Брендан Фрејзер – Kurir.mk

Брендан Фрејзер ја доби статуетката за најдобра машка главна улога

Ивона Петрова — Mon, 13 Mar 2023 07:16:39 +0000

Брендан Фрејзер е прогласен најдобар актер на 95-тото доделување на Оскарите. -Благодарен сум на Дарен Аронофски што ми даде креативен спас и ме повлече на добриот брод „Кит““, рече Фрејзер по доделувањето на Оскарот за неговата улога. Фрејзер, најпознат по улогите во „Џорџ од џунглата“ и трилогијата „Мумија“, доби Оскар за својата прва главна улога по девет години. Филмот „Кит“ доби и Оскар за шминка и фризура.

Славниот актер заплака: Се врати во Холивуд и доби овации како никогаш порано

Ивана Ефремовски — Mon, 05 Sep 2022 07:17:38 +0000

Ако светската премиера на „Кит“ (The Whale) на Филмскиот фестивал во Венеција вчеравечер е некаков показател, тогаш – Брендан Фрејзер се враќа „на голема врата“ во Холивуд. Кога се појави одјавната шпица на драмата на Дарен Аронофски, во којашто Фрејзер глуми хомосексуалец од „250 килограми“, врзан за ортопедска количка, глумецот беше совладан од емоции и заплака при шестминутните овации. Ова веројатно ќе го стави во првите редови на следната трка за „Оскар“ за најдобра машка улога. Филмот „Кит“ раскажува за човек со огромен вишок килограми, кој се бори повторно да се поврзе со својата 17-годишна ќерка, којашто ја глуми Сејди Синк. Во споредите улоги се појавуваат Хонг Чау, Саманта Мортон, Тај Симпкинс… Филмот е заснован на истоимената драма на Самуел Д. Хантер, кој го адаптираше и сценариото. За да го долови главниот лик, Фрејзер носел протетички костум и минувал до шест часа на ден во таа маска. Од 118 гласови на ИМДБ засега, филмот има висока оценка од 8,7 / 10. Киноприкажувањата се закажани за декември годинава. (МИА)

Беше филмска ѕвезда и секс-симбол, а денес ТОЈ изгледа сосема поинаку (ФОТО)

Ивана Ефремовски — Mon, 05 Jul 2021 11:20:21 +0000

Глумецот Брендан Фрејзер се појави на премиерата на „Без ненадејни потези“ (No Sudden Moves) во Њујорк, па многумина коментираат дека тој е непрепознатлив и физички многу променет од времето на неговата најголема филмска слава. Во 90-тите, Фрејзер беше филмска ѕвезда и секс-симбол… Сепак, во средината на следното десетлетие, откако го достигна врвот на својата кариера, тој целосно исчезна од Холивуд. За него, деновиве се најавува дека ќе глуми човек со голем вишок килограми, во новиот филм „Кит“ во режија на Дарен Аронофски. Наводно, холивудскиот глумец се здебелил за потребите на улогата. Сликата е на фотографот Џим Спелман. Фрејзер во интервју од 2018 година раскажуваше дека Холивуд „го ставил на црната листа“, откако бил сексуално нападнат од поранешниот претседател на Холивудската асоцијација на странски новинари, Филип Берк. Тој наводно, го нападнал Фрејзер во хотелот „Беверли Хилс“ во 2003. и тој настан бил причина за депресија кај глумецот. Потоа, тврди Фрејзер, ретко бил покануван на доделувањата на Златен глобус, чиј домаќин е Асоцијацијата. Ѕвездата од „Мумија“ е уверен дека тој случај го принудил да се повлече од јавниот живот. (МИА)

ШТО МУ СЕ СЛУЧИЛО: Некогаш жените лудуваа по овој актер, но денес е непрепознатлив (ФОТО)

Саше Стојановски — Sat, 23 Dec 2017 20:18:56 +0000

Годините сепак си го направија своето. Некогаш популарниот актер по кој жените лудуваа, денеска изгледа прилично многу различно, а некои дури би рекле и непрепознатливо. Што ли се случи со Брендан Фрејзер? Познат по талентот и убавината, Фрејзер лесно ги освојуваше женските срца, а момчињата сакаа да бидат како него. Како денес изгледа оваа некогашна холивудска ѕвезда на крајот од петата деценија од својот живот, погледнете на фотографиите.