тоа е дека изгубила некој близок. Како што напиша таа на социјалните мрежи, нејзината братучетка починала. -Братучетке моја најубава... каква тага ... нека ангелите те чуваат! Почивај во мир - напиша Милица на објавената фотографија од својата братучетка. Имено, нејзината братучетка ја загубила битката со злобниот коронавирус, вели извор близок на пејачката, објави Блиц.