брегалница – Kurir.mk

Шкендија ја победи Брегалница во Купот на Македонија за пионери

Тале Кристо — Wed, 17 May 2023 15:48:23 +0000

Фудбалерите на Шкендија забележаа победа над Брегалница со 3:2 попладнево на тренинг-центарот „Петар Милошевски" во Скопје во финалето во првата од четирите во младински категории во Купот на Македонија. Во неизвесен натпревар и ефикасен натпревар, пионерите на Шкендија го отворија резултатот преку Албион Муслиу во 4. минута. Штипските плави брзо успеаа да ги консолидираат своите редови по раниот примен гол и само 7. минути подоцна успеаа да израмнат на 1:1 преку Александар Нехтенин. Шкендија преку Хисар Али успеа повторно да поведе во 33. минута, а Едис Бајрами со гол во 43. минута успеа да ја зголеми предноста на 3:1 и со тој резултат да се замине на полувреме. Во продолжението од натпреварот, Брегалница се обидуваше да се врати во игра, создаваше можности, но на крајо успеа да постигне само еден погодок, доволен за намалување на предноста на противникот. Стефан Антониев го постигна вториот погодок на Брегалница и ги постави конечните 3:2.

Над една третина помалку вода во Калиманци

Ивона Петрова — Wed, 22 Mar 2023 13:26:56 +0000

Неповолната хидролошка состојба и слабите врнежи во текот на зимскиот период скоро за еден месец го пролонгираат донесувањето на годишниот план за наводнување од хидросистемот Брегалница. Во споредба со минатата година, за претстојната сезона недостасува над една третина од потребната количина вода, поради што во водостопанската подружница „Брегалница“ од Кочани сè уште се прават пресметки за површините со ориз и други земјоделски култури што би можеле да се наводнуваат со сегашните ресурси. - Сезонава ќе ја почнеме со минус од 35 милиони кубни метри вода. Во моментот во браната Калиманци се акумулирани околу 76 милиони, а во истиот период лани имавме 115 милиони кубни метри вода. Таквата состојба е главна причина поради која утврдувањето на планот за наводнување за оваа година го пролонгираме до крајот на март. Очекуваме со постојниот доток да се обезбедат барем осумдесетина милиони кубни метри. Јасно е дека со таквата количина вода значително ќе се намалат површините што ќе бидат опфатени во планот и за кои ќе имаме обврска да обезбедиме наводнување до крајот на сезоната. Се прават калкулации кои полиња ќе бидат одбиени од каналската мрежа на хидросистемот, истакна Благојчо Богатинов, раководител на водостопанската подружница „Брегалница“. Намалување на површините што ќе се наводнуваат ќе има кај сите земјоделски култури, но најмногу ќе го почувствуваат оризопроизводителите. За разлика од лани, кога се наводнуваа околу 3.500 хектари со ориз, проценките се дека во кочанскиот регион сезонава ќе има над илјада хектари помалку.

Најголем трансфер во историјата на Брегалница, Манев потпиша за Адана

Тале Кристо — Mon, 04 Jul 2022 14:52:19 +0000

Македонскиот фудбалски прволигаш Брегалница од Штип соопшти денеска дека го реализирала најголемиот трансфер во клупската историја, откако македонскиот младински репрезентативец и еден од најдобрите играчи на штипскиот клуб Јован Манев кариерата ќе ја продолжи во турскиот прволигаш Адана. – По неколкудневните интензивни преговори меѓу двата клуба и официјално договорена е преселбата на 21-годишниот Манев во Адана, трансфер на кој Брегалница е исклучително горда како начин и за промоција на сопствениот начин на работа со силна поддршка за младите и талентирани македонски фудбалери, соопшти попладнево штипскиот прволигаш. Новиот клуб на Манев е предводен од клупата од легендарниот поранешен италијански репрезентативец Винченцо Монтела, а редовите на Адана настапува поранешниот фудбалер на Интер, Милан, Манчестер сити и Ливерпул Марио Балотели. – Овој трансфер е силна потврда на сите наши заложби за максимална поддршка на младите и талентирани фудбалери, кои, како што истакнавме и со преземањето на клубот, ќе бидат секогаш максимално промовирани во интерес и на нашите и на нивните кариери, на клубот и на македонскиот фудбал, изјави за клупскиот сајт спортскиот директор н Брегалница, Никола Тонев.

