Брентфорд – Kurir.mk

Навивачите најавуваат бојкот, Тен Хаг откри што им кажал на играчите на полувремето

Ивона Петрова — Sat, 13 Aug 2022 19:51:50 +0000

Манчестер Јунајтед сруши неколку негативни рекорди по денешниот убедлив пораз кај Брентфорд од 4:0. Новиот менаџер на „Црвените ѓаволи“, Ерик тен Хаг по катастрофалното издание им се извини на навивачите и објасни што се случило. -Ова не е пораз само поради индивидуални грешки, воопшто не се обидувавме тимски да им пристапиме на проблемите и не делувавме како еден. Овој тим мора да преземе одговорност. Жал ми е за нашите навивачи. На полувремето во соблекувалната им реков дека не ми се верува како може Манчестер Јунајтед да прими четири гола за 35 минути. Не’ чека напорна недела, вели Тен Хаг по натпреварот. Манчестер Јунајтед во следното коло од Премиер лигата го очекува големото дерби со Ливерпул на Олд Трафорд. Навивачите најавуваат протести и празни трибини.

ВИДЕО: Потоп за Јунајтед, прими четири гола за 45 минути

Ивона Петрова — Sat, 13 Aug 2022 17:29:16 +0000

Кошмарот на Манчестер Јунајтед продолжуѕва и во денешниот дуел со Брентфорд. „Црвените ѓаволи“ по првото полувреме имаат четири гола во сопствената мрежа, додека ниту еден во противничкиот гол. Избраниците на Ерик тен Хаг не знаат што ги снајде, а само чудо може да ги извлече од овој резултат. Првиот гол Јунајтед го прими во 10 минутата, кога топката помина низ рацете на Де Хеа како низ почетник и заврши во мрежата. Четвртиот гол за екипата на Брентфорд беше постигнат во 35 минута.

Dasilva goal after a ridiculous DeGea mistake 😬🚨BRE 1:0 MUN pic.twitter.com/7wdfyQLHUB
— Life Of Football (@GoalzWorld) August 13, 2022

Nah Eriksen and De gea what are you doing giving Jensen the goal to 2-0🤣🤣 pic.twitter.com/0w7XnUkVNe
— LukeTHFC🇩🇰 (@Luke15315570) August 13, 2022

GOAL! Ben Mee Follow: @_papoboleiros pic.twitter.com/HDgvzbNaGi
— gols: papodeboleiros (@papoboleiros1) August 13, 2022

Ериксен ќе остане во Брентфорд

Бошко Тасиќ — Sat, 07 May 2022 05:40:27 +0000

Тотенхем, Манчестер Јунајтед и Лестер се интересираат за Кристијан Ериксен а тој би можел да остане во Брентфорд. Како еден вид благодарност кон клубот кој му даде шанса за враќање по големите здравствени проблеми. Одлуката Ериксен ќе ја донесе на крајот од сезоната, но нема да биде изненадување доколку реши да остане член на малиот лондонски клуб. Данецот од јануари одигра осум натпревари за Брентфорд, постигна еден гол и забележа две асистенции.

Брентфорд сака да го задржи Ериксен по секоја цена

Магдалена Андонова — Tue, 03 May 2022 15:45:02 +0000

Тренерот на премиерлигашот Брентфорд, Томас Франк, изјави оти клубот има добри шанси да го задржи во своите редови данскиот играч за врска Кристијан Ериксен (30). Ериксен на ланското ЕУРО2020 доживеа срцев удар и благодарение на брза лекарска интервенција му беше спасен животот, а подоцна му беше вграден срцев дефибрилатор. Поради правилата во Италија со кои на играчи со срцев дефибрилатор им е забрането да играат фудбал, Ериксен го раскина договорот со Интер и во јануари потпиша договор со Брентфорд. Откако се врати на теренот, Данецот запиша еден гол и две асистенции. Британските медиуми објавија дека Ериксен би можел да се врати во Тотенхем и оти за него се заинтересирани и Њукасл и Манчестер јунајтед. – Јас секогаш верував дека имаме добри шанси да го задржиме. Знам дека тука се чувствува среќен и оти ужива во фудбалот. Тој игра константно на високо ниво и не е никаква тајна дека ќе сториме сè што можеме да го задржиме, изјави Франк. (МИА)

Тренерот на Челзи разочаран од поразот од Брентфорд

Магдалена Андонова — Sun, 03 Apr 2022 14:02:00 +0000

Тренерот на Челзи, Томас Тухел, е разочаран од поразот од Брентфорд (1:4) во натпреварот од 31. коло на англиската Премиер лига. – Натпреварите по репрезентативната пауза се секогаш тешки. Но, Челзи имаше обврска да го победи Брентфорд. Не бевме доволно добри. Ни недостигаше енергија и не можевме да се справиме со работите кои обично ја прават силна нашата игра. Изгледавме уморно и физички и психички, изјави Тухел на официјалната веб-страница на лондонскиот клуб. Натпреварот помеѓу Челзи и Брентфорд се одигра на „Стемфорд Бриџ“ во Лондон. По 31. коло во Премиер лигата, Челзи со 59 бодови е трет во поредокот. Брентфорд е на 14. позиција со 33 бода. (МИА)

Кристијан Ериксен се враќа на фудбалот, ќе настапува во Премиер лигата

Бошко Тасиќ — Sun, 23 Jan 2022 18:16:10 +0000

Данската фудбалска ѕвезда Кристијан Ериксен, кој минатото преживеа тежок срцев удар на стартот на Еуро 2020 се враќа во англиската Премиерлига и само прашање на момент е кога Брентфорд ќе ја официјализира соработката со играчот. „Скај Спорт“ објави дека Брентфорд е многу близу до конечен договор со Ериксен, кој не играше фудбал после вградувањето на дефибрилатор во срцето, но почна со сериозни тренинзи откако доби дозвола од лекарите дека може да продолжи да игра фудбал.

