бремена жена – Kurir.mk

СОБАРКА УКРАЛА КОРИСТЕН КОНДОМ НА МИЛИОНЕР И СИ НАПРАВИЛА БЕБЕ – сега го напуштила хотелот и ужива во богатството!

Дарко Андоновски — Tue, 08 Aug 2023 12:23:42 +0000

Во градот на гревот една 41 годишна жена направила голем грев, свесно и намерно. Светот остана во шок од драмата која немаше да крене толкава прашина зад себе, доколку една собарка во хотел во Лас Вегас не го добие спорот на суд во врска со издржување на детето против 29 годишен милијардер со кој никогаш не ни спиела, ниту имала каков било физички контакт. Џејн пеколниот план го остварила на 36 години кога украла користен кондом од кантата за ѓубре во хотелската соба на тогаш 24 годишниот милион од Америка. Тогаш ја ставила семената течност во својата вагина и затруднела. Родила момче кое сега има пет години, а набрзо откако се родил тој покренала судски спор за алиментација и издржување на детето, „безгрешно“ зачнато со милионерот во градот на коцката. Во текот на судскиот процес, таа признала дека никогаш не спиела со него, но дека се оплодила со неговата сперма додека ја чистела неговата соба. Детално раскажала како го смислила планот, што ја инспирирало на овој чин и како го спровела делото за да си обезбеди лесен и луксузен живот. „Го оставил својот извод од банка до полицата до креветот и го видов додека чистев. Во тоа време толку многу сакав бебе и мислев дали е добро да имам бебе со богат човек“, раскажува на почетокот таа. Тестот кога бил направен се докажало дека младиот милијардер е татко на детето, по што судот му наложил на мајката на детето да исплати два милиони долари за дотогашните три години кои ги пропуштил во животот на детето. Адвокатите пак на таткото велат дека и тој ја возвраќа тужбата против мајката на детето поради крадење на неговите телесни течности и повреда на неговата приватност. Во меѓувреме таа дала отказ како собарка и започнала неколку сопствени бизниси со ново стекнатото богатство и има целосно старателство над детето кое му го дала името по својот татко.

Жена бремена во 9 месец спасена по 40 часа поминати под урнатините во Хатај

Ивона Петрова — Wed, 08 Feb 2023 06:54:24 +0000

Спасувачките екипи од под рушевините во Хатај спасиле жена во деветиот месец од бременоста по 40 часа од разорниот земјотрес кој ги погоди Турција и Сирија. Нехир Илкова останала заробена под урнатините на зградата која се срушила, а таа била спасена од спасувачите кои ги испратила инстанбулската општина Умраније. Во земјотресот, според последните информации, животот го загубија најмалку 7.200 лица.

ЖИВОТ СРЕДЕ УНИШТУВАЊЕ: Бремена жена роди бебе под урнатините (ВИДЕО)

Катерина Бојаџиева — Tue, 07 Feb 2023 09:29:03 +0000

Шокантни сцени пристигнуваат по страшните земјотреси кои ги погодија Турција и Сирија. Под една од урнатините се случила и чудесна ситуација- бремена жена родила бебе под урнатините.

Life amidst Destruction!
A pregnant woman fighting for life under the debris gave birth to a child.#earthquake #Turkey #TurkeyEarthquake #PrayForTurkey #earthquakeinturkey #Turkiye pic.twitter.com/rsG2WTIQox
— Payal Mohindra (@payal_mohindra) February 7, 2023

ПРВА ФОТОГРАФИЈА ВО ДЕВЕТТИОТ МЕСЕЦ ОД БРЕМЕНОСТА – Сораја додека го чека раѓањето на синот ги шокираше сите, не и „доаѓа памет“ на идната мајка!

