британска мутација – Kurir.mk

Британската мутација на коронавирус потврдена во 111 земји

Ивона Петрова — Wed, 10 Mar 2021 07:13:42 +0000

Позната по својата поголема заразност, мутацијата на коронавирусот VOC 202012/01, првично пронајдена во Велика Британија, е пронајдена во уште пет земји за една недела и нивниот број достигна вкупно 111, соопшти Светската здравствена организација. Географијата на ширењето на мутацијата 501Y.V2, пронајдена во Јужна Африка, се прошири во 58 земји, а видот П. 1, кој првично беше идентификуван во Бразил и Јапонија, сега е распространет во 32 земји, информира СЗО. Според истражувањата, способноста да зарази луѓе на британскиот вид е до 75 проценти поголема од онаа на првично познатиот коронавирус САРС-CoV-2. Експертите посочуваат на „можен зголемен ризик од хоспитализација“, како и на потешки клинички слики и смрт од оваа мутација.

КОРОНАВИРУС: Британската мутација откриена во 94 земји, јужноафриканската во 46

Ивона Петрова — Wed, 17 Feb 2021 08:21:13 +0000

Високозаразната мутација на Ковид-19 што се појави во Велика Британија во септември, минатата недела е откриена во уште осум земји, со што вкупниот број на земји кои пријавија британска мутација е 94, соопшти Светската здравствена организација. Кога станува збор за јужноафриканскиот сој, тој е регистриран во уште две земји, така што бројот на земји што го откриле 501Y.V2 на нивна територија сега е 46. Бразилската мутација – П.1 е пронајдена во уште шест земји минатата недела, а сега се наоѓа во 21 земја низ светот

Британската мутација на коронавирусот потврдена во повеќе од една четвртина од тестовите во Данска

Дарко Андоновски — Sat, 13 Feb 2021 11:01:13 +0000

Британската мутација на коронавирусот е потврдена во повеќе од една четвртина тестови во Данска, соопшти денеска данскиот институт за здравство ССИ. Мутацијата Б. 1.1.7 до вчера е откриена кај 28,5 проценти од примероците од првата недела на февруари, покажуваат првичните податоци на ССИ. Една недела претходно, учеството беше 20,3 проценти, а на почетокот на годината 2,1 процент. Британската мутација на вирусот за првпат е откриена во Данска во примероци земени на 14 ноември. Оваа мутација е позаразна од другите. Во Данска остануваат во сила строгите мерки за блокада поради стравот од новите мутации на вирусот, иако бројот на заразени лица опаѓа. Британската мутација на вирусот досега е откриена кај 1.859 лица во Данска. ССИ проценува дека овој месец оваа мутација најверојатно ќе стане доминантна.

Предупредување од доктор: Британската мутација на вирусот може да стане доминантна во САД

Ивана Ефремовски — Fri, 05 Feb 2021 09:17:33 +0000

Мутацијата на коронавирусот Б.1.1.7, првпат откриена во Велика Британија, веќе се шири во САД и може да стане доминантна во земјата, изјави доктор Ентони Фаучи, шеф на Националниот институт за алергии и заразни болести, јави Си-Ен-Ен. -Неодамнешното истражување од Велика Британија покажа дека оваа мутација може да биде нешто поубиствена во смисла дека ги прави луѓето повеќе болни и може да стане доминантна бидејќи се чини дека е многу брзо и лесно се шири од човек на човек, изјави Фаучи. Тој оддаде дека единствениот начин да се спречат мутациите да станат доминантни е да се запре нивното ширење со почитување на мерките за заштита на јавното здравје и вакцинирање што е можно повеќе луѓе што е можно побрзо. Мутацијата Б. 1.1.7 циркулира во Англија најрано од септември. Според британските научници, таа се шири 30 до 70 проценти полесно од оригиналниот вирус, а тие откриле мутација кај некои примероци од овој вид, што може да му овозможи на Ковид-19 да избегне заштита со антитела. Досега е потврдена во најмалку 70 земји, вклучувајќи ги и САД. (МИА)