Според информациите, Ериксен ќе игра до јуни за Брентфорд, а потоа ќе биде разгледана опцијата за продолжување на соработката. Тој најави неодамна дека негова цел и желба е да игра со Данска на Светското првенство во Катар во ноември и декември годинава.

Одложен натпреварот Јунајтед – Брентфорд поради коронавирус

Ивона Петрова — Tue, 14 Dec 2021 07:03:31 +0000

Премиер лигата доцна синоќа потврди дека е откажан натпреварот од 17 коло меѓу Манчестер Јунајтед и Брентфорд. Причината е коронавирус откако Јунајтед се најде меѓу најпогодените екипи од вирусот, па раководството донесе ваква одлука. Натпреварот е одложен на барање на Јунајтед, кој не соопштува детали за заболените играчи. Терминот на натпреварот ќе биде дополнително познат. -Манчестер Јунајтед изразува жалење поради непријатностите кои ги предизвика кон Брентфорд и навивачите на двата клуба, се наведува во соопштението на „Црвените ѓаволи“. Инаку, ова е втор натпревар кој се одложува во Премеир лигата поради коронавирус откако минатиот викенд беше одложена средбата меѓу Брајтон и Тотенхем.

The Premier League has confirmed that our game against Brentford on Tuesday has been postponed.#MUFC | #BREMUN
— Manchester United (@ManUtd) December 13, 2021

Коронавирус во таборот на Манчестер Јунајтед

Бошко Тасиќ — Mon, 13 Dec 2021 20:00:28 +0000

Англискиот фудбалски гигант Манчестер Јунајтед е во преговори со Премиерлигата околу тоа колку е возможно да се одигра мечот кај Брентфорд во рамките на 17 коло од најсилниот фудбалски шампионат на Островот. Поради неколкуте заразени со Ковид-19 во редовите на „Црвените ѓаволи“, а засега во однос на имињата се сведува само на шпекулации, па јавноста остана покуса да дознае информација повеќе за тоа кој е заразен, а кој е во можност за настап. Како и да е, „Атлетик“ сепак извести дека станува збор за мал број на фудбалери, а останува отворено прашањето за каква мала бројка се работи, но и дел од стручниот штаб кои имале позитивен исход на тестирањето, а клубот преку соопштение за јавноста објави дека е затворен тренинг центарот во следните 24 часа за да се намали проширувањето на заразата. Сојот „Омикрон“ предизвика големи проблеми на Островот, а со слични на оние со кои се соочува Манчестер јунајтед, се соочи и Лестер, а како за потсетување, сето тоа започна со хаосот во Тотнем кој придонесе за одложување на мечот со Брајтон изминатиов викенд.

Брентфорд е последниот патник во Премиер Лигата

Бошко Тасиќ — Sat, 29 May 2021 17:17:25 +0000

На „Вембли“ денес Брентфорд по пауза од цели 74 години се враќа во англиската фудбалска елита.

„Пчелите“ предводени од тренерот Томас Франк направија огромен подвиг во плеј-оф финалето на „Вембли“ и го победија Свонси со 2:0, победа која е и повеќе од заслужена со оглед на тоа како фуриозно влегоа во мечот.
Брентфорд имаше преголема желба да се врати во најсилното друштво по пауза од 74 години, а тоа го направи во голем стил, со постигнати два гола уште во раната фаза од финалето. Тони погоди од пенал во 10-та минута, 10 минути подоцна по една одлична контра Марконадес зголеми на 2:0, а стрелецот на првиот гол во следниот напад ја погоди гредата и за малку не погоди за 3:0.
Брентфорд е трет патник во Премиер лигата по Норич и Вотфорд.
„Пчелите“ после осум децении ќе бидат дел од најсилното фудбалско друштво, ова попладне освоија 180 милиони фунти за промоцијата во првата лига, а следната сезона ќе го имаат свое прво учество во Премиер лигата откако е преименувано ова натпреварување од 1992-ра година.

Брентфорд е првиот финалист во плеј-офот за пласман во Премиер Лигата

Бошко Тасиќ — Sat, 22 May 2021 15:21:53 +0000

Тимот на Брентфорд е првиот финалист во плеј – офот за влез во Премиер лигата откако предмалку со 3:1 го совлада тимот на Борнмут на домашен терен и со вкупни 3:2 го елиминираше противникот во полуфиналето. На овој начин тимот на Брентфорд си закажа финале на стадионот Вембли, а второто полуфинале се игра исто така денеска помеѓу екипите на Свонси и Барнсли. https://www.youtube.com/watch?time_continue=1&v=A-sJkPad6w8&feature=emb_title