Дарко Андоновски — Tue, 31 Jan 2023 11:37:21 +0000

Една од првите старлети на овие простори, Сораја Сара Вучелиќ својата популарност ја стекна преку учеството во ријалити шоуата, а вниманието на јавноста успеа да го задржи со својот луксузен живот, патувања, како и дружење со богати и мистериозни мажи. Последната во низа вести кои ја пренесоа за неа српските медиуми беше дека таа иако криела од јавноста со месеци се наоѓа во деветтиот месец од бременоста. Таа според пишувањата на медиумите чека син, но од првиот месец, па се до сега нема објавено фотографија и се нема огласено по тој повод. Она што овие денови ги шокираше сите е нејзината последна објава која ја објави на својот профил. Имено додека во позадина оделе стиховите од песната: „Svake noći sanjam tvoje oči, sve se nadam da ćeš opet doći. Nema dana da ne mislim na tebe, na mene, na uspomene“, таа држеше чашка со алкохолен пијалак. Прославата се одвивала во Загреб, а таа објавила само фотографија од пијачките се со цел да не открие со кого е или пак да не се открие нејзиниот избраник.

ТРАГЕДИЈА: Починаа мајката и бебето од Мариупол чија фотографија го обиколи светот

Ивона Петрова — Mon, 14 Mar 2022 07:58:04 +0000

Бремена жена и нејзиното бебе починаа откако Русија го бомбардираше породилиштето каде што требало да се породи, дознава Асошиетед прес. Сликите на жената како итно однесена во амбулантно возило на носилки го обиколија светот, прикажувајќи го ужасот на нападот врз најневините во човештвото. На видеото и фотографиите снимени во средата од новинарите на АП по нападот на болницата, се гледа како жената го гали крвавиот долен дел на стомакот додека спасувачите брзаат со неа низ урнатините во опколениот град Мариупол, а нејзиното лице го отсликува нејзиниот шок од она што штотуку се случило. Сфаќајќи дека го губи своето бебе, таа на лекарите им рекла: „Убијте ме сега! Хирургот Тимур Марин открил дека жената имала пголеми повреди на карлицата, а колкот и бил изместен. Лекарите ја породиле со царски рез, но бебето „не покажувало знаци на живот“. По губењето на бебето, докторите се фокусирале на спасување на мајката. -Повеќе од 30 минути реанимација на мајката не даде резултати, рече Марин во саботата додавајќи дека двајцата починале. Во хаосот по воздушниот напад во средата, лекарите немаа време да го дознаат името на жената пред нејзиниот сопруг да дојде да ги земе телата.

ВИДЕО: Ја воодушеви публиката со кореографијата, трудница во 35. недела заигра салса

Ивона Петрова — Thu, 14 Oct 2021 08:33:15 +0000

Бременоста кај секоја жена влијае поинаку. Некои со месеци лежат во кревет, додека други се хиперактивни. Оваа трудница заблеска на танцовиот подиум во високи потпетици и фустан соодветен за танцување салса. Таа во 35-тата недела од бременоста заигра со својот партнер совршено одигрувајќи ја кореографијата. Според научниците, танцот е еден од најдобрите начин да останете активни. Ако не сте под посебен лекарски надзор, танцувањето ќе ви помогне за флексибилноста, одржувањето на мускулите и активноста на срцето и белите дробови.

Бремена жена од Авганистан префрлена на ГАК во Скопје

Ивона Петрова — Tue, 31 Aug 2021 05:36:00 +0000

Првата група од 149 граѓани од Авганистан преку Грузија синоќа пристигна на скопскиот аеродром. Првата жена што се симна од авионот е во 39-тата недела од бременоста и со возило на Итна медицинска помош е однесена на Гинеколошката клиника во Скопје. Раководителката на Итната медицинска помош Милица Бубало истакна дека според информациите, меѓу патниците имало уште четири трудници. –Солидарноста која што ја најавувавме веќе неколку дена денеска ја демонстрираме на дело и им овозможуваме топло добредојде на оние што им е најпотребна. Бројката за која што ние имаме дадено согласност досега и за кое што има барање е околу 750 граѓани пред се жени и деца на вработени во овие меѓународни организации, изјави министерот за надворешни работи Бујар Османи. На граѓаните од Авганистан, кои имаат статус на лица со привремен престој им се издава виза за привремен престој од 90 дена, а потоа треба да заминат на друга безбедна дестинација или во САД.

