британска полиција – Kurir.mk

Британската полиција ги идентификувала и трага по тројца албански државјани за грабежот во домот на фудбалерот Стерлин

Катерина Бојаџиева — Fri, 22 Sep 2023 16:09:52 +0000

Британската полиција ги идентификувала и трага по тројца албански државјани за кои постојат основи на сомнение дека учествувале во грабежот во домот на напаѓачот на англиската фудбалска репрезентација Рахим Стерлин. Освен во овој грабеж, што се случи во почетокот на декември минатата година, тие биле дел од групата кој извршила 33 грабежи во Лондон. - Полицијата претходно го уапси албанскиот државјанин Емилиано Кроси (23), а сега трага по Алфред Исуфи (48), Герард Калаја (22) и Хенри Османи (44). Четворица се сомничат дека учествувале во 33 грабежи, вклучувајќи го и тој во луксузниот дом на фудбалерот, пренесува Топ чанел, повикувајќи се на „Дејли експрес“. Како што пренесоа медиумите вооружените крадци провалиле во куќата на Стерлинг во Лондон, во моменти кога во неа било семејството на фудбалерот, неговата 27-годишна партнерка и двете деца. Со себе однеле часовници во вредност од над 300 илјади евра, како и друг скап накит. Поради овој настан Стерлин го напушти Светското првенство во Катар и се врати во Лондон, за да биде со семејството. Полицискиот инспектор Џемс Ансел изјавил дека се убедени оти тројцата Албанци се уште се на територијата на Обединетото Кралство.

Британската полиција предупредува дека Ковид-19 придонесува за радикализација на младите

Тале Кристо — Wed, 18 Nov 2020 09:08:53 +0000

Пандемијата на коронавирусот и социјалната изолација придонесуваат за „ужасна ситуација“ што ги прави младите луѓе поранливи на радикализација, предупреди денеска британската полиција. Нивото на закана од тероризам во земјата беше покачено на „сериозно“ претходно овој месец, што е мерка за претпазливост по нападите во Франција и Австрија. Промената значи дека најверојатно ќе се случи напад. До крајот на јуни, во период од 18 месеци, 17 деца беа уапсени под сомнение за терористички престапи, вклучувајќи и некои на возраст од 14 години, соопшти полицијата за борба против тероризмот. – Има нагло зголемување на бројот на екстремистички материјали на интернет во последниве години, и поради Ковид-19 ризичните луѓе поминуваат повеќе време изолирани и на интернет, со помалку заштитни фактори кои ги обезбедуваат училиштето, вработувањето, пријателите и семејството, изјави Нил Басу, шеф на британската полиција за борба против тероризам. – Според мое мислење, тоа е ужасна ситуација, една од оние кои не можеме да ги предвидиме и од која ефектите можеби ќе ги чувствуваме во многу години што доаѓаат, додаде тој. Во меѓувреме, денеска е претставена и нова веб-страница www.actearly.uk, што треба да се занимава со тој проблем.

Британската полиција со поголеми овластувања

Магдалена Андонова — Thu, 13 Aug 2020 11:40:34 +0000

Во Велика Британија од денска стапува во сила уредбата со која полицијата има овластувања да ги запира и апси лицата на граница со цел да спречи шпионажа и странско мешање. Уредбата наречена Документ за борба против тероризмот и безбендст на границите, донесена е поради случајот на двојниот шпион Сергеј Скрипал, кој во март 2018 година заедно со неговата ќерка беше пронајден отруен во Солсбери. за труењето беше обвинета Русија, а Москва демантираше каква било вмешаност. врз основа на уредбата, полицијата ќе може да запира, испитува и да го уапси секое лице кое влегува во Велика Бритнаија, а за кого ќе се посомнева дека е вмешано во непријателски активности. Британското Министерство за внатрешни работи дека новиот систем подразбира заштитни мерки за истражителите, како и посебна заштита на доверливи материјали и новинарски извори. (МИА)

КРАЈ НА САГАТА: Британската полиција откри од која земја се 39 лица кои беа пронајдени во камионот на смртта

Дарко Андоновски — Sat, 02 Nov 2019 08:04:23 +0000

Сите 39 лица кои минатата недела беа пронајдени мртви во камион ладилник во Есекс се Виетнамци, соопшти британската полиција. – Во овој момент, ние веруваме дека сите жртви се со виетнамска националност и ние сме во контакт со виетнамската Влада“, рече полицискиот службеник на Есекс, Тим Смит. Тој додаде дека британската полиција е во директен контакт со некои семејства во Виетнам, како и во Велика Британија. – Веруваме дека ги идентификувавме семејствата на некои од жртвите, рече Смит.

Британската полиција приведе 55 лица поради злоставување девојчиња

Ивона Петрова — Tue, 15 Jan 2019 08:04:28 +0000

Британската полиција приведе 55 мажи во рамки на истрагата за сексуална злоупотреба на седум девојчиња во северниот дел на Англија, во периодот од 2002 до 2009 година. Истрагата е покрената откако седум жени од Западен Јоркшир, Дазбери и Бетли обвинија дека биле злоставувани додека биле девојчиња. Полицијата информира дека приведените мажи биле сослушани и ослободени, но нагласи дека истрагата за овој случај продолжува. – Сексуалното злоставување и експлоатација на децата е одвратно злосторство, што влијае врз некои од најранливите членови на нашето општество, изјави полициксиот инспектор Јан Торнс, кој раководи со истрагата.

ВИДЕО: Автомобил влета во британскиот Парламент, итна реакција на полицијата

Ивона Петрова — Tue, 14 Aug 2018 07:03:02 +0000

Автомобил утринава влета во безбедносните бариери поставени пред зградата на британскиот Парламент, по што полициски екипи во голем број веднаш реагираа, јавуваат локалните медиуми, Според првичните информации, вооружени полицајци го опколиле возилото, а мажот бил уапсен. Повеќе детали наскоро.

Breaking: Big armed police response to car which has cashed into Parliament barriers we are now being moved back pic.twitter.com/rYAqExq6rn
— Vincent McAviney (@VinnyMcAv) August 14, 2018