Новата американска амбасадорка во Украина пристигна во Киев

Тале Кристо — Mon, 30 May 2022 19:05:48 +0000

Новата американска амбасадорка во Украина, Бриџит Бринк, пристигна во Киев, откако САД на почетокот на руската инвазија врз земјата во февруари ги повлекоа сите свои дипломати од земјата. Бринк, кој до неодамна беше американски амбасадор во Словачка, беше назначена на новата дипломатска функција на крајот на април од претседателот Џо Бајден, а Сенатот едногласно го потврди изборот. Се очекува подоцна неделава Бринк да му ги предаде акредитивните писма на украинскиот претседател Владимир Зеленски, се наведува на веб-страницата на американската Амбасада во Киев. Американската Амбасада ги евакуираше сите вработени во јануари и кон средината на февруари сите свои дипломатски операции ги префрли во Лавов, во западна Украина. Непосредно пред почетокот на руската инвазија, американските дипломати ја напуштија Украина и се преселија во Полска. Иако акцијата на САД беше критикувана, на долг рок практично сите западни дипломати го напуштија Киев, порано или откако Русија ја почна инвазијата. Откако од крајот на март руската армија беше потисната од околината на Киев, групи дипломати полека почнаа да се враќаат во главниот град на Украина.

Сенатот ја одобри Бриџит Бринк за американска амбасадорка во Украина

Ивона Петрова — Thu, 19 May 2022 05:41:07 +0000

Сенатот на САД едногласно ја одобри дипломатката Бриџит Бринк за амбасадор во Украина, пополнувајќи го критичното место што е празно три години. Брзата потврда ја истакна желбата на двете страни да испратат амбасадор за поддршка на украинскиот претседател Володимир Зеленски додека тој се соочува со руската инвазија. Одлуката на Сенатот е донесена истиот ден кога американската амбасада во Киев беше повторно отворена по тримесечното затворање поради руската инвазија на 24 февруари. Сенатот, исто така, се очекува да одобри речиси 40 милијарди американски долари воена и хуманитарна помош за Киев подоцна оваа недела, финансирање што е веќе изгласано во Претставничкиот дом. Бриџит Бринк е родена во Мичиген, зборува руски и моментално е амбасадор на САД во Словачка. Таа е дипломат 25 години, работела во Узбекистан и Грузија, како и на неколку високи позиции во Стејт департментот и Советот за национална безбедност на Белата куќа. Во Киев нема американски амбасадор од мај 2019 година, кога Трамп ненадејно ја отповика тогашната американска амбасадорка во Украина, Мари Јованович.

Бриџит Бринк – Kurir.mk

Новата американска амбасадорка во Украина пристигна во Киев

Сенатот ја одобри Бриџит Бринк за американска амбасадорка во Украина