бредли купер – Kurir.mk

ФОТО: Бредли Купер во врска со поранешната девојка на Ди Каприо, манекенката и актерот фатени заедно

Ивона Петрова — Sun, 08 Oct 2023 20:54:34 +0000

Познатиот актер Бредли Купер и популарната манекенка Џиџи Хадид постојано се под будното око на светската јавност. Имено, изминатиов период актерот и манекенката беа видени заедно неколку пати, па нивниот однос почна да ја интригира јавноста. Бредли Купер и Џиџи Хадид се појавија во четвртокот на специјална вечера во Њујорк, каде не останаа незабележани. Папараците ги фотографирале манекенката и актерот додела излегувале од ресторанот. Љубовниот живот на контроверзната манекенка Џиџи почна да ги интересира светските медиуми од моментот кога пред неколку месеци ја прекина врската со актерот Леонардо ди Каприо, а сега изгледа дека си најде нова љубов. Од друга страна, Бредли Купер бил во емотивна врска со познатата Ирина Шаек.

Новиот филм на Бредли Купер доби седумминутен аплауз

Ивона Петрова — Tue, 05 Sep 2023 09:30:51 +0000

Долгоочекуваниот филм „Маестро“ на Бредли Купер, во којшто тој глуми, го напиша и го режира, беше премиерно прикажан на Фестивалот во Венеција. Биографската драма за животот на познатиот композитор Леонард Бернштајн доби седумминутни овации на светската премиера во театарот „Сала гранде“. Купер, кој го глуми Бернштајн и Кери Малиган во улогата на неговата сопруга Фелисија, не присуствуваа на настанот поради штрајкот на филмаџиите во САД. Но, се појавија трите деца на композиторот - Џејми, Александар и Нина Марија Фелисија Бернштајн. По проекцијата, тие со солзи во очите ги поздравија гледачите, и „диригирајќи“, се забавуваа. Се чини, критиката предвидува „Маестро“ да биде еден од главните кандидати за „Оскар“ оваа година, според познавачите. Приказната е за врската на Бернштајн со Фелисија - од додворувањето до бракот којшто, според трејлерот, „болно се свиткува под тежината на неговите хомосексуални врски“. Купер го напиша сценариото со Џош Сингер, а филмот го продуцираа Мартин Скорсезе и Стивен Спилберг. Ова е втор филм во режија на Бредли Купер. Првиот беше прилично успешниот „Ѕвездата е родена“.

Бредли Купер за зависноста: Минував низ тежок период, пиев премногу и се дрогирав

Ивона Петрова — Tue, 22 Aug 2023 19:56:55 +0000

Холивудскиот актер Бредли Купер зборуваше за проблемите со зависноста со кои се борел на почетокот на кариерата. Тој гостуваше во новата епизода на „Running Wild With Bear Grylls“ каде со познатиот авантурист разговараше за животните предизвици и здравствените проблеми. Актерот меѓу другото изјави и како славата и целиот свет на забавната индустрија влијаеле врз него во текот на неговата децениска кариера. Купер му рекол на водителот Бер Грилс дека не е „изгубен во славата“, што го поттикна Грилс (49) да праша: „Но, дефинитивно имавте диви години? -Што се однесува до алкохолот и дрогата, да. Но нема врска со славата, одговори Купер, додавајќи: „Имав среќа. Се отрезнив на 29 години, а трезен сум 19 години, многу сум среќен."

Најдобрите бивши на светот: Ирина, Бредли и ќерката Леа уживаат во божиќните празници заедно

