брчки – Kurir.mk

ПРИРОДЕН БОТОКС: Затегнете го лицето со само една состојка и заборавете на брчките

Магдалена Андонова — Thu, 06 Oct 2022 14:29:12 +0000

Незамисливо е колку пари годишно жените (а и мажите) трошат на разни креми и лосиони кои ветуваат затегната кожа и младешки изглед. Меѓутоа, во повеќето случаи тоа се само пропагандни пораки, без конкретни научни докази кои би ја гарантирале ефикасноста на производот. Бројни студии покажаа дека употребата на пептидни биорегулатори може да доведе до вистинска револуција на ова поле. Професорот Хвејнсон, претседател на Меѓународното здружение за геронтологија и геријатрија и раководител на Институтот за биорегулација и геронтологија во Санкт Петербург, посвети години од својата работа на ова прашање. Со оваа тема се занимава уште од 1980-тите кога советските војници поради изложеност на радијација покажаа знаци на предвремено стареење и кога требаше да се најде начин да се забави процесот на стареење. По бројни студии, научниците открија дека улогата на пептидите во контролирањето на процесот на стареење е многу значајна, бидејќи тие делуваат на брчките одвнатре. Пептидот на пазарот е во форма на додатоци во исхраната, а бидејќи секој орган користи одредени пептиди, таквите додатоци можат да бидат наменети за крвните садови, црниот дроб, мозокот, панкреасот, очите, бубрезите итн. Тоа значи дека пептидите се корисни не само за здравјето и добриот изглед на кожата, туку и за целото човечко тело. Пептидите може да се најдат во леќата, гравот, костенот, гоџи бобинките и повеќето намирници кои содржат протеини.

Сите знаете дека лукот е здрав, но сигурно не сте знаеле дека и за ОВА може да ви помогне

Ивана Ефремовски — Fri, 27 May 2022 19:01:16 +0000

Верувале или не, лукот го потпомага создавањето колаген, кој е важен за убава, здрава и затегната кожа. Колагенот го забавувања создавањето брчки на лицето. Затоа не ги фрлајте перцата од младо лукче, туку конзумирајте ги. Тие ги поттикнуваат антивоспалителните дејства во организмот. Перцата се богати со антиоксиданти кои ги штитат клетките од оштетувањата пто ги предизвикуваат слободните радикали. Освен тоа, младиот лук го држи во нормала притисокот и го намалува ризикот од тромбови Содржат витамин А, важен за производство на протеинот во очите заслужен за добар вид. Кај луѓето кај кои има недостиг од овој витамин се јавува ноќно слепило. Витаминот Ц во младиот лук е добар за заштита на коските Само едно лукче содржи 20 проценти од препорачаната дозна витамин К и околу 2 отсто витамин Ц. И едниот и другиот се многу важни за коските.

Лесна за правење, а многу помага: Маска за лице против брчки

Ивана Ефремовски — Tue, 08 Mar 2022 12:03:14 +0000

Уште во првиот период кога на вашето лице ќе забележите појава на брчки мора да преземете нешто за да го спречите нивното создавање. Ви предлагаме да направите маска за лице од жолчка од јајце. За подготовка на оваа маска потребни ви се: една жолчка, половина лажичка путер, една лажичка чај од камилица, една лажица мед и една лажица глицерин. Сите состојки измешајте ги заедно и нанесете тенок слој на вашето лице. По 15 минути измијте го лицето со топла вода. Глицеринот ја прави кожата нежна, додека камилицата и жолчката ги измазнуваат брчките и ја освежуваат кожата.