Брегалница реди победи во Анталија, инцидентот на дуелот на Шкупи

Ивона Петрова — Sat, 29 Jan 2022 19:02:32 +0000

Македонските фудбалски прволигаши Брегалница и Шкупи забележаа половичен успех на денешните подготвителни натпревари во Анталија, откако штипскиот состав триумфираше над казахстански Тобол со 3:0, додека есенскиот шампион загуби од руски Факел Воронеж со 1:0. Штипска Брегалница во доминантен стил ја продолжи победничката серија на подготовките во Турција и со три голови во завршниот половина час од дуелот го совлада казахстанскиот шампион. Стрелци во триумфот на Брегалница беа Урош Дамњановиќ во 65 и 78. минута и Милан Ѓокиќ во 84. минута. Есенскиот првак Шкупи загуби на контролниот натпревар против рускиот второлигаш Факел со 1:0, а натпреварот кој од трибините го следеа селекторот на македонскиот национален тим Благоја Милевски и предводникот на селекцијата до 21 година Драган Канатларовски, предвреме заврши поради физичка пресметка меѓу двата табори на теренот во финишот на дуелот.

Затворен патниот правец Балван – Таринци кај мостот на реката Брегалница

Магдалена Андонова — Wed, 15 Dec 2021 09:52:39 +0000

– Мостот на реката Брегалница, кој ги поврзува карбинските села Долни Балван и Таринци е забранет за секаков вид сообраќај. Градоначалникот на Општина Карбинци, Виктор Паунов за МИА вели дека токму во моментов се поставува сообраќјната сигнализација, но и купчиња со песок за да возилата не поминуваат по него. -Забраната за сообраќај е донесена по препорака на проектантот на мостот, како и на надлежните од сообраќајната полиција и од инспекторите за одржување на состојбата со речните корита, односно водостопанство. Се додека не се стабилира тлото, но и нивото на реката, по овој мост нема да се поминува. Откако ќе се стабилизира повторно увид ќе направат сите надлежни институции, вели Паунов. Посочи дека по повторниот увид ќе се знае во каква состојба е мостот. Инаку во неделата едниот столб на мостот беше видливо попуштен по налетот на водата и дрвја. ЈП „Плачковица“ со помош на механизација ги отстрани дрвјата, кои беа попречени на столбовите на мостот. Жителите на Општина Карбинци за да патуваат кон Пробиштип, Кочани, Берово, Пехчево, како и кон граничниот премин кај Делчево ќе мора да го користат регионалниот пат преку селата Аргулица, Борилчево и да излезат на магистралниот пат, кај селото Кучичино.

ФОТО: Голема карпа се урна на пешачката патека покрај Брегалница кај штипско Ново Село, дадена забрана за движење

Магдалена Андонова — Tue, 14 Dec 2021 10:46:27 +0000

Голема карпа се урна на пешачката патека покрај реката Брегалница. Свлечиштето се појавило синоќа околу 22 часот и не е безбедено да се поминува и пешачи на патеката од населбата Ново Село до фитенс зоната. Вршителот на должност директор на ЈП „Стипион“, Игор Ефтимов на прес-конференцијата рече дека одронот е резултат на обилните врнежи од дожд и снег. -Бидејќи има уште надвиснати карпи на пешачката патека, ние како ЈП „Стипион“ ја блокираме патеката, односно е забранета за движење од местото каде се поставени справите, па се до Ново Село. Во првата прилика, кога стручни лица ќе кажат дека местото, каде што е одронот не е опасен за работење, со посебна машина клукач ќе гледаме да ги срушиме карпите, кои се надвиснати со цел патеката да можеме да ја ослобидиме, односно да биде слободна за движење, вели Ефтимов. На местото каде што е одронот се наоѓа и тунелот, кој води до тврдината „Исар“, токму, како што вели Ефтимов, поради овие причини ќе се ангажираат и геолози, кои треба да дадат стручно мислење. Поставени се и црвени ленти, кои пешаците и велосипедистите ги предупредуваaт дека не смеат да се движат на овој дел од клисурата на реката Брегалница, која ги поврзува населбите Ново Село и Осми Ноември. Штипјани патеката ја користат за рекрекреација во сите сезони од годината, бидејќи се поминува по живописна природа низ клисурата на реката Брегалница. (МИА)