Ристе Здравков — Mon, 05 Dec 2022 13:43:04 +0000

Бредли Купер и Ирина Шајк повторно ги воодушевија сите. Поранешните сопружници заедно со нивната ќерка Леа прошетаа низ центарот на Њујорк за да го посетат познатото дрво пред Рокфелер центарот. Актерот и супермоделот лежерно облечени во зимски парчиња не ја криеја среќата на лицата што уживаат во празничната атмосфера со својата сакана. Имено, парот ја однел својата 5-годишна ќерка да ја види луксузната елка пред Рокфелер центарот, која годинава е украсена со 50 илјади светилки и три милиони кристали Сваровски. Од 1933 година до денес, светлата традиционално се палат секоја година во првата среда по Денот на благодарноста, а така беше и оваа недела. Купер и Шајк одлучија заедно да го погледнат дрвото на крајот на неделата, откако Ирина се врати од кратко патување. На повторното соединување со ќерката и бившиот партнер, Шајк блескаше, а сите тројца уживаа во раскошната елка. Поранешните партнери поминуваат се повеќе време заедно, а освен што се грижат за ќерката, без двоумење разменуваат и галење на улица. Така почнаа гласини дека иако не се врзани со хартија и не се знае дали повторно се во врска, тие работат на проширување на семејството. На крајот на август сите тројца биле на одмор на Бахамите. За Ноќта на вештерките тие заедно со својата ќерка го обиколија соседството, по што Ирина и Бредли беа видени како ги шетаат кучињата, при што нежно се прегрнаа. „Тие се обидуваат да забременат. Сепак, стапувањето во брак веројатно не е во картите во нивниот случај бидејќи Бредли сака да ја одржува врската лежерна“, изјави извор за Page Six. Двојката раскина во 2019 година, но тие одржуваат повеќе од добри односи. Ирина со цело срце сака уште едно дете“, открил извор близок на манекенката.

Ирина Шаек и Бредли Купер размислуваат да се смират, сакаат уште едно дете

Ивона Петрова — Sun, 04 Sep 2022 11:48:27 +0000

Откако Ирина Шаек на Инстаграм објави фотографија со Бредли Купер започнаа гласините дека поранешниот пар е повторно заедно. Извор близок на славната манекенка и актерот за Page Six раскажал дека тие размислуваат за тоа повторно да бидат заедно и сакаат уште деца. -Беше тоа вистински семеен одмор. И време за размислување за иднината. Ирина би сакала нејзината ќерка да има брат или сестра. На Бредли му се допаѓа идејата, рекол изворот. Бредли и Ирина врската ја прекинаа во 2019 година. По разделбата изјавија дека направиле се во обид да го сочуваат својот однос, а продолжија заедно да се грижат за сега пет годишната ќерка. Неодамна, тие заедно летуваа на Бахамите, а претходно годинава поранешниот пар се дружепе и на Мет Гала.

Бредли Купер има нова љубов

Ивона Петрова — Thu, 14 Jul 2022 06:15:29 +0000

Еден од можеби најпосакуваните мажи во Холивуд, Бредли Купер има нова девојка, а според американските медиуми, таа е една од највлијателните жени во политичкиот свет… Станува збор за Хума Абедин, најблиската соработничка на Хилари Клинтон и поранешна сопруга на политичарот Ентони Вајнер. Бредли и Хума се запознале, наводно, преку уредничката на списанието „Вог“ – Ана Винтур, нивна заедничка пријателка. Оваа информација ја потврди извор близок до новопечената двојка за „Пејџ сикс“. „Бредли неколку месеци е во врска со Хума, но и двајцата тоа го премолчуваат. Тој раскина со колешката своја Дијана Агрон и веднаш почна да излегува со Хума“, вели неименуваниот извор. Позната како „Црниот лебед на американската политика“, муслиманката во минатото водеше исламска организација којашто важела за „засолниште за радикални проповедници“.

БРЕДЛИ НЕ ЈА ОСТАВИЛ ПОРАДИ МАЈКА Ѝ: Позната манекенка по 10 години ја откри причината за раскинувањето?

