британски премиер – Kurir.mk

ФОТО: Мачорот Лери го испрати и Борис Џонсон, на Твитер мачорот го следат двојно повеќе луѓе од новата премиерка

Дарко Андоновски — Wed, 07 Sep 2022 07:18:46 +0000

Мачорот Лери, чија официјална титула е „Главен глувчеловец во Кабинетот на премиерот на Обединетото Кралство на Велика Британија и Северна Ирска“, ја надгледува работата на британските лидери повеќе од десетлетие. За тоа време, тој испрати тројца премиери од „Даунинг стрит“ број 10, а тукушто ја пречека и новата „станарка“ – Лиз Трас. По Дејвид Камерон и Тереза Меј, си замина и Борис Џонсон… По тој повод, луѓето што ја уредуваат официјалната Твитер-страница на Лери, запишаа дека е „време да се расчистат неколку работи“… „1. Јас не сум ‘мачката на Борис Џонсон’; 2. Како и сите премиери, и тој беше само привремен жител на ‘Даунинг стрит’; 3. Јас постојано живеам овде. Кога тој конечно ќе си отиде, јас останувам;. 4. Да, тоа е многу засрамувачки, но наскоро и ова ќе заврши“, „објави“ Лери на Твитер.

Yes, I came out to check that he’s gone. He has. pic.twitter.com/s1t7XzNqHP
— Larry the Cat (@Number10cat) September 6, 2022

Тој беше донесен во седиштето на британската влада од некогашниот премиер Камерон, кој го вдоми во 2011 година, од домот за мачки и кучиња „Батерси“. Минатата година се најавуваше „пензионирање“ на мачето и негово повлекување на село, но ете – тој го испрати и Борис Џонсон. Околу 650.000 луѓе го следат Лери на Твитер, што е двојно повеќе од новата премиерка во мигов. Трас е свесна за тоа. – Бев една од неговите омилени министерки… Се надевам дека ќе го надоградам тоа пријателство, изјави таа неодамна. Мачорот Лери сега има 15 години и се чини, сѐ уште е во добра форма. За две години се одржуваат редовните парламентарни избори, па тогаш можеби во „неговата куќа“, при неговиот „мандат“ ќе пристигне и петтиот премиер на Обединетото Кралство.

Муцунски-Климовски: Во Македонија мора да се почитуваат законите и да има праведност, затоа што без тоа не може да има ни функционална држава

Тале Кристо — Mon, 29 Jun 2020 16:56:53 +0000

Со професорот по уставно право Саво Климовски, од кого имам научено многу за правото, имав прилика да разговарам за проектите од обновата. Тој вели дека само со напорна работа, чесност, знаење и добра стратегија и план може да се направи многу, пишува во својата објава кандидатот за пратеник од редовите на ВМРО-ДПМНЕ во ИЕ Тимчо Муцунски. Се согласуваме дека во Македонија мора да се почитуваат законите и да има праведност, затоа што без тоа не може да има ни функционална држава. За таа цел потребно е да почнеме од Уставот. Со обновата предвидуваме формирање на експертска група која ќе ги ги посочи сите евидентирани слабости, проблематични, неконзистентни и неприменливи одредби во Уставот. Како и да подготви нови, модерни предлог-уставни решенија во согласност со европските вредности и стандарди,за зачувување на унитарниот карактер на Македонија и за уредување на меѓуетничките односи според принципот на единствена македонска нација.

Џонсон и Хант останаа во трката за британски премиер

Дарко Андоновски — Thu, 20 Jun 2019 18:11:20 +0000

Џереми Хант ќе се соочи со Борис Џонсон во трката за иден премиер на Велика Британија откако Мајкл Гов беше елиминиран во последното гласање на конзервативните пратеници. Гов го поддржаа 75 пратеници, а Хант имаше само два гласа повеќе. Џонсон, кој се смета за фаворит во трката, доби 160 гласови. За Џонсон и Хант сега по пошта ќе гласаат 160.000 члаенови на Конзервативната партија ширум земјата. Победникот ќе биде објавен во неделата која почнува на 22 јули и ќе ја замени Тереза Меј на функцијата лидер на партијата и премиер на Британија.