брич – Kurir.mk

Колку често треба да се менува бричот?

Ивона Петрова — Wed, 26 Jul 2023 08:12:58 +0000

Стручњаците велат дека некои луѓе честопати користат жилет многу подолго отколку што препорачуваат здравствените експерти. - Постојаната употреба на малите сечила со месеци, сѐ додека не се заматат и не ’рѓосаат, всушност, може да има прилично лоши последици... Честотата на промените зависи од разни фактори, како што се колкава е областа што ја бричите и зачестеноста, дебелината и типот на Вашето влакно, квалитетот на сечилото и дали го миете по бричењето, вели дерматологот Кристина Сома од британската Национална здравствена служба. Така, општо, советот на д-р Сома гласи: да се менува ножето на секои пет до седум бричења, а не по месеци. Таа вели дека така се поголеми шансите човекот да се исече - со тапо ноже, поради напорот којшто тоа го бара. Повеќето жилети се затнуваат со клетки од кожата, сапун и остатоци од влакна, а сечилата почнуваат и да ’рѓосуваат. Бактериите пак, коишто се насобираат на брич, особено може да имаат непријатни последици.

Правите голема грешка со бричот, го користите ли подолго од тоа што е препорачливо за здравјето?

Ивана Ефремовски — Tue, 07 Dec 2021 10:18:20 +0000

Колку пати користите еден ист брич? Повеќето жени ги користат многу подолго од тоа што е препорачливо за здравјето. Витни Вон, американски дерматолог појасни дека бричот треба да го фрлите по пет до седум бричења. Кога ќе го употребите прв пат, би требало да го фрлите по еден месец, бидејќи на него се собираат бактерии. Особено е опасно, ако бричот ви стои близу до кадата или тушот, односно постојано е во влажна средина што е уште поповолно за бактериите, а вие со него ја бричите бикини зоната. Затоа, по користењето би требало добро да го измиете, да го исушите со хартија и да го одложите на суво место. -На првиот знак на рѓа или намалувалување на острината фрлете го бричот за да избегнете инфекции, кои можат да бидат многу опасни, изјави Витни Вон. Мажите би требало да го менуваат бричот на две недели. Никогаш не користете еден ист брич за целото тело. За интимните зони користете посебен брич, истото се однесува и за лицето.

Јапонски министер добил заканувачко писмо со брич

Ивона Петрова — Mon, 05 Oct 2020 09:59:35 +0000

Јапонскиот државен министер за економска и фискална политика на Јасутоши Нишимура добил плико со брич и закани за неговиот живот, јави новинската агенција Кјодо. Пликот бил доставен до зградата на Советот на министри во центарот на Токио попладнето на 2 октомври. Вработен во кабинетот го отворил и го нашол бричот и лист на кој рачно неколку пати било напишано „Умри“. Авторот на пораката се потпишал како „обожавател на министерот Нишимура“. Полицијата уште истиот ден била известена за инцидентот и во моментов се води истрага. Од септември 2019 година Нишимура е одговорен за економската состојба на земјата, а сега и за мерките за борба против коронавирусот.