Времено затворен аеродромот во Бремен поради безбедносна закана

Матеја Петровски — Wed, 08 Aug 2018 13:14:20 +0000

Аеродромот во германскиот град Бремен попладнево е времено затворен за сообраќај поради „безбедносна закана“, соопшти локалната полиција. Како што јави ДПА, претставник на полицијата изјави дека засега не може точно да се прецизира заканата, но нагласи дека на аеродромот пристигнале полициски кучиња. Поради затворањето на аеродомот, досега се одложени летовите на два авиони кон Париз и кон Амстердам. Претставник на аеродромот информира дека засега не е откажан ниту еден лет, но осум полетување најверојатно ќе бидат одложни. Вчера поради лажна безбедносна закана неколку часа беше блокиран дел од аеродромот во Франкфурт, поради што беа одложени 60 летови со околу 13.000 патници. (Миа)

Силна експлозија остави само надворешни ѕидови на станбена зграда во Бремен, тројца загинати

Даниел Василев — Thu, 28 Jun 2018 11:16:14 +0000

Три лица загинаа во силна експлозија, која речиси уништи еден блок од станови во германскиот град Бремен, информираат службите за итни случаи. Телата на 41-годишна жена и нејзиниот 7-годишен син биле пронајдени во урнатините. Експлозијата изби во 4:30 по локално време, соопшти полицијата. Во пожарот настрада и седумдесетгодишна жена од соседната зграда. - Експлозијата беше толку моќна што ги уништи внатрешните ѕидови и ги остави само надворешните, изјави портпаролот на противпожарната служба, Михаел Рихартц. Автомобилите околу зградата настрадаа од парчињата кои се расфрлаа од експлозијата. - Мислев дека паднал авион, изјави еден сосед на загинатите жени. Засега не е позната причината за експлозијата, иако властите се сомневаат дека е истекување на гас. Жителите на сите куќи во радиус од 100 метри од експлозијата се евакуирани. Околу 70 пожарникари се активирани. МИА

Бремен – Kurir.mk

Времено затворен аеродромот во Бремен поради безбедносна закана

Силна експлозија остави само надворешни ѕидови на станбена зграда во Бремен, тројца загинати