Панова: Кандидатот на СДСМ за Лозово малтретираше бремена жена која го загуби бебето од стрес, ги повикуваме сите општествени чинители да ја осудат одлуката на Заев

Магдалена Андонова — Thu, 15 Jul 2021 10:13:54 +0000

СДСМ се залагаат за родова еднаквост само на хартија, во реалноста е сосема поинаку. Всушност, тоа е партија на женомрзци, луѓе кои малтретираат вработени и вршат мобинг врз жени. Дека тоа е така докажува одлуката на Заев и СДСМ кандидат за градоначалник на Лозово да го предложат монструмот Ацо Велковски, досегашен градоначалник. Овој човек вршеше повеќемесечен мобинг и малтретираше жена која претходно 14 години била вработена во општината но како резултат на бруталната тортура, истата доживеа спонтан абортус на нејзиното 7 месечно бебе, а потоа беше избркана од работа, изјави на денешната прес конференција, Ели Панова, пратеничка од редовите на ВМРО-ДПМНЕ. Таа посочува дека сторијата на Виолета Колева, е тажната реалност која ја живееме со СДСМ, и тажната реалност со која се соочуваат многу жени со оваа власт. - Заев со тоа што го предлага Ацо Велковски како кандидат за градоначалник за Лозово, го одобрува мобингот и малтретирањето кое овој човек монструозно го вршел врз Виолета, но истовремено остава можност овој човек да малтретира и врши мобинг и во иднина. Заев и СДСМ покажаа дека само лажно се залагаат за заштита на правата на жените. Се прашуваме дали Сања Лукаревска како потпретседателка на СДСМ но и сите жени функционерки во СДСМ, би застанале во одбрана на жена од било која партија, и дали би го осудиле овој, ваков или сличен чин на насилство? НИКАДЕ, а најмалку во политиката смее да има место за насилници, и луѓе што малтретираат и вршат мобинг врз жени. Токму затоа ги повикувам: · Клубот на пратенички во Собранието на Република Македонија да реагира и да ја осуди одлуката на Заев и СДСМ за кандидирањето на Ацо Велковски. · Истовремено ги повикувам Хелсиншкиот комитет, Маргини но и други невладини организации кои се занимаваат со заштита на човекови права да го осудат овој чин и да побараат одговорност. · Очекувам реакција и од Народниот правобранител, но и од сите институции кои до сега молчат во однос на овој случај, објасни Панова. Таа тврди дека е време за политика со јавна и силна осуда за секакво насилство врз жена. - Скандалот за ваквото монструозно однесување на Велковски врз жена е доволна причина јавно да искажеме осуда за неговата повторна кандидатура за градоначалник на Лозово! Потребни се промени и ние ќе ги донесеме тие промени, а луѓе како Велковски нема да се повторат. Време е за Македонија за сите луѓе, додаде пратеничката.

Бремена жена се шокирала кога сопругот и предложил име за нивното дете: „Ова е пречудно!”

Магдалена Андонова — Mon, 22 Mar 2021 18:15:14 +0000

Една бремена жена и нејзиниот сопруг наскоро треба да добијат ќерка. Но, за разлика од многу родители за кои изборот на име е предизвик, овој татко точно знае кое име сака да и го даде на девојчето. Неговата сопруга на Фејсбук откри дека тој и неговото семејство ја критикуваат затоа што одбила да ја именуваат својата неродена ќерка по неговата покојна сопруга. Кога нејзиниот сопруг и кажал за планот, таа била во шок. - Мојот сопруг и неговото семејство велат дека претерувам затоа што одбивам да ја именувам нашата ќерка по неговата покојна сопруга. Жалосно е што таа почина, но мислам дека веќе сум доволно разумна затоа што нивните слики од венчавката се наоколу куќата и сопругот го носи нивниот венчален прстен на ѓердан околу вратот. Мислам дека именувањето на нашето дете по неа е премногу. Не сум во право? - ги прашала своите пријатели на Фејсбук, каде повеќе од 1.500 корисници се согласиле со неа. Повеќето беа згрозени од овој себичен предлог, додека други напишаа дека на нејзиниот сопруг му треба стручна помош за да ја преболи смртта на неговата поранешна сопруга.

