британски пратеници – Kurir.mk

Британските пратеници воодушевени од говорот на Зеленски: Бараат украинскиот претседател да добие титула витез

Магдалена Андонова — Sun, 13 Mar 2022 10:22:49 +0000

Британските пратеници предложија претседателот на Украина, Володимир Зеленски да ја добие титулата витез, пренесува Танјуг. Тие побараа од премиерот Борис Џонсон да го номинира Зеленски како знак на признание за храброста и инспиративното лидерство, објави „Сан“. Пратениците од сите британски партии го повикаа премиерот да му ја додели титулата почесен витез на Зеленски, по неговиот говор пред целосниот британски парламент, преку видео-врска од неговото засолниште во Киев. „Сан“ наведува дека кога му било понудено да ја напушти Украина за САД, Зеленски (44) одговорил: - Тука има борба. Ми треба муниција, а не превоз. Тори Боб Сили, од Комитетот за надворешни работи на Долниот дом, рече дека Зеленски е вистински лидер и дека храбро застанал покрај народот со својот пример.

Зеленски утре ќе им се обрати на британските пратеници

Магдалена Андонова — Mon, 07 Mar 2022 20:49:33 +0000

Претседателот на Украина, Володимир Зеленски, утре ќе им се обрати на пратениците во Долниот дом на британскиот парламент од Украина, изјави претседателката на парламентот Линдзи Хојл. – Сите парламентарци сакаат директно да го слушнат претседателот, кој ќе се обрати во живо од Украина, така што ова е важна можност за парламентот – наведе Хојл во изјавата, пренесе Би-би-си. Официјалните парламентарни работи ќе бидат суспендирани додека пратениците го испрашуваат претседателот Зеленски. Зеленски ќе зборува на својот мајчин украински јазик, а пратениците преку слушалки ќе слушаат симултани преводи на англиски јазик. Во текот на ноќта во салата ќе бидат поставени екрани за да можат пратениците да го следат говорот. По обраќањето, украинскиот претседател нема да одговара на прашања.

Британските пратеници формираа група за борба против руското влијание

Дарко Андоновски — Fri, 20 Apr 2018 12:38:39 +0000

Британските пратеници формираа специјална група, која се фокусира на руското мешање, истакнувајќи дека мора повеќе да се направи за да се разбере дименизијата на „малигното влијание“ на Москва. Во новата Руска координациска група членуваат лидерите на неколку влијателни парламентарни комитети, вклучително и надворешнополитичкиот и одбранбениот комитет. Конзервативниот пратеник Том Тагендхат, претседавачот на групата, изјави дека Велика Британија треба да ги следи САД во воведувањето на санкции кон олигарсите и владините претставници, кои се поврзани со рускиот претседател Владимир Путин. Велика Британија ја обвинува Русија дека користи дезинформациска кампања со цел да ја поткопа западната демократија и ја обвинува Москва за напад врз двоениот шпион Сергеј Скрипл и неговата ќерка Јулија. МИА