Британски Парламент – Kurir.mk

Поради гледање порно снимки во парламентот, британски пратеник поднесе оставка

Ивона Петрова — Sat, 30 Apr 2022 19:26:40 +0000

Пратеникот од Конзервативната партија во британскиот парламент Ник Периш, кој е суспендиран од партијата, поднесе оставка откако призна дека во два наврати гледал порнографски снимки за време на заседавање на парламентот. Во интервју за Би-Би-Си Нил истакнал дека првиот пат случајно отворил таква содржина, додавајќи дека барал трактори на интернет, а вториот пат гледал со намера. -Мое злосторство, најголемо злосторство е што гледав по вторпат, вели Нил истакнувајќи дека тоа што правел е погрешно. Додал дека најпрво мислел пред комисијата да објасни што се случило, но кога видел колкава штета им нанел на семејството и избирачите, одлучил да си поднесе оставка. Својата постапка ја оправдувал како „момент на лудило“.

Сите му аплаудираа – Зеленски пред британскиот Парламент: „Не сакаме да ја изгубиме нашата земја“ (ВИДЕО)

Ристе Здравков — Tue, 08 Mar 2022 18:33:04 +0000

Украинскиот претседател Володимир Зеленски преку видеоврска им се обрати на британските пратеници во долниот дом на Парламентот. Обраќањето беше наречено историско. Тој на почетокот на своето обраќање истакна дека им се обраќа на сите луѓе во Велика Британија, земја со богата историја. „Би сакал да ви кажам за 13 дена војна, војна што ние не ја почнавме и ме ја посакувавме. Не сакаме да го изгубиме тоа што го имаме, нашата земја. Исто како што не сакавте да ја изгубите Британија кога ве направија нацистите. Првиот ден кога бевме нападнати од крстосувачки ракети, се разбуди целата земја. И оттогаш не спиевме“, рече Зеленски.

🔺Britanski zastupnici u Donjem domu parlamenta ustali su na noge kako bi aplaudirali ukrajinskom predsjedniku Vlodomiru Zelenskom usred ruske invazije na njegovu zemlju ⤵️ #VlodomyrZelenskyy #UkraineRussianWar #BREAKING pic.twitter.com/3ApF3c42ij
— Dnevni avaz (@DnevniAvaz) March 8, 2022

Тој посочи дека нападите врз болниците и цивилите не ги обесхрабриле. „Руски ракети го погодија ‘Бабин Јар’, меморијалниот центар на холокаустот. Црквите и болниците беа уништени со бомбардирање. Осмиот ден руски тенкови ја нападнаа нуклеарната централа ‘Запорожје’. Сите мора да разберат дека ова не е напад само на Украина, туку на целиот свет“, рече Зеленски. За време на обраќањето, тој според написите на агенциите изнесе застрашувачки информации. „Руските окупатори не дозволуваат храна и вода и луѓето почнаа да паничат. Убиени се повеќе од 50 деца. Тоа се деца шт можеа да живеат, но овие луѓе ни ги одзедоа“, рече претседателот на Украина. Рече дека нема да се откаже. „Нема да се предадеме и нема да загубиме. Ќе се бориме до крај за нашата држава, на небо, земја, полиња, брегови, улици, реки. Ве молиме, помогнете, помогнете им на цивилизираните држави. Многу сум ти благодарен, Борис. Зголемете ги санкциите против Русија и признајте ги како терористи. Ве молиме, погрижете се нашето небо да биде безбедно“, заклучи Зеленски.

