британска колумбија – Kurir.mk

Експериментална декриминализација на тешки дроги во канадската провинција Британска Колумбија

Тале Кристо — Tue, 31 Jan 2023 14:34:13 +0000

Канадската провинција Британска Колумбија денеска започна пилот програма за декриминализирање на поседувањето мали количини тешки дроги како кокаин и хероин. Според програмата возрасните можат да поседуваат до 2,5 грама кокаин и хероин, како и метамфетамин, фентанил и морфин. Сојузната Влада на Канада го одобри барањето на таа провинција на западниот брег на Тихи Океан да го спроведе овој експеримент во траење од три години, слично на политиката во блиската американска држава Орегон, каде тешките дроги беа декриминализирани во 2020 година. Пред започнувањето на пилот програмата, властите во Британска Колумбија и федералните институции усвоија правила за одобрени исклучоци од Законот за контролирани дроги и супстанции на федерално ниво. Иако поседувањето на тие супстанции сепак ќе биде нелегално, возрасните кои поседуваат вкупно помалку од 2,5 грама тешка дрога нема да бидат уапсени, обвинети и нема да им биде конфискувана дрогата. Наместо тоа, ќе им бидат понудени информации за достапните здравствени и социјални услуги.

Силен земјотрес во канадската провинција Британска Колумбија

Ивона Петрова — Wed, 25 Dec 2019 06:58:28 +0000

Земјотрес со јачина од 6,2 степени според Рихтеровата скала е регистриран на 177 километри западно од канадскиот град Порт Харди, во провинцијата Британска Колумбија, соопшти Американскиот геолошки институт, цитиран од британските медиуми. Епицентарот на ударот бил на длабочина од 10 километри. Потресот бил на 518 километри западно од Ванкувер. Засега нема податоци за жртви и разурнувања, пренесе БТА. Нема предупредувања за високи бранови и цунами.

Силен земјотрес регистриран во Британска Колумбија

Дарко Андоновски — Mon, 22 Oct 2018 07:22:13 +0000

Земјотрес со интензитет од 6,7 степени според Рихтеровата скала денеска го погоди подрачјето на канадската провинција Британска Колумбија, соопшти американскиот Геолошки институт. За сега нема податоци за евентуални жртви ниту за причинета материјална штета, а исто така не е објавено предупредување за појава на цунами. Епицентарот на земјотресот бил на длабочина од 33 километри, околу 190 километри југозападно од градот Порт Харди на островот Ванкувер.