Наместо спокојно да си го чека третото дете, скопјанка поминува низ голгота: Нејзиното потресно сведоштво МОРА да ги разбуди надлежните!

Ивана Ефремовски — Thu, 10 Dec 2020 17:09:25 +0000

Дали на оваа држава, целта и' е да останат само најздравите луѓе, сите останати пополека да си починат? Каде ни се лековите? Каде ни е рефундацијата на парите кои ги даваме по лекови?! Каде се термините за прегледи вон ковид услови? - овие прашања во очај ги поставува скопјанката Елена. Таа е мајка на две дечиња и бремена со своето трето дете. Но, наместо спокојно да ужива во бременоста, таа поминува низ голгота! Нејзиното сведоштво, КУРИР го пренесува во целост! Апелираме до сите надлежни ИТНО да превземат мерки. Елена заслужува да добие здравствена заштита, нејзините деца заслужуваат ЗДРАВА мајка. Ваквите сведоштва се СРАМ и БЕДА за системот и сите надлежни мора да превземат одговорност! Сведоштвото на Елена прочитајте го во продолжение. Истото е превземено во согласност од неа: Бремена сум со трето дете. -Користам клексан две инјекции на ден (1 чини околу 250 денари), НЕМА НИКАДЕ. Ни под дрво, ни под камен. Користев Фраксипарин до скоро, ама дозволивте да стане од 180 на 268 денари. Пази, зборувам за есенцијален лек без кој јас и моето дете може да завршиме кобно. Од вие си знаете кои причини не одат на рецепт, туку ги плаќаме приватно па молиме како да ни давате нешто ваше после за да ни ги рефундира социјално. Чекаме по месец и кусур, со што да ги купиме наредните?! Ставете ги на позитивна листа, банкротиравме! -Дијабетичар сум, користам инсулин кој касни редовно. Со тој инсулин, ми следува апаратче за мерење шеќер и лентички за истото. НЕМАЛО, ЗДРАВЈЕ ПОСЛЕ НОВА ГОДИНА викаат од инсулинските аптеки. Шеќерот морам да го мерам 7 пати на ден минимум. Едно апаратче е 800 денари, 50 ленти се 550 денари. Сами направете математика колку ме чини еден ден. -Имам хипертензија од 2013-та година, цела, ама ЦЕЛА делотворна терапија ја плаќам приватно. Сега во бременост плаќам Метилдопа по 130 и кусур денари, а пред и после Копренеса од 300 денари затоа што друго не ми делува. Зошто не се на позитивна листа? Едно пакетче Метилдопа има 20 апчиња, јас пијам 6 на ден. Одлична математика имате, секоја чест. И сега почитувани Министер, Советници, Службеници, Директори, Премиери и кои и да сте сите таму во удобните фотељи, кажете ми: каде да купам Клексан, и со што да го платам бидејќи ни претходните не ми се рефундирани? Зошто Фраксипарин од 180 е на 268 денари? Кога ќе добијам лентички за мерење шеќер кои се ЕСЕНЦИЈАЛНИ за да преживеам? Кој ќе ми гарантира дека и нареден месец ќе имам инсулин на време? Ништо посебно не барам, ништо специјално. Само шанса да живеам и преживеам. Човек сум, ќерка, сестра, жена, мајка на две малолетни деца и трето за некој месец. Дајте ми шанса!