Бризбејн – Kurir.mk

Бризбејн се враќа во тенискиот календар

Ивана Ефремовски — Fri, 15 Sep 2023 16:59:24 +0000

Турнирот во Бризбејн ќе се врати од идната година во календарот на АТП, првпат од 2020. и повторно ќе им служи на играчите како подготовка за настап на Австралија Опен. Своето прво издание турнирот во Бризбејн го имаше во 2009 година и привлече голем број навивачи, а меѓу освојувачите на трофејот на овој турнир беа Роџер Федерер, Серена Вилијамс, Енди Мареј и Марија Шарапова. Од календарот на машки турнири беше исфрлен кога во 2019 година беше воведен АТП купот, а последен пат во женска конкуренција се одржа во 2020 година. Организаторите во Бризбејн соопштија денеска дека комбинираниот машки АТП турнир од серијата 250 и женскиот ВТА од серијата 500 ќе се одржи од 31 декември до 7 јануари. (МИА)

Драма во Австралија: Евакуиран аеродромот во Бризбејн и прогласена вонредна состојба

Предраг Кукиќ — Sat, 02 Feb 2019 14:03:07 +0000

Австралиската полиција го евакуира аеродромор во Бризбејн поради вонредна состојба откако очевидци тврдеа дека маж носи бомба. Припадници на федералната полиција и на полицијата на Квисленд се на местото на инцидентот. – Во овој момент немаме повеќе информации, се наведува во соопштението на полицијата. На социјалните мрежи објавено е дека маж вооружен со ножеви и со бомба стои на еден од аеродромските терминали.

Надал се повлече од Бризбејн

Ивона Петрова — Wed, 02 Jan 2019 11:12:28 +0000

Рафаел Надал се откажа од учество на турнирот во Бризбејн во серијата АТП 250. Вториот светски рекет има повреда и по консултации со лекарите одлучи да го пропушти почетокот на сезоната во Австралија. – Скенирот покажа дека имам мал проблем во левиот бут. Сакав да играм, но препораките на лекарот беа различни, рече Надал. Пред Надал има период на опоравување, а целта е да биде подготвен на Австралија Опен, кој се одржува од 14 до 27 јануари во Мелбурн. Неговото место го зазеде „среќниот губитник“ од квалификациите Таро Даниел. Јапонецот во второто коло ќе игра со Жо-Вилфред Цонга (Франција). МИА