Брест – Kurir.mk

Приведени повеќе лица од Арачиново и Чучер Сандево поради пустошење на шуми во атарот на село Брест

Тале Кристо — Thu, 03 Nov 2022 11:03:52 +0000

На 02.11.2022 околу 09.00 часот во атарот на с.Брест, скопско, полициски службеници од Отсекот за прекуграничен криминал и миграции Скопје при Регионалниот центар за гранични работи Север и Единицата за брзо распоредување при МВР ги лишиле од слобода А.Ј.(20) од с.Арачиново, А.А.(21) од с. Арачиново, С.А.(52) од с.Чучер Сандево, Р.Ј.(23) од Скопје, Н.А.(23) од с.Чучер Сандево, С.С.(28) од с.Арачиново, Ј.А.(20) од с.Чучер Сандево, Х.А.(29) од с.Арачиново и Г.С.(28) од с.Арачиново. Тие биле затекнати при вршење на кривично дело „пустошење на шума“, при што од нив биле одземени трактор без регистарски таблички, товарно возило „мерцедес“ со скопски регистарски ознаки, сопственост на А.А., натоварено со околу 11 кубни метри огревни дрва, неколку моторни пили и секири. Исто така, во истото време на место викано „Раштански бачила“, по преземени мерки, полициски службеници пронашле три товарни моторни возила, два трактори и др., натоварени со околу 43 кубни метри огревни дрва. Одземените предмети биле предадени на Шумска полиција за понатамошна постапка. За настанот бил известен Јавен обвинител, а лицата биле задржани во полициска станица и по целосно расчистување и документирање на случајот ќе биде поднесена соодветна пријава.

Бомба од Првата светска војна најдена во село Брест

Ивана Ефремовски — Wed, 09 Jun 2021 14:28:21 +0000

На 08.06.2021 во 08:10 час во СВР Штип било пријавено дека на 07.06.2021 во 13.00 часот во нива во с.Брест, додека сопственикот С.Р.(59) извршувал земјоделски работи, пронашол рачна бомба од Првата Светска Војна. Од страна на стручно лице од Дирекција за заштита и спасување бомбата била безбедно подигната, а увид на местото извршила екипа од СВР Штип.

Брест го елиминираше големиот Ѓер

Бошко Тасиќ — Sat, 29 May 2021 18:59:43 +0000

Францускиот првак Брест е финалист на фајналфор турнирот во Лигата на Шампионите што се игра во Будимпешта, по драматичниот триумф против Ѓер. Отпорот на унгарскиот гигант беше скршен дури во пенал-рулетот, во кој Гулден го постигна решавачкиот пенал, за прво финале во Лигата на Шампионите во историјата на Брест. Екипата на Брест Бретањ направи историски успех во полуфиналето против славниот Ѓер (25-27 по пенали) и првпат обезбеди место во финалето од Лигата на шампионите. Грос со девет гола блесна во дресот на Брест, а кај Ѓер најефикасна беше Кристиансен која реализира еден погодок помалку.

Белоруската полиција отвори оган кон демонстранти во Брест, за кои тврди дека биле вооружени

Магдалена Андонова — Wed, 12 Aug 2020 14:42:00 +0000

Полицијата во Брест, во југозападна Белорусија, денеска отворила оган кон вооружени граѓани кои ги нападнале, соопшти белоруското Министерство за внатрешни работи. Во соопштението се наведува дека по испуканите куршуми во воздух не запреле нападите, па полицајците за да се запштитат отвориле оган и повредиле еден напаѓач. Белоруското МВР, исто така соопшти дека непознат напаѓач фрлил молотов коктел на полициско возило во подрачјето на Брест. Во протестите кои избија по победата на претседателот Александар Лукашенко, која е оспорена од опозицијата, приведени се повеќе од 6000 луѓе, од кои 1000 во последните 24 часа. Белоруската група за заштита на човековите права Вјазна соопшти дека голем број од демонстрантите кои се повредени се плашат да побараат лекарска помош. – Имаме информации дека властите побарале од медицинскиот персонал да ги пријават сите повреди во полиција. А лекарите на протестирачите гледаат не како на жртви, туку како непријатели на Белорусија, изјави адвокатот на Вјазна Павел Сапелко. (MИА)

Франција: Напаѓачот од џамијата во Брест пронајден мртов

Ивана Ефремовски — Fri, 28 Jun 2019 06:18:24 +0000

Напаѓачот кој вчера рани двајца луѓе, меѓу кои и имам пред џамија во западниот дел на Франција, пронајден е мртов со прострелна рана во главата, соопшти полицијата. Според полициски извори, најверојатно се работи за самоубиство. Претходно, обвинителот во градот Брест, каде што се случи нападот соопшти дека напаѓачот отворил оган додека луѓето ја напуштале џамијата. Обвинителот додаде дека во моментов не се јасни мотивите за нападот. (МИА)