Намален водостојот на Брегалница, нема опасност од поплави во штипскиот регион

Ивона Петрова — Mon, 13 Dec 2021 07:59:45 +0000

Во штипскиот регион нема опасност од поплави. Во текот на ноќта е намален водостојот на реката Брегалница. Околу два метра и 30 сантимерти беше водостојот, а во моментов е намален за 40 или водата во реката Брегалница е под два метра. Градоначалникот на Општина Штип, Иван Јорданов за МИА вели дека нема опасност и од поплавување на бунарите, од кои градот се снабдува со вода за пиење. Синоќа екипите на штипските јавни претпријатија ја следеа состојбата со реката Брегалница и дали ќе има потреба од заштита на објекти со вреќи со песок. Водостојот не се зголеми и поради врнежите од снег, кои интензивно паѓаше во текот на ноќта. Јорданов вели дека проблеми со улиците немаат, граѓаните возат по чисти коловози. Рано утринава жители на село Селце побарале помош за отсртанување на снежните наноси и интервенција на патот, од страна на ЈП Македонија пат е излезено на терен.

Пожарот во атарот на штипското село Доброшани се движи кон Брегалница

Тале Кристо — Fri, 06 Aug 2021 13:30:38 +0000

Пожарот во атарот на штипското село Добршани оди во правец кон реката Брегалница. Градоначалникот на Штип, Сашко Николов, за МИА изјави дека благодарение на интервенцијата на пожарникарите огнот ги нема зафатено куќите, кои дел се и стари и напуштени. -Немаме штета на објекти, ниту пак повредени во овој пожар. Во моментов девет пожарникари, заедно со командирот на ТППЕ-Штип, се во атарот на селото Доброшани и таму тие го гасат пожарот, рече Николов. Во атарот на селото Криви Дол пожарот е локализиран, но на терен се триесетина припадници на АРМ, пожарникари од Штип со едно возило. Николов вели дека и на овој дел нема штети, а пожарот во близина на оваа село е локализиран рано утрото. Овој активен пожар почна вчера попладнето од светиниколското село Богословец, каде што изгореа неколку напуштени куќи, земјоделска механизација, во текот на ноќта се префрли од другата страна на ридот и ги зафати атарите на светиниколското село Кадрифаково и на штипските села Криви Дол и Доброшани. Изгорена е сува треба и има зафатено и површини со борова шума. Директорот на Центарот за управување со криз, Стојанче Анггелов на прес-конференција денеска посочи дека пожарот е настанат од искрење на електричен столб.

ТРАГЕДИЈА ВО ДЕЛЧЕВСКО: Жител на село Бигла пронајден удавен во реката Брегалница

Тале Кристо — Wed, 28 Apr 2021 16:43:41 +0000

Машки труп е пронајден во водите на реката Брегалница во близина на делчевското село Драмче. Увид на местото на настанот извршила делчевската полиција од каде информираа дека причина за несреќата е давење. – На 27.04.2021 во 11.30 часот во полициската станица Делчево е пријавено дека во река Брегалница на место викано „Долна Река”, атар на село Драмче, е пронајден удавен Ф.М.(63) од село Бигла, делчевско. Екипа од Итна медицинска помош констатирала смрт, а наша екипа изврши увид на местото на несреќата, информираа од полицијата. По наредба на јавен обвинител како што додадоа, телото било предадено на семејството.

ВМФЛ: Брегалница и Скопје есенски прваци

Тале Кристо — Sat, 12 Dec 2020 17:08:23 +0000

Брегалница со победа во источната, а Скопје со реми во западнатна група ги заверија денеска есенските титули пред зимската пауза во Втората македонската фудбалска лига (ВМФЛ). Штипскиот прволигаш немаше проблеми попалднево на гостувањето кај Слога и триумфираше со 3′1, додека Скопје одигра без голови на гостувањето кај Велешта. Втора лига – Исток (16. коло) Кит Го – Плачковица 5:1 Победа – Тиквеш 0:0 Слога Виница Брегалница 1:3 Росоман – Осогово 0:0 Каменица Саса – Кожуф 3:1 Табела: Брегалница 42, Тиквеш 35, Кожув 25, Кит Го 22, Слога 20, Каменица Саса 20, Осогово 17, Победа 14, Плачковица 11, Росоман 9. Втора лига – Запад (16. коло) Велешта – Скопје 0:0 Кораб – Дрита 2:3 Гостивар – Велазерими 1:0 Охрид – Кадино 2:1 Тетекс – Вардар Форино (недела 13 часот). Табела: Скопје 37, Велешта 30, Охрид 28, Гостивар 27, Кораб 24, Велазерими 22, Кадино 15, Вардар Форино 13 (-1), Дрита 10, Тетекс 10 (-1).