бреша – Kurir.mk

Во Бреша нападнат центар за вакцинација

Ивана Ефремовски — Sat, 03 Apr 2021 11:15:27 +0000

Непознати лица фрлија рано утрово во Бреша фрлија два молотови коктели и делумно го оштетија центарот за вакцинација, шатор поставен во центарот на градот за имунизација и тестирање на Ковид-19, јави весникот „Ил Фато Котидијано“. Локалната полиција соопшти дека избувнал пожар, но нема повредени. Предизвикана е материјална штета, но не е оштетен делот каде се наоѓа медицинскиот материјал. Засега не е позната причината за нападот, ниту кој го извршил. Весникот потсетува дека пред две недели, сличен напад со фрлање запаливи шишиња, беше извршен на влезот во Вишиот институт за здравство во Рим, институција што ги анализира епидемиолошките мерки и дава упатства за заштита. (МИА)

Интер и Бреша се договорија за Тонали

Магдалена Андонова — Fri, 31 Jul 2020 13:53:31 +0000

Интер и Бреша се договорија за трансферот на младиот фудбалер Сандро Тонали на „Меаца“. „Нероазурите“ веќе подолго време ги следат настапите на Италијанецот, а за него се интересираа Милан и Јувентус. Според „Кориере ди Бреша“, двата клуба се договориле за првата година фудбалерот да игра на позајмица во Милано, по што Интер ќе треба да го откупи 20-годишниот фудбалер за 35 милиони евра. Се проценува дека Тонали ќе добива 2,5 милиони евра годишно од „нероазурите“ и ќе потпише до летото 2024 година. Играчот од средниот ред ќе замине во својот нов тим во понеделник и се очекува тогаш да го финализира неговиот трансфер. Тонали игра најчесто како дефанзивен играч од средниот ред и има 35 настапи на сите турнири за Бреша. Во текот на сезоната тој успеа да реализира еднаш и да запише 7 асистенции. (МИА)

Аталанта продолжува со ефикасни игри

Ивона Петрова — Wed, 15 Jul 2020 06:30:39 +0000

Најпријатното изненадување во италијанскиот фудбал оваа сезона, тимот на Аталанта синоќа забележа уште еден убедлив триумф совладувајќи ја Бреша со 6:2. За тимот од Бергамо ова беше 21 победа на 33 натпревари во Серија А. Аталанта во моментов е втора на табелата со 70 бода, шест помалку од лидерот Јувентус и два повеќе од интер и Лацио. Конкурентите на Аталанта за највисок пласман, своите средби од 33. коло ќе ги играат денес и утре.

Бреша: Балотели тежи 100 килограми, затоа не игра

Магдалена Андонова — Fri, 10 Jul 2020 10:46:43 +0000

Продолжува конфликтот меѓу Бреша и Марио Балотели. Клубот е експлицитен во намерата дека поранешниот член на италијанската репрезентација мора да замине, но тој не го сака тоа. Балотели беше исклучен од тимот уште порано, тој ниту игра, ниту тренира со тимот, сето тоа заради конфликтот околу новиот договор. Како и да е, Бреша на свој начин реши да и претстави на фудбалската јавност колку е непрофесионален Супермарио, објавувајќи на официјалната веб-страница дека тежи неверојатни 99,8 килограми. Тоа е дури осум килограми повеќе од неговата висина, така што тоа е единствената причина што тој не е ниту во можност да тренира. Нема сомнение дека контроверзниот Балотели ќе возврати наскоро, останува да се види како ќе го стори тоа. (МИА)

Балотели бара Бреша да го врати во тимот или да му плати обештетување

Ивона Петрова — Mon, 01 Jun 2020 07:29:55 +0000

Конфликтот меѓу контроверзниот фудбалер Марио Балотели и Бреша оди кон правна разрешница. Двете страни ангажираа адвокати, а случајот би можел да оди на суд. Играчот бара да биде вратен во тимот или да му се исплати значителен надомест. Во исто време, многу е веројатно Балотели ова лето да ја напушти Бреша, пренесува новинарот Николо Скира. За 29-годишниот Италијанец се заинтересирани Галатасарај, Васко да Гама, Фламенго и Ботафого. Договорот на Балотели со Бреша важи до јуни 2022 година.

Балотели ќе си замине од Бреша во летниот преоден рок

Тале Кристо — Thu, 21 May 2020 07:06:05 +0000

Марио Балотели ќе го напушти тимот на Бреша на крајот на сезоната 2019/20, објави новинарот Николо Скира. Според добриот познавач на италијанскиот фудбал, за 29-годишниот Балотели се заинтересирани турски Галатасарај и бразилски Васко да Гама. Се известува дека двата клуба веќе започнале преговори со агентот на играчот, Мино Рајола. Балотели и се придружи на Бреша летото 2019 година како слободен агент. Тој има пет гола на 19 натпревари за тимот во сезоната 2019/20. Порталот „Transfermarkt.com“ ја проценува вредноста на играчот на 5,5 милиони евра.

Платата на Балотели може да порасне четири пати

Ивона Петрова — Mon, 14 Oct 2019 11:06:22 +0000

Платата на напаѓачот на Бреша, Марио Балотели може да порасне четири пати, информира „Кориере дела Сера“. Сега 29-годишниот Италијанец заработува по еден милион евра годишно. Ако оваа сезона тој ќе постигне најмалку 15 голови, а Бреша остане во Серија А, тогаш платата ќе се зголеми на четири милиони. Во спротивно, ако Бреша испадне во втората лига, договорот со Балотели ќе биде раскинат автоматски. Покрај тоа, договорот има и клаузула според која Балотели може да замине бесплатно доколку добие предлог од врвен клуб. Во моментов Бреша сега се наоѓа на 16. место во Серија А.

Балотели сака да ја заврши кариерата во Бреша

Дарко Андоновски — Sun, 03 Feb 2019 14:19:30 +0000

Напаѓачот на Олимпик Марсеј, Марио Балотели објави каде би сакал да ја заврши кариерата. Дваесет и сум-годишниот фудбалер нема намера во скоро време да се врати во Италија. – Италијанскиот фудбал е преполн со тактики и малку здодевен. Не мислам дека ќе се вратам во Серија „А“ наскоро. Но не можам да негирам дека би сакал да ја завршам кариерата во Бреша”, изјави Балотели пред „Le Figaro“. Тренерот на Олимпик Марсеј, Руди Гарсија пак го прокоментира претставувањето на Балотели при вчерашниот пораз од Ремс со 1:2. – Знаевме дека Марио Балотели нема сили во нозете за повеќе од 60 минути. Тој се уште има проблеми со повредата и добива грчеви. Добрата вест е дека тој нема да игра против Бордо во вторник. Ќе можеме да го подготвиме за натпреварот против Дижон во текот на викендот, објасни стратегот.