Бритиш ервејз – Kurir.mk

Синдикатот препорача прифаќање пониски плати за пилотите во Бритиш ервејз

Магдалена Андонова — Thu, 23 Jul 2020 09:37:46 +0000

Синдикатот на пилоти во Велика Британија БАЛПА им препорача на 4.300 свои членови да го прифатат предлогот на „Бритиш ервејс“ за намалување на платите од 20 проценти, за да се ограничат присилните намалувања на работните места. Британското здружение на пилоти за авиони (БАЛПА) соопшти дека може да бидат отпуштени 270 пилоти, но очекува мерки за ублажување за да се намали тој број. Претходно оваа година, „Бритиш ервејс“ се обиде да отпушти четвртина од своите пилоти поради влијанието на пандемијата. „Исклучително е разочарувачки што за време на обемните преговори, „ Бритиш ервејс “не го прифати целосниот пакет за ублажување што го поставивме, на тој начин избегнувајќи загуби на работните места и немаше ја чини компанијата дополнителни трошоци“, соопшти синдикатот. Според договорот, платите на пилотите првично би се намалиле за 20 проценти, а во наредните две години намалувањето на платите би се намалило на осум проценти и на нула на долг рок. Исто така, 4.300 пилоти на „Бритиш ервејс“ треба да прифатат работа со скратено работно време, отпремнина и аутсорсинг. Околу 300 пилоти ќе бидат во мирување и ќе се вратат на летови кога ќе се зголеми побарувачката. „Бритиш ервејс“ потврди дека постигнал договор со синдикатот. Нема да има повторно вработување на пилоти, смета синдикатот, а британските законодавци ја критикуваа авиокомпанијата за користење тактики со кои компаниите ги принудуваат вработените да прифатат неповолни услови. (MИА)

„Бритиш ервејз“ ја повлекува целата флота од џамбо џетови на „Боинг- 747“

Тале Кристо — Fri, 17 Jul 2020 10:25:31 +0000

„Бритиш ервејз“, авиокомпанијата која најмногу во светот ги користи авионите „Боинг 747“, соопшти дека ја повлекува целата своја флота од џембо џетови заради падот на туристичката индустрија предизвикан од пандемијата на коронавирусот. Глобалните мерки за ограничување, воведени за да се запре ширењето на Ковид-19, доведоа до драстичен пад на воздушниот сообраќај, што ја доведе во прашање иднината на многу авиокомпании. „Малку е веројатно нашата величествена „кралица на небото“ некогаш повторно да биде искористена за комерцијалните летови на „Бритиш ервејз “, се наведува во соопштението на компанијата. „Бритиш ервејз“, која е во сопственост на британската група ИАГ, додаде дека ќе работи со повеќе модерни авиони што трошат помалку гориво, како што се новите „А350“ и „787“, како и дека очекуваат овие авиони да им помогнат да постигнат нето-нулта емисија на јаглерод до 2050 година. (МИА)

„Бритиш Ервејз“ размислува за привремено отпуштање на 36.000 вработени

Ивона Петрова — Thu, 02 Apr 2020 06:12:18 +0000

„Бритиш Ервејз“ размислува привремено да отпушти 36.000 вработени, јави Би-Би-Си. Според медиумот, компанијата добила принципелна согласност од синдикатите за изведување на оваа непопуларна мерка, а двете странки работат врз деталите на договорот. Би-Би-Си забележува дека не станува збор за отпуштање на вработените, туку тие само привремено ќе прекинат со својата работа. Во целина оваа мерка ќе зафати 80 отсто од екипажите, персоналот на земја, инженерите и службениците во централата на овој воздушен превозник. „Бритиш Ервејџ“ на 31 март соопшти дека привремено ги запира сите свои летови од лондонскиот аеродром Гетвик поради пандемијата од коронавирусот. На 23 март во Велика Британија беше воведен карантин.

„Бритиш Ервејз“ ги прекина сите летови кон и од Кина

Ивона Петрова — Wed, 29 Jan 2020 08:27:47 +0000

„Бритиш Ервејз“ (British Airways) ги прекина сите директни летови до и од континентална Кина, откако здравствените власти на Велика Британија предупредија за опасноста од епидемијата на коронавирус, пренесоа британските медиуми. Од официјалниот сајт на авиокомпанијата се дознава дека во јануари и февруари нема да има директни летови до Кина. „Се извинуваме за предизвиканите проблеми, но безбедноста на нашите клиенти и екипажи секогаш е наш приоритет“, соопштија од авиокомпанијата. „Оние кои ќе патуваат до или од Кина во следните денови можат да најдат повеќе информации на нашиот сајт“, додаде компанијата. Велика Британија ги советуваше своите државјани да не патуваат до континентална Кина, освен ако тоа навистина не им е неизбежно, поради коронавирусот.

Хакери украле податоци на околу 400.000 клиенти на „Бритиш ервејз“

Ивона Петрова — Fri, 07 Sep 2018 06:24:39 +0000

Хакери украле лични и финансиски податоци на 380 илјади клиенти на „Бритиш ервејз“, јавија британските медиуми. Цел на хакерскиот напад бил сајтот на „Бритиш ервејз“ и мобилната апликација на компанијата. Со нападот се погодени клиенти кои платиле за авионски билети во периодот од 21 август до 5 септември. Не се украдени податоци од пасоши и информации за летовите. „Бритиш ервејз“ почна истрага и е во постојан контакт со своите клиенти. МИА