Ристе Здравков — Thu, 12 May 2022 13:18:20 +0000

Актерката Суки Вотерхаус неодамна заплови во музичките води, а една од нејзините песни е особено интересна за јавноста. Вотерхаус (30), која веќе неколку години е во врска со актерот Роберт Патинсон (35), се впушти во пејачките води во кои одлично се снајде. Но, една од нејзините песни е особено интересна за јавноста. Имено, се шпекулира дека хитот „Melrose Meltdown“ е посветен на нејзиното поранешно момче, холивудскиот заводник Бредли Купер (47). „Те гледам како работиш во собата. Ќе плачам на твоите млечно бели чаршафи, надевајќи се дека еден ден ќе се венчаме во куќата што ќе ја изградиш околу мене“, се стиховите што ги тераат фановите да се сомневаат дека Суки конечно решила да проговори за раскинувањето со познатиот актер. А таа дополнително го запали огнот со изјава за Daily Star во која иако не го спомна актерот, навести дека фановите се во право. „Бев среде раскинување, среде доделуање на Оскарите, бегав од осигурување покриено со дијаманти. Колку забавно! Но, јас се навраќам на себе на 22-годишна возраст и си мислам: „Што правеше“, рече таа во едно интервју, и така ги увери обожавателите дека пее за раскинувањето. Суки и Бредли беа во врска од 2013 до 2015 година, кога таа имаше 23, а тој 40. Тогаш се шпекулираше дека за нив одлучувала разликата во години, односно желбата на Бредли да основа семејство, што Суки сѐ уште не била подготвена.

На убавото лице “испеглани“ и отечени образи: Што се случува со изгледот на Бредли Купер? (ФОТО)

Ивана Ефремовски — Fri, 04 Mar 2022 08:10:05 +0000

Бредли Купер на доделувањето на SAG се појави со испеглано и отечено лице, што ги поттикна шпекулациите дека чести става ботокс, за со текот на годините да изгледа подобро. Се чини дека не е само ботоксот задолжен за неговиот изглед, тој очигледно подлегна на загрижувачкиот тренд кој е чест во Холивуд во последно време, а се работи за интервенции за подмладување. Купер од почетокот на кариерата заслужено го држи епитетот на “згоден заводник“, а често се коментира дека тој изгледа подобро со текот на годините.

Бредли Купер бил нападнат со нож во метро

Ивана Ефремовски — Tue, 30 Nov 2021 12:05:33 +0000

Американскиот глумец Бредли Купер, при гостувањето во интернет-емисијата „Дакс Шепард“, проговори за тоа како бил нападнат со нож во метро во Њујорк. -Ножот беше вперен кон мене! Беше прилично лудо. Тогаш сфатив дека сум премногу опуштен во градот. И мојот телохранител беше опуштен, вели Купер. Тоа се случило во октомври 2019 година кога одел да ја земе својата ќерка Леа де Сејн од училиште. Глумецот почувствувал дека некој му приоѓа на крајот од вагонот на метрото и, иако на почетокот мислел дека непознатата личност сака да се фотографира со него, набрзо сфатил дека средбата не е пријателска. -Се свртев, погледнав надолу и го видов ножот, се сеќава Купер. -Погледнав нагоре, ја гледам личноста пред мене и се изненадив колку тој беше млад!, раскажува тој. Купер имал слушалки, па не го чул човекот што го напаѓа. Му го соборил ножот со лактот и побегнал, а успеал да направи и две фотографии од напаѓачот коишто подоцна ѝ ги покажал на полицијата. -Разговарам со нив, а службеничката постојано ме прашува дали сум прободен?, рече Купер, објаснувајќи дека луѓето кои се прободени со нож, честопати и не го сфаќаат тоа на почетокот бидејќи се во шок. Глумецот не бил повреден и се вратил во метрото по ќерка си. -Тоа беше лудо!, заклучува тој. (МИА)

Нова љубовна двојка во Холивуд – Адел и Бредли Купер се во врска

Магдалена Андонова — Tue, 03 Nov 2020 19:32:30 +0000

Британската пејачка Адел е во врска со холивудскиот актер Бредли Купер, пренесуваат светските медиуми. Наводно нив ги запознала Лејди Гага, пејачката која имаше кратка љубовна авантура со актерот, за која пишуваа медиумите. Откако минатата година се разведе од сопругот Симон Конецки, 33-годишната Адел сега повторно најде среќа во љубовта. Magazin New Idea пишува дека Бредли не останал рамнодушен на нејзиниот нов изглед. Во изминатиот период Адел се посвети на вежбањето и здравата исхрана и ослабна преку 40 килограми. Купер е сам веќе една година, откако се разведе од руската манекенка Ирина Шајк.