Британско разузнавање – Kurir.mk

Британско разузнавање: Русија загуби речиси 100 авиони во војната со Украина

Ивана Ефремовски — Thu, 28 Sep 2023 18:02:11 +0000

Од февруари 2022 година, руските воздушни сили во борба изгубиле околу 90 авиони, соопшти британското Министерство за одбрана. Сите авиони имаат очекуван работен век во часови на летање. Русија користи некои видови борбена авијација многу поинтензивно отколку во мирнодопски услови. Според прогнозата на разузнавачката служба, поради големиот товар, нивниот животен век може да истече многу побрзо од планираното. Потребата за дополнително одржување се надополнува со недостиг на резервни делови поради зголемената побарувачка и меѓународните санкции. Влошувањето на состојбата на авионите најверојатно ќе ја намали долгорочната одржливост на тактичкото воздухопловство на Русија бидејќи војната трае значително подолго отколку што планираше Министерството за одбрана, се вели во извештајот. Сепак, британските разузнавачки извештаи сугерираат дека Русија сепак може да го зголеми бројот на летови над окупирана Украина. Од почетокот на војната во Украина, руската армија загубила најмалку 12 илјади единици воена опрема, покажуваат податоците на експертите на Орикс, кои ги следат загубите на двете страни. Конкретно, според аналитичарите, Русија изгубила 91 авион: осум од нив биле уништени, а останатите 83 биле онеспособени. (МИА)

Британското разузнавање тврди дека забраната за регрутирање затвореници предизвикува проблеми на групата „Вагнер“

Ивана Ефремовски — Mon, 13 Mar 2023 15:57:05 +0000

Можно е руската приватна воена компанија „Вагнер“ да пројавува проблеми во војната во Украина бидејќи не може да регрутира нови затвореници, проценуваат британските разузнавачки служби, јави ДПА. Британското Министерство за одбрана во серија твитови објави дека Москва му забранила на лидерот на „Вагнер“, Евгениј Пригожин да регрутира платеници во затворите. Половина од досега регрутираните затвореници станаа жртви на тешките борби, а кампањата на национално ниво за регрутирање офицери не успеа да ги надомести загубите, се наведува во денеска објавените твитови. „Доколку забраната продолжи, Пригожин најверојатно ќе биде принуден да го ограничи обемот или интензитетот на операциите на „Вагнер“ во Украина“, заклучи британското Министерство за одбрана. Платениците на „Вагнер“ се особено активни во битката за градот Бахмут, во источна Украина, посочува ДПА. Од почетокот на руската инвазија, британското Министерство за одбрана објавува дневни извештаи за напредокот на војната, повикувајќи се на своите разузнавачки служби. Москва го обвинува Лондон дека води кампања за дезинформирање на јавноста. (МИА)

Британско разузнавање: Русија може да ја нападне Украина „без дополнително предупредување“

Тале Кристо — Thu, 17 Feb 2022 19:05:25 +0000

Русија би можела да ја нападне Украина „без дополнително предупредување“, покажуваат најновите разузнавачки информации на британското Министерство за одбрана. – Русија задржува значително воено присуство кое може да изврши инвазија без дополнително предупредување, се предупредува во објава на Твитер. Твитот вклучува мапа на „можната оска на инвазија на претседателот Путин“, која покажа дека Русија е способна да изврши копнено движење во првата фаза кон Киев од две точки долж границата со Белорусија и една точка од границата со Западна Русија. Мапата дополнително ја покажува можноста за копнени движења во првата фаза од две точки и од Крим кон Мариупол. На мапата, исто така, се прикажани потенцијални поместувања на копно во втората фаза од Крим кон Миколаив и од Дњепар кон Виницја. Исто така, покажува потенцијални копнени движења од првата фаза од западната руска граница кон правец на Луганск. Врз основа на тие разузнавачки информации, Путин „се уште може да избере да спречи конфликт и да го зачува мирот“, нагласи британското Министерството.