бренд – Kurir.mk

Наскоро овој бренд ќе може да се купува со криптовалути

Ристе Здравков — Sat, 14 May 2022 14:21:53 +0000

Луксузниот бренд Гучи објави дека ќе прифаќа плаќања со криптовалути на одредени локации. За пилот-проектот, клиентите ќе можат да плаќаат со криптовалути на локации во Њујорк, Лос Анџелес, Мајами, Атланта и Лас Вегас почнувајќи од крајот на мај. Ова лето, програмата ќе биде проширена на целосната северноамериканска мрежа на Гучи, пренесува CNN. Клиентите наскоро ќе можат да платат за своите купувања со преку 10 криптовалути, вклучувајќи широко признати монети како биткоин, етереум и 5 стабилни монети поврзани со американски долари (GUSD, USDC, USDP, DAI и BUSD). Но, брендот исто така прифаќа плаќање од повеќе други криптовалути, како што се доџкоин и шиба ину. Доџкоинот започна како шега, но се зголеми во вредност откако технолошкиот милијардер Илон Маск рече дека монетата базирана на мемиња може да се користи за купување производи на Тесла. „Гучи е дигитален прв луксузен бренд и ова е следната фаза од патувањето на компанијата Web 3.0“, се вели во соопштението на брендот.Ова не е прв упад на брендот во светот на криптовалутите и дигиталните средства. Во март, Гучи дебитираше со Gucci Vault, дигитална продавница што го претставува „присуството на Гучи во метаверзумот“, која планира да ја користи за продажба на дигитални средства заедно со реалната облека. Брендот исто така објави незаменливи токени (NFT) во соработка со главните играчи во светот на NFT, како Bored Ape Yacht Club и Cool Cats. NFT, или незаменливи токени, се единствени дигитални средства поврзани со блокчејн, систем за водење евиденција што го користат криптовалутите. А некои од бучните парчиња дигитална уметност се продаваат за високи цени. Еден NFT наведен во NFT продавницата на Гучи на OpenSea се продава за 420,69 ETH, што е еквивалентно на над 1 милион долари. Други луксузни брендови, исто така, ги брцнаа прстите во криптовалутите, како Off-White, основана од покојниот Вирџил Аблох. Во март, брендот објави дека ќе прифати плаќања со криптовалути во своите продавници во Лондон, Милано и Париз, според Vogue Business.

ШОК: Викторија Сикрет им кажа „збогум“ на Aнгелите (ФОТО)

Ивона Петрова — Sat, 19 Jun 2021 09:13:55 +0000

Еден од дефинитивно најпопуларните брендови „Викторија Сикрет“ ја менува политиката на компанијата. Наместо топ манекенки кои пленат со својот изглед, на сцената доаѓаат активисти за рамноправност на половите и претприемачи кои нема да бидат избрани според физичкиот изглед.

Victoria's Secret is finally saying goodbye to the Angels. They'll be replaced with a new group of women icons. pic.twitter.com/KjSYxtroZW
— Victoria's Secret (@vsactu) June 16, 2021

Оваа вест шокираше многумина, особено во модниот свет, но и меѓу обожавателоте на овој бренд. Сопствениците на брендот изјавиле дека досегашните правила веќе не се културно прифатливи, и тоа е најголемата причина за соработка со жени активистки и претприемачи ко ќе продолат да го промовираат брендот. Адут Акеч, Пријанка Чопра Џонас, Валентина Сампаио, Палома Елсесер, Меган Рапиное, Елен Гу и Аманда де Каденет се само некои имиња од новите модели на Викторија.

Дизни го згасна брендот „20th Century Fox“

Магдалена Андонова — Wed, 12 Aug 2020 14:22:02 +0000

Твенти сенчури фокс (20th Century Fox), еден од најпознатите брендови во историјата на филмската ТВ индустрија веќе не постои, откако сопственикот, компанијата „Волт Дизни“, објави дека од денеска ќе се вика само „Твенти телевижн“ (20th Television). Овој потег се случи откако Дизни претходно го исфрли името Фокс од сите свои филмови на 20th Century Fox во јануари. Дизни минатата година склучи договор вреден 71 милијарда долари и го купи имотот на Фокс. .- Познатото лого и насловна картичка, на којашто зборовите 20th Television поставени над рефлектор, ќе останат исти освен што зборовите „century’“ и „fox’“ ќе ги нема. Новите имиња и логоа на нашите студиа означуваат нов ден за „ABC Signature“, „20th Television“ и „Touchstone Television“ и во исто време се оддава почит на нивната богата историја и креативна моќ на компанијата „Волт Дизни“, рече претседателот на телевизиските студија Крег Ханегс. Новото лого и графика ќе се појават во новите епизоди на оваа ТВ куќа, кои ќе започнат да се емитуваат наесен. Постарите наслови, кои веќе се емитуваа, ќе го задржат своето поранешно лого и име.