Зеленски се обрати пред британските политичари и порача: Ќе се бориме за нашата земја без разлика на цената

Магдалена Андонова — Tue, 08 Mar 2022 18:02:24 +0000

Украинскиот претседател Володимир Зеленски денеска преку видео врска оддржа говор пред британските политичари, јави Би-Би-Си. Тој на пратениците во британскиот Парламент им кажа дека „ им се обраќа како на граѓани, како претседател на голема земја, со сон“. Тој ја спореди борбата на Украина против Русија со британските воени напори против нацистичка Германија во Втората светска војна. -Не сакавте да ја изгубите земјата кога нацистите сакаа да ви ја земат. Моравте да се борите за Британија, рече Зеленски. Тој кажа дека неговите луѓе покажале херојски напор против руските сили. -Гранатирањето не нѐ скрши, кажа тој пред пратениците. Украинскиот претседател порача дека ќе се бори до крај. -Ќе продолжиме да се бориме за нашата земја без разлика на цената. Ќе се бориме во шумите, на полињата, на бреговите и на улиците. Украина нема да се откаже и нема да загубиме, рече Зеленски. (МИА)

Законот за Брегзит ќе биде во британскиот Парламент до Божик

Тале Кристо — Sun, 15 Dec 2019 13:57:35 +0000

Британскиот премиер Борис Џонсон има намера да го врати договорот за Брегзит во парламентот пред Божик, изјави денеска заменикот-министер за финансии Риши Сунак, додавајќи дека владата потоа ќе го претстави и новиот буџет. – Најважната работа во овој нов мандат е да се заврши Брегзит … Ние ќе ја напуштиме Европската унија за неколку недели, до крајот на јануари. Нашата намера е да го донесеме Предлог-законот за повлекување пред парламентот пред Божик, рече Санак за Би-Би-Си.

На 29 јануари британскиот Парламент ќе гласа за „планот Б“ за Брегзит

Ивона Петрова — Thu, 17 Jan 2019 12:24:46 +0000

Прeтседателката на Долниот дом на британскиот Парламент, Андреа Лидсом денеска најави дека на 29 јануари би требало да се одржи дебата и гласање за „планот Б“ за Брегзит на премиерката Тереза Меј. – Целодневната дебата за предлогот би се одржала во вторник на 29 јануари, доколку Долниот дом се согласи со тоа, изјави Лидсом. Таа најави дека Меј в понеделник на Парламентот ќе му го достави „план Б“ за Брегзит, откако во вторникот пратениците во Долниот дом го одбија Договор за истапување на Велика Британија од ЕУ, што лани во ноември го постигнаа Владата во Лондон и Брисел. МИА

Меј: Го слушнавме Парламентот, но да го слушаме и народот

Ивона Петрова — Wed, 16 Jan 2019 06:46:38 +0000

Британската премиерка Тереза Меј по синоќешното гласање на кое пратениците го одбија Договорот за Брегзит, изјави дека го слушнала мислењето на Парламентот, но дека е битно да се слуша и волјата на британскиот народ. – Секој ден што ќе мине без решение за овој проблем значи и поголема несигурност, повеќе огорченост и поголема омраза, истакна Меј. Таа нагласи дека пред да го преземе следниот чекор, прво ќе почека да види дали нејзината Влада ужива доверба во Парламентот, на денешното гласање на пратениците за недоверба на владиниот Кабинет. – Јасно е дека Парламентот не го поддржува овој договор. Но, гласањето не ни кажува што поддржува. Тоа не ни кажува како или дали воопшто (Парламентот) има намера да ја почитува одлуката што бритинскиот народ ја донесе на референдумот (за Брегзит), додаде Меј. Долниот дом на британскиот Парламент синоќа со 432 гласа „против“ и 202 „за“, го отфрли Договорот за истапувањето на Велика Британија од ЕУ, што лани во ноември го постигнаа Владата на Меј и Брисел. По одбивањето на договорот, лидерот на опозициската Лабуристичка партија, Џереми Корбин ги повика пратениците да ја урнат Владата на Меј. Британските медиуми оценуваат дека сега Владата на Меј има време до понеделник да пронајде „план Б“ за Брегзитот, предвиден за 29 март. Доколку не биде пронајдено друго решение, можно е Велика Британија да ја напушти Унијата без договор за идните односи меѓу двете страни, што предизвукува неизвесност и стравувања од можен хаос. МИА

