бразилски претседател – Kurir.mk

Болсонаро негативен на четвртото тестирање за Ковид-19 овој месец

Дарко Андоновски — Sat, 25 Jul 2020 14:59:40 +0000

Бразилскиот претседател Жаир Болсонаро денеска изјави дека повторно бил тестиран за коронавирус и дека тестот покажал негативен резултат, пренесуваат американските медиуми Последниов тест на Болсонаро му е четврти овој месец, од 7 јули, кога соопшти дека е инфициран. Бразилскиот претседател веста ја објави на Фејсбук, без да наведе кога е извршен тестот. Последниот тест му беше во средата, кога резултатот повторно, по трет пат, му беше позитивен. Болсонаро, исто така, објави фотографија со кутија хидроксихлорокин, лек против маларија што не се покажа дека многу помага во лекувањето од Ковид-19.

Првите луѓе на СЗО му посакаа брзо закрепнување на Болсонаро и му порачаа „сите сме ранливи на вирусот“

Тале Кристо — Tue, 07 Jul 2020 19:02:34 +0000

Извршниот директор на Светската здравствена организација Мајк Рајан му посака брзо закрепнување на бразилскиот претседател Жаир Болсонарo, кој денеска соопшти дека е позитивен за коронаваирусот, и истакнаа дека неговата инфекција треба да послужи како пример за другите. -Му посакуваме брзо и целосно закрепнување од оваа болест. Мислам дека пораката е за сите нас: сите сме ранливи на вирусот, рече Рајан. Слична изјава даде и регионалниот директор на СЗО, Кариса Етиен, во разговор со директорите на Пан-американската здравствена организација, пренесува Би-Би-Си. -Пораката е дека вирусот е непредвидлив и не ја познава расата, класата или луѓето што се на власт, и покрај мерките за безбедност околу претседателот, рече таа. (МИА)

Болсонаро ја критикуваше тиранијата на тотална изолација

Дарко Андоновски — Sun, 17 May 2020 07:17:49 +0000

Бразилскиот претседател Жаир Болсонаро повторно ги критикуваше рестриктивните мерки во момент кога во земјата се регистрирани повеќе од 15.000 смртни случаи и речиси 223.000 заразени лица со Ковид-19. „Невработеноста, гладот и сиромаштијата ќе бидат иднината на оние кои се залагаат за тиранијата за целосна изолација“, напиша Болсонаро на својот профил на Твитер. Лидерите на бразилската екстремна десница и бразилскиот претседател неколку пати веќе ги критикуваа мерките за изолација и јасно ставија до знаење дека се залагаат за враќање кон нормалноста. Медиумите пишуваат дека тоа е водено од економски интереси, а не од благосостојба на граѓаните на земјата и дека во Бразил, која е меѓу десетте држави најпогодени од пандемијата, бројот на пациенти е веројатно многу поголем од официјалниот, затоа што не се спроведуваат доволен број тестирања.

Советник на бразилскиот претседател позитивен на коронавирус

Дарко Андоновски — Wed, 18 Mar 2020 14:09:28 +0000

Советникот на претседателот на Бразил за национална безбедност, Аугусто Хелено напиша денеска на својот налог на Твитер дека е позитивен на коронавирусот, иако немал никакви симптоми. Седумдесет и две годишниот Хелено, генерал во пензија и еден од најблиските соработници на бразилскиот претседател Жаир Болсонаро, истакна дека се наоѓа во карантин во својот дом додека го чека вториот тест за потврда дека е заразен.

Се огласи претседател за кого медиумите објавија дека е заболен од коронавирусот- има нешто да му порача на светот!

Дарко Андоновски — Fri, 13 Mar 2020 17:56:00 +0000

Бразилскиот претседател Жаир Болсонаро напиша денеска на својот Фејсбук профил дека не е носител на коронавирусот. – Воената болница покажа негативен резултат за Ковид-19 кај претседателот на Републиката, Жаир Болсонаро, објави тој на Фејсбук. Болсонаро направи тестирање откако минатата недела беше на посета во САД и се сретна со американскиот претседател Доналд Трамп. Шефот на бразилската држава на патувањето беше придружуван од делегација, чиј еден член вчера беше позитивен на тестирањето за новиот коронавирус.