Бред Биндер – Kurir.mk

Бред Биндер го собори рекордот на Лоренцо во Мотеги

Бошко Тасиќ — Sat, 30 Sep 2023 04:16:39 +0000

Возачот на КТМ, Бред Биндер беше најбрз на вториот тренинг пред трката за Големата награда на Јапонија во Мото ГП. Јужноафриканецот постави време 1:43:489. Второто место му припадна на Франческо Бања со Дукати, а трет беше возачот на Априлија, Алеиѓ Еспаргаро. Биндер со помош на нова шасија, Биндер го собори рекордот на патеката стар осум години. Претходно Хорхе Лоренцо беше најбрз во еден круг на патеката Мотеги. Бањаја заостана 0,029 секунди зад Биндер. Еспаргаро ја заврши сесијата со време од 1:43:784 минути, додека Хорхе Мартин на четвртата позиција имаше заостанување од 0,325 секунди зад лидерот. Топ 10 го комплетираа Марко Бецеки, Фабио Ди Џанантонио, Жоан Зарко, Маверик Вињалес, Пол Еспаргаро и Џек Милер.

Бред Биндер победи на спринтот во Херез

Бошко Тасиќ — Sun, 30 Apr 2023 05:14:44 +0000

Возачот на КТМ Рејсинг, Бред Биндер, триумфираше на четвртата спринтерска трка од сезоната во Мото ГП шампионатот, која се возеше за Големата награда на Шпанија. Јужноафриканецот ја извојува втората победа во спринтот сезонава во Херез, откако претходно беше најдобар во Аргентина. Овој пат, Бајндер славеше со четири десетинки предност пред Франческо Бања на Дукати, додека Џек Милер, тимскиот колега на јужноафриканскиот мотоциклист, се најде на третото скалило на подиумот. Битката за победата во Херез беше решена во самиот финиш, во дуелот на двајцата возачи на австрискиот тим, бидејќи Милер беше тој што водеше во поголемиот дел од трката. Таа имаше два старта, бидејќи веќе во вториот свиок по првиот старт беше забележан голем инцидент во кој Франко Морбидели изгуби контрола и го исфрли Алекс Маркез, а надвор од патеката завршија и Марко Бецеки и Аугусто Фернандеш

Бред Биндер го доби спринтот во Аргентина

Бошко Тасиќ — Sat, 01 Apr 2023 20:35:39 +0000

Бред Биндер, возачот на КТМ, победи на спринт трката во пресрет на Големата награда на Аргентина. Јужноафриканецот до победата дојде пред возачите на тимот на Валентино Роси, ВР46, Марко Бецеки и Лука Марини. Победата на Биндер претставува огромен успех бидејќи спринтот го започна од 15. позиција. Биндер во целта имаше подобар резултат од Бецеки за само 72 илјадити делови од секундата. Франко Морбидели со својата Јамаха, водеше еден круг, на крајот го освои четвртото место, пред Алекс Маркез кој ја имаше пол-позицијата и актуелниот светски првак и победникот на спринтот и првата трка во Портимао, Пеко Бањаја. Бодови во спринтот освоија уште Маверик Вињалес (Априлија), Хорхе Мартин (Прамак Дукати) и Фабио Квартараро (Јамаха). Утре од 19 часот ќе се вози трката за Големата награда на Аргентина.

Бред Биндер победник на денешната трка во МОТО ГП шампионатот

Бошко Тасиќ — Sun, 15 Aug 2021 13:59:17 +0000

Бред Биндер од тимот на КТМ победи на драматичната Мото ГП трка во Австрија, снаоѓајќи се најдобро во финишот и стигна до втората победа во својата кариера. Марк Маркез, Франческо Бањаја и Фабио Квартараро беше водечката тројка која се бореше за првото место на десетина круга до крајот, но силниот дожд направи хаос во поредокот. Водечката тројка се реши да влезе во боксот на два круга до крајот, додека Биндер реши да ризикува, а со предноста која ја направи, успеа некако да стигне до целта на првото место. Маркез падна откако се врати на патеката, па на крајот го освои само 15. место.Победничкиот пиедестал го комплетираа Бањаја, кој успеа да напредува во завршните два круга и Хорхе Мартин на Прамак. До десеттото место се најдоа Мир, Марини, Лекуна, Квартаро, Роси, А. Маркез и А.Еспаргаро. Со ваквиот епилог, Квартаро ја зголеми предноста во генералниот пласман во Мото ГП.