Брендот Реал Мадрид најмногу вреди во фудбалскиот свет

Ристе Здравков — Wed, 29 Jul 2020 13:51:03 +0000

Реал Мадрид е највредниот фудбалски бренд, покажува истражувањето на „Бренд фајнанс“. Меѓу првите десет на листата има шест тима од Англија. Како што се наведува во извештајот, поради пандемијата на коронавирусот, вредноста на клубот паднала за 13,8 отсто. Клубот вреди милијарда и 419 милиони евра. „Кралскиот клуб“ втора година по ред се наоѓа на врвот на листата на „Бренд фајнанс“. На второто место е најголемиот ривал на реал, Барселона. Вредноста на клубот од „Ноу Камп“ изнесува милијарда и 413 милиони евра. Интересно за разлика од Реал, вредноста на Барселона пораснала за 1,4 отсто. Зад шпанските следуваат англиските великани Манчестер јунајтед и Ливерпул, а во Топ 5 се наоѓа уште еден клуб од Премиер лигата, Манчестер сити. Највредните десет фудбалски брендови ги комплетираат Баерн Минхен, ПСЖ, Челси, Тотенхем и Арсенал.

Седум генијалци и нивните познати брендови во кои никој не верувал

Александар Михаилов — Fri, 05 Jan 2018 21:03:35 +0000

Тешко е да се замисли, но повеќето најголеми корпорации кои денес го “поседуваат” светот, настанале во мали гаражи во соседството. Сајтот “Bright Side” дознава какви почетоци имале денешните најуспешни корпорации и кои се луѓето кои се заслужни за тоа. YouTube Чед Харли, Стив Чен и Џавед Карим станале пријатели во 2005-та година додека работеле за “PayPal”. Една вечер, Чед и Стив биле на забава на која Џавед не можел да присуствува, а споделувањето на видео снимка со него било исклучително тешко. Ова бил првиот чекор кон создавање на “YouTube”, кој денес брои милијарда корисници, што е речиси третина од сите корисници на Интернет. Nike Недостатокот на евтини патики во американските продавници довело до тоа Фил Најт да започне да порачува патики од Азија и да ги продава во САД. Во 1965 година, тој ја именувал својата компанија “Nike” (според божицата на победата) и започнал со сопствено производство. Познатиот обликуван ѓон за прв пат бил направен со тостер за вафли. Набрзо потоа, компанијата поседувала 50 отсто од американскиот пазар, а денес “Nike” е број еден во спортската индустрија. IKEA Продавал божиќни честитки, печурки и бобинки, но во својата 17-та година, шведското момче по име Ингвар Компард ја основал “IKEA” (името е составено од неговите иницијали, името на фармата и селото). Тој започнал од идејата да го продава мебелот во делови т.е. во расклопен облик, а подоцна таа идеја му овозможила милион други комбинации. Денес, “IKEA” има над 400 продавници ширум светот. Instagram Кевин Систром ја обожувал фотографијата и може да се каже дека бил опседнат со неа. По третата година на Стенфорд, тој заминал за Фиренца да студира фотографија, а таму добил филмска камера која прави ретро фотографии. Токму ова го инспирирало Систром да создаде сервис кој ќе прави ремек-дела од лошите фотографии. “Instagram” за прв пат се појави на 6-ти октомври 2010 година, а подоцна во 2012 година е купена од страна на “Facebook” за милијарда долари. Lego Оле Кирк Кристијансен, столар од Данска, во 1932 година банкротирал, станал вдовец и останал сам со 4 деца. Со цел да го одржува позитивниот дух, тој започнал да им прави играчки на своите деца, а потоа и да продава некои од нив. Името Лего потекнува од данската фраза “leg godt”, што значи “играј си добро”. Оле подоцна успеал да отвори и продавница, a вистинскиот успех го доживеал во 1954 годинa. Zara Во 1975 година, шпанскиот кројач Амансио Ортега бил на прошетка со својата девојка, кога проаѓајќи покрај еден излог забележал прекрасен пењоар. Меѓутоа, тој бил неверојатно скап, а тоа го натерало Ортега да започне да прави уникатна, но евтина долна облека. Денес, Амансио Ортега е на четвртото место на Форбсовата листа на најбогати луѓе во светот. Kinder Surprise Во 1940 година, Пјетро Фереро почнал да произведува слатки во една мала пекара. Преку своите успешни експерименти, тој многу брзо се прославил низ Италија, a набрзо и низ целиот свет. Инспириран од италијанските велигденски традиции, Пјетро заедно со неговите помошници ги создал “Kinder Surprise” – чоколадни јајца со изненадување. Денес Фереро е водена од неговите синови, а оваа компанија произведува многу популарни производи како Нутела, Фереро Рошер, Рафаело, Тик Так и многу други.