Не ви требаат скапи третмани, оваа храна ќе ви помогне против брчките

Ивана Ефремовски — Thu, 17 Feb 2022 17:17:12 +0000

Еден од најголемите стравови на многу жени се брчките. Во обидите да се борат со времето, жените користат најразлични козметички продукти и се подложуваат на најразлични козметички процедури. Но, „моќно оружје“ може да биде и храната. Еве која храна ќе ви помогне да изгледате помладо: Риба и омега-3 масни киселини. Лососот, скушата и другите мрсни риби се богати со омега-3 масни киселини кои прават чуда за вашата кожа. Истражувањата покажале дека редовната консумација на омега-3 масни киселини го намалува ризикот од стареење на кожата со 25%. Уште и оревите, маслото од канола и лененото семе се одличен извор на омега-3 масни киселини. Маслиново масло. Маслиновото масло е богат извор на олеинска киселина. Таа е една од масните киселини кои ја прават кожата еластична. Маслиновото масло содржи и други есенцијални масни киселини коишто се борат против воспаленијата во телото, а витаминот Е и полифенолите кои се наоѓаат во него ја заштитуваат кожата од штетното дејство на слободните радикали. Многу јаткасти плодови содржат омега-3 масни киселини. Најчесто овие масни киселини се наоѓаат во рибата, но јаткастите плодови се најдобар нивен растителен извор. Освен тоа, јаткастите плодови содржат и витамин Е, а докажано го намалуваат и нивото на „лош“ холестерол.

Имате над 30 години и се плашите од брчки? Овие 3 намирници ќе ви помогнат!

Ивана Ефремовски — Wed, 02 Feb 2022 09:02:14 +0000

Ако сакате барем на кратко да го стопирате стареењето и да спречите настанување на предвремени брчки, зајакнете ја исхраната со овие намирници. Печурки Состојката која ја содржат печурките – ерготионеин – спаѓа во категоријата антиоксиданти. Ефикасно ги елиминира токсините од телото, па затоа консумирањето печурки во големи количини ќе го одложи појавувањето на брчките за неколку години. Соја За време на триесеттите години од животот кожата почнува да ја губи еластичноста и волуменот, поради падот на нивото на естроген. Истражувањата покажуваат дека редовното консумирање на производи од соја кои содржат природен естроген спречуваат опуштање на кожата и настанување на брчки. Пробиотици Земајте ги во форма на диетски додатоци или преку храна во која се наоѓаат како додаток, како што е јогурт, сирење и некои пијалоци. Пробиотиците се особено важни за жените по породувањето.

Направете си ја оваа хранлива маска и збогувајте се со брчките околу очите

Ивана Ефремовски — Thu, 02 Dec 2021 12:50:50 +0000

Маслиновото масло стекна популарност меѓу жените кои водат грижа за кожата на своето лице. Најдобро и наједноставно средство против брчките околу очите се облогите од маслиново масло. Доволно е само да натопите две памукчиња во маслиново масло и да ги ставите на пределот околу очите десетина минути. По отстранувањето, можете да направите блага масажа со врвовите на прстите. Ако во 50 милилитри маслиново масло додадете 4-5 капсули витамин Е, ќе добиете одлична хранлива маска против брчки околу очите. Оваа маска можете да ја нанесувате навечер, да ја држите 5-10 минути. Не мора да ја миете со вода, доволно е само вишокот да го отстраните со марамче.

Потребни ви се две состојки: Со оваа маска ќе ги избришете брчките од лицето

Дарко Андоновски — Tue, 02 Nov 2021 15:06:52 +0000

Лимонот е одличен сојузник кога женската убавина е во прашање. Состојките од маската кои ќе ги прочитате во продолжение се одлична комбинација во борбата против ситните брчки и разните дамки на лицето. Потребно е: -лимонов сок -две лажички сода бикарбона (содата е одлична за пилинг. Експертите советуваат дека содата е добра и за пилинг за рацете). Подготовка: Промешајте лажичка лимонов сок со две лажички сода бикарбона. Мешајте додека не добиете бледо жолта паста. Намачкајте го лицето и вратот. Нанесената маска држете ја 15 минути. Користете топла, влажна крпа и избршете ја маската од лицето. Со студена вода, затворете ги порите и потхранете ја кожата со крема. Доколку имате проблем со проширени пори во маската наместо сода ставете изматена белка од јајце. Ефектот ќе биде неверојатен.

ГИ ЗАБАВУВААТ БРЧКИТЕ И СТАРЕЕЊЕТО НА КОЖАТА: После 40-тите секоја жена треба да ги внесе овие намирници во својата исхрана!

Ристе Здравков — Thu, 07 Oct 2021 07:04:38 +0000

Со возраста, кожата се влошува и ја губи еластичноста, а по 40-годишна возраст, овој процес дополнително се забрзува. Добрата вест е дека стареењето на кожата може да се забави на сосема природен начин со внесување на одредена храна. Заборавете на скапите третмани и одењето кај естетски хирурзи, за вашето лице да биде сјајно, ќе биде доволно да го зголемите внесот на следната храна. Тие се богати со хранливи материи, витамини и минерали кои му се потребни на телото. Покрај тоа што ќе изгледате убаво, ќе забележите дека се чувствувате подобро и имате повеќе енергија. Брокула Оваа многу здрава храна е една од најбогатите намирници во светот, барем кога станува збор за хранливи материи. Брокулата содржи протеини, калциум, кој е клучен за градење коски, влакна, витамини А, Ц и К, фитоестрогени и соединенија кои ги поправаат оштетувањата на мускулните ткива и органи предизвикани од стареење. Витаминот А е клучен кога станува збор за одржување на младешкиот изглед. Лосос Лососот е еден од најбогатите извори на омега-3 масни киселини, кои помагаат во намалување на холестеролот, но и го намалуваат ризикот од срцев удар, но и ја зачувуваат еластичноста на кожата. Ако јадете лосос еднаш неделно, нема да ви треба крем за подмладување. Исто така е важно поради простагландините, кои спречуваат воспаление и сушење на кожата. Бадеми Докажано е дека бадемите, оревите и ф’стаците се богати со еден вид антиоксиданс за кој се верува дека игра клучна улога во борбата против слободните радикали кои ја оштетуваат кожата. Компир Содржи огромна количина на витамин А (кој е многу погоден за вашата кожа и очи), моќни антиоксиданси и калиум, што помага да се уништат штетните ефекти на натриумот врз крвниот притисок и коските. Со други зборови, компирот е вистинска хранлива бомба.

Не ги игнорирајте брчките на челото, можеби се предзнак за сериозни проблеми

Ивана Ефремовски — Mon, 06 Sep 2021 09:25:08 +0000

Истражување спроведено од научници од Универзитетскиот медицински центар во Тулуз, Франција, укажува дека видливите брчки на горните делови од лицето може да бидат предупредување за можни проблеми со срцето и крвните садови. -Не можете да ги видите или почувствувате факторите на опасност, како што се висок холестерол во крвта или високиот крвен притисок. Ги проучувавме брчките на челото, бидејќи се прилично едноставни и доста забележливи, вели авторката на трудот, Јоланда Ескирол. Докторката посочи дека збрчканото чело може да има врска со намалувањето на еластичноста на артериите поради наслагите во нив. Бидејќи крвните садови на челото се мали, тие се почувствителни на собирање, што значи дека тоа може да биде ран знак за предвремено стареење. Испитувањата траеле 20 години, и опфатиле 3.200 здрави возрасни лица од 32, 42, 52 и 62 години кога почнало следењето. Притоа, секој учесник е оценет во зависност од длабочината на брчките на челото. Оценките се движеле од нула до три поена. Оние кои добиле еден поен имале поголем ризик да починат од срцеви болести отколку оние кои добиле нула поени, а оние со два или три поени имале 10 пати поголема можност за таков несакан исход. Д-р Есквирол додава дека промената на животните навики е во исхраната, диетата и физичките активности. А, бидејќи ова е првпат болестите на срцето и крвните садови да се поврзат со брчките, потребни се дополнителни истражувања. (МИА)

Одлична вест за секоја жена: Чоколадото ги брише брчките

Ивана Ефремовски — Tue, 16 Jun 2020 08:47:39 +0000

Нутриционистите ни ја даваат причината зошто треба секојдневно да уживаме во ова слатко задоволство. Еве зошто чоколадата треба да ја имаме во секој момент во нашиот дом: чоколадата го спречува стареењето на кожата! Чоколадата содржи голема количина на тамин, состојка која е важна за да се спречи штетното влијание на UV зраците. Чоколадата е богата и со антиоксиданси, кои се важни за здравјето на кожата. Тие се моќни борци против рак на кожата. Кога се одрекувате од уживањето во совршениот вкус на чоколадата, тогаш го доведувате организмот во опасност затоа што отпорноста од штетните сончеви зраци е сведена на нула.