Британскиот Парламент ќе гласа за договорот за Брегзит

Ивона Петрова — Tue, 15 Jan 2019 06:49:18 +0000

Британскиот Парламент денеска треба да се изјасни за Договорот за Брегзит, што премиерката Тереза Меј го постигна со Европската унија. Меј ги повика пратениците „уште еднаш да го проучат“ Договорот за Брегзит и ги одби повиците да го одложи излегувањето на Велика Британија од ЕУ. – Им порачувам на пратениците од двете страни на Парламентот, што и да одлучиле, во следните 24 часа да го проучат договорот уште еднаш, рече Меј пред Парламентот. Таа истакна дека договорот не е совршен и дека е резултат на компромис. Притоа, ги отфрли барањата на некои пратеници Брегзитот закажан за 29 март, да биде одложен за да има доволно време да се постигне консензус или одржување нов референдум. – ЕУ ќе ја напуштиме на 29 март. Верувам дека поради нашата демократија е важно да ги спроведеме резултатите од референдумот од 2016 година, рече британската премиерка. Како што пренесуваат медиумите, се верува дека Меј денеска нема да успее да ја обезбеди потребната поддршка во Парламентот. Во тој случај, можни се повеќе сценарија – од распишување нови избори до нов референдум или дури излегување на Велика Британија од ЕУ без договор, што би можело да доведе до хаос, предизвикан од брзиот прекин на односите со Унијата. МИА

Британскиот Парламент на 15 јануари ќе гласа за договорот за Брегзит

Дарко Андоновски — Tue, 08 Jan 2019 19:34:25 +0000

Британските пратеници на 15 јануари вечерта ќе гласаат за договорот на премиерката Тереза Меј и ЕУ за Брегзит, соопшти денеска опозициската Лабуристичка партија, повикувајќи се на предвидениот план за расправа. Петдневната расправа за договорот ќе почне утре, а се очекува дека ќе заврши со повеќе гласања, од кои секое би можело да биде пресудно за надежите на премиерката дека ќе добие одобрување од Парламентот кое е потребно за да продолжи со спроведување на својот план за Брегзит. Меј пред два дена изјави дека доколку Парламентот не го прифати договорот за Брегзит, Британија ќе се најде на непозната територија. – Ако договорот не биде усвоен на претстојното гласање, тогаш всушност ќе бидеме на непозната територија. Не мислам дека некој може точно да каже што ќе се случи во врска со реакцијата што ќе ја видиме во Парламентот, рече Меј. Таа ги демантираше наводите дека по вторпат ќе го одложи гласањето за договорот за излез од Европската унија. Британија би требало формално да ја напушти ЕУ во март годинава.

Британскиот Парламент почнува расправа пред гласањето за планот за Брегзит

Ивона Петрова — Tue, 04 Dec 2018 08:06:11 +0000

Британските пратеници денеска почнуваат дебата за условите за излез на Велика Британија од Европската унија, која ќе трае пет дена, а на 11 декември ќе се гласа со што ќе се одреди иднината на земјата и на премиерката Тереза Меј. Договорот за излез од ЕУ е резултат на 17-месечни тешки преговори, и Меј го претстави како „најдобар можен“. Денешната дебата ќе ја почне токму премирката Меј. Текстот на договорот сепак предизвиква несогласувања меѓу пратениците од сите политички сили – опозициската Лабуристичка партија, проевропската партија Либерални демократи, Шкотската национална партија, Демократската унионистичка партија, северноирскиот сојузник на Меј, како и кај десетици конзервативци, приврзаници на идејата за тврд Брекзит. Соочена со опасноста од неуспех во Парламентот, Меј рече дека ако не биде усвоен нејзиниот план, Велика Британија ќе ја напушти ЕУ без договор, а тоа ќе доведе до сериозни последици за британската економија. Таа дури предупреди дека може воопшто да нема Брегзит. Лабуристите рекоа дека ќе предложат гласање за недоверба, ако Меј не успее да го протурка текстот. МИА

Повредени пешаци, уапсен маж: Автомобил удри во оградата пред британскиот Парламент

Катерина Бојаџиева — Tue, 14 Aug 2018 07:30:28 +0000

Еден маж е уапсен откако со автомобил удри во заштитната ограда поставена пред британскиот Парламент. Во инцидентот повредени се неколку пешаци, објави британската